خبراء الماروتي برجاء الإفادة
حصاد الأسبوع
من السبت لـ السبت
الحمد لله تم شراء عربية ماروتي 1994 ولكن بعد الاستخدام ظهر بها عيب بالفتيس وهو صعوبة في الوصول للغيار رقم 3
المهم روحت لميكانيكي فك عصاية الفتيس وقالي البنز بتاعها كان مبوش وظبطه وقاللي تمام
المشكلة ان العيب زي ماهوه فا روحت لواحد تاني خبرة برضه فك العصاية وقالي ده البنز كان داقر في المجري بتاعه وهو ده اللي كان معاكس الغيار تمااام
برضه العيب زي ما هو
روحت له تاني يوم من 10 صباحا وفضل شغال فيها لـ 10 مساءا طبعا فك الفتيس وطلعه من العربية خالص "طلًع عينه" لقي بلية الفتيس فارطة والشنبر اللي جواها واقع منه حتت جوه علبة التروس ولقي واحد من المحاور اللي بيشيل التروس في بوش
بعد الفحص قاللي ان التروس كلها تمام والحمدلله فقمنا بتغيير بلية الفتيس وتظبيط المحور بتزويده لحام واعادة خرطه مرة أخري وتم التقفيل "وقام بتجربة غيارات الفتيس قبل ما يركبه وقاللي تمام" وكل حاجة رجعت مكانها تاني
لكن للأسف مكانش فيه أي نتيجة ملحوظة لكل ده :H_angry[1]: واستمرت المشكلة كما كانت
رجعت له تاني يوم وبعد الفحص والتمحيص والتجربة قاللي الجلبة بتاعة عصاية الفتيس فيها سنة بوش وممكن تكون هي اللي عملة كدة
خد الجلبة وعالمخرطة عملها جلبة جديدة وقام بالتركيب
النتيجة العصاية تقيلة وده بسبب الجلبة المصنعة
الغيارات التحكم بها تمام لكن جوه نفس الحارة يعني من أول لتاني والعكس أو من تالت لرابع والعكس
لكن من تاني لتالت أو العكس مرة تصيب ومية لأ:B4_556: ده غير ان بقي في رعشة جامدة عند السلانسيه "دي ظهرت بعد فك الفتيس وتركيبه"
بعد اللجوء لأحد الخبراء قاللي عليك وعلي الإستيراد ""هات فتييييييييس"":crashcomputer5: ""هات فتييييييييييس""
ما رأي السادة الخبراء ونأسف عالإطالة
:duh::duh::duh: