الموضوع: حد يعرف حاجة عن هرمون قصر القامة عند الاطفال

قصدك هرمون النمو ..
اصل اعتقد ان مفيش حاجه اسمها هرمون قصر القامه ..
انما الهرمون اللي ممكن يؤدي لقصر القامه هو هرمون النمو ..وفيه اسباب تانيه طبعا ..
الافضل تروح لدكتور اطفال كويس..
فيه مصطفي هدهد وحامد الخياط في مصر الجديده ..دول دكاتره اطفال محترمين ممكن تروحلهم لو مش متابع مع دكتور بتثق فيه

لدى معلومة يمكن تفيدك اكل اللحمة الحمراء تذيد من الطول و هذا عن تجربة شخصية بالتوفيق

عن تجربتي مع د. مصطفى هدهد
دكتور شاطر جدا ومحترم جداااا
بس عيبه عيادته زحمة جدااااااااااااااااااااااا اااا والكشف غالي حبتين
هو عنوانه في مصر الجديدة في ميدان تريومف (اللي فيه مؤمن) في العمارة اللي فيها البنك الاهلي
انا صراحة مش عارف هو متخصص في موضوع الطول ولا لأ
لكن هو مشهور بمشاكل الجهاز الهضمي للأطفال ودي كانت تجربة ابني معاه

هرمون النمو (growth hormone)هو الهرمون المسئول عن تحفيز اجهزة الجسم للقيام بعملية النمو بصورة طبيعية ونقص الهرمون يسبب ظاهرة نقص النمو او قصر القامة وزيادة الهرمون يسبب ظاهرة العملقة ويفرز هذا الهرمون على شكل حمض امينى من الغدة النخامية بصورة طبيعية ويتم قياس الهرمون فى الدم بتحليل بسيط فى المعامل الكبرى ولابد من حجز مسبق لان ميعاد اخذ العينة الساعة 9 صباحا وهو موعد افراز الهرمون فى الدم ويكون اما عينة واحدة بطريقتى - ( basal or after stimulation) او عن طريق اخذ اربع عينات عينة كل نصف ساعة لعمل منحنى G.H carve ويعتبر المنحنى افضل واضح للحالة ياخذ الطفل جرعة علاجية قبل التحليل ويتم مراقبة مدى استجابة الجسم للتعامل مع الهرمون تكلفة التحليل المنحنى من 300 الى 400 جنية حسب المعمل يفضل المعامل الكبيرة طبعا والنتيجة فى اليوم التالى وللعلم ليس هرمون النمو هو السبب الوحيد فى قصر القامة ولكن هناك اسباب اخرى منها الوراثة وضعف التغذية او خلل بهرمون الغدة الدرقية T3 -T4 -TSH يعنى ممكن نبدا بعمل صورة دم وتحاليل الغدة الدرقية فى البداية ثم بعدها هرمون النمو او حسب مايحدد الطبيب المعالج اى طبيب اطفال ممكن يتابع الحالة لانها حالة متكررة بصورة كبيرة عموما لو السبب هرمون النمو بيتم اخذ الهرمون فى صورة حقن لمدة عامين فى الغالب او حسب تقدير الطبيب ملحوظة اللى هيعمل منحنى ياخذ معاه اكياس بلاستيك وعلبة مناديل ورق وزجاجة مياه لان غالبا الطفل بيرجع بعد اخذ الجرعة مش كل الاطفال لكن حالات متير بترجع --والف الف سلامة

اشكرك جميعا على الاهتمام و الرد ، انا بودى الولاد عند مصطفى هدهد و حروح لة بعد الامتحانات اخذ راية

المشاركة الأصلية كتبت بواسطة أبو صلاح

عن تجربتي مع د. مصطفى هدهد
دكتور شاطر جدا ومحترم جداااا
بس عيبه عيادته زحمة جدااااااااااااااااااااااا اااا والكشف غالي حبتين
هو عنوانه في مصر الجديدة في ميدان تريومف (اللي فيه مؤمن) في العمارة اللي فيها البنك الاهلي
انا صراحة مش عارف هو متخصص في موضوع الطول ولا لأ
لكن هو مشهور بمشاكل الجهاز الهضمي للأطفال ودي كانت تجربة ابني معاه

على فكرة هدهد نقل فى عيادة جديدة فى نفس الشارع و العيادة كبيرة و منظمة مش زى زمان