الموضوع: تقييمي بعد تسقيط ماتور 1400 2 كامه للبولو 2000

الف مبروك يا ميدو وربنا يديك خيرها ويكفيك شرها
هي بتستهلك 300 كم في 30 لتر ؟
كتير جدا طبعا
المفروض ال30 لتر تمشيك حوالي (275 + 135 = 410) قول 400 كم ع الطوالي خارج المدينة


للمتابعة http://www.nilemotors.net/Nile/345546-1400-2-a.html

300 كم فى 30 لتر كتير يا سيد باشا على كدا انا هنزل اولع فى عربيتى دى بنت كلب ممكن تعمل بال 30 لتر دول 200 كم بالعافيه وانا من غير تكيف و 1300 سىسى
على العموم الله يرحم المرحومه لسه واققفه نحت اهو اوانا الصراحه ما صدقت اخدت اجازه ومكسل حتى انزل اشيل التراب من عليها ولا اودى البطاريه تتشحن رميتها تخت وقاعد فوق اهو

المهم الله يباركلك يا باشا بس هو سؤال لحضرتك هى ال 1400 ده حلو مع التكيف ولا بيخلى السحب مش اوى علشان انا ناوى انشاء الله لما اتخرج اسقطلها مكنه بس مش عارف اسقط 1600 كامله تكيف وباور ولا 1400
مع العلم ان انا عاوزها تشد كويس خاصه مع الى بى ام دبانه علشان انا بموت فى العربيه دى (البى ام دبانه ) ولوالعربيه دى الابيزا شدت معاها هتبقى بالنسبالى روعه

الف مبروك يا ميدو و ربنا يباركلك فيها
موضوع استهلاك البنزين ده نسبي و ملهوش مقياس خاصة في الزحمة و طريقة القيادة
لو حابب تجرب العربية فعلا جربها في طريق سفر و امشي لا تتعدي بالسرعه عن 120 و متحرقش ولا تشد و شوف هتعمل كام و وقتها نشوف

المحركات ال 2 كامة مغرية في الجري جدا و خاصة علي السرعات و الار بي ام العالي
اتمني اسمع صوتك قريبا يا ميدو و حاسس انك زعلت مني اخر مكالمتين بينا و لكن ربنا الاعلم ان ظروف شغلي هي السبب لعدم الرد اوقات

ما شاء الله ولا قوة الا بالله
يا باشا انت صرفت على العربية وصرفت بطريقة مدروسة, يبقى لازم النتيجة تكون مرضية

ربنا يباركلك فيها ويكفيك شرها

بالنسبة للسرعة القصوى فهى المفروض كتالوج بيقول 170 لكن على الواقع ممكن تزيد وتوصل 180 بس انا عارف انك مش هتحاول تجرب تجيبهم لأنك مش بتجرى وهادى فى سواقتك وكمان متنساش انك ماشى بكاوتش 13

بلاش تقطع وابقى طمنا عليك