تعديل في العربية سيات 133 موديل 1979

**yasoraa** · 17-08-2008 03:34 PM

بسم الله الرحمن الرحيم
انا المهندس / ياسر محمد
عندي عربية سيات 133 موديل 1979 بقالها معايا 6 سنين وكان موضوع الحر في مصر بيجنني أول حاجة عملتها اني ركبت عداد حرارة للعربية وتاني حاجة جبت مروحة العربية الزستافا وهي نفس الاكس بتاع طلمبة مياه السيات ولكن الفرق ان ريش المروحة بتاعة الزستافا عكس بتاعة السيات وعلشان كده اتجاه تيار الهواء المسحوب للردياتير حينعكس ويصبح مثل العربات العادية اللي محركها في الامام وسيتم سحب الهواء من الامام الي الخلف :) وبالتالي العربية وهي ماشية كل الهواء اللي مقابلها حيتسحب علي الردياتير ويبرد المياه وأصبحت هناك عقبة واحدة أمامي ان الردياتير من خلفه فيه صاجه قافلة المكان من وراه ففكيت الردياتير و فتحت في الصاجة دي وبالتالي أصبح مجال سحب الهواء مفتوح وركبت علي بركة الله و سافرت بيها و كانت المفاجأة ان الحرارة أصبحت تتراوح مابين 70 إلي 85 اقصاها وفي داخل القاهرة من 70 إلي 75 وكمان لو سافرت في الصباح الباكر مع الهواء المنعش اللطيف ممكن الحرارة عندك تصل إلي 70 أقصاها وسحب العربية أصبح جميل وأعتقد أن العربية دي لو فيها فتيس 5 نقلات كانت ممكن تقفل العداد
علي فكرة برضه انا مركب كبالن ورا للعربية علشان اعرف اسافر بيها وانا مطمئن
واللي ليه اي سؤال في الموضوع ده يبقي يسألني

**amr_elrashidy** · 17-08-2008 03:40 PM

ايه باشمهندس منور نايل موتورز

**MMamdouh** · 17-08-2008 04:50 PM

good modification

ممكن كمان تغير فلنشات العجل ب كبالن بس مش فاكر اللى بيركبلها بتوع 127 ولا 128

MMamdouh

**hazem_khidr** · 18-08-2008 04:39 AM

فكره بسيطه لكن عمليه و تمام يا باشمهندس:)
فعلا مشكله السخونه دي من اكبر مشاكل السيات 133
والد كان معاه واحده موديل 79 الكلام دا كان سنه 81
و كانت برضه بتسخن رغم انها جديده و زهق منها و باعها.

هو سؤال محيرني
انا ماعنديش العر بيه دي بس مره و انا مسافر على طريق مصر اسمعليه الصحراوي و ماشي 120 لقيت عربيه سيات 133 بتعديني كأني راكن على جنب
العربيه مافيهاش جنوط و لا حاجه عربيه عاديه جدا
سألت ابن خالتي قالي بيركبلها متور 127 و علشان كده بتقلاقيها بتجري
ده صحيح و لا ايه

بيركب لها بساتم ال 127 و الكرنك
بس لازم تخلف الكرنك علشان لو ركب علي نفس وضعيته في ال 127
و جيت تعشق الاول و تطلع العربيه حترجع لورا!!
ولو اخدت المارشدير حتطلع لقدام!!!:)
فلام تقلب الكرنك بتاع ال 127 علشان يركب

**2hmed_7osam** · 18-08-2008 05:02 AM

معلش ممكن حضرتك توضحها بالصور لأني مشفاهم اللي حصل بالظبط

**sab3aawy** · 18-08-2008 09:36 AM

المشاركة الأصلية كتبت بواسطة dr_3eshoo

هو سؤال محيرني
انا ماعنديش العر بيه دي بس مره و انا مسافر على طريق مصر اسمعليه الصحراوي و ماشي 120 لقيت عربيه سيات 133 بتعديني كأني راكن على جنب
العربيه مافيهاش جنوط و لا حاجه عربيه عاديه جدا
سألت ابن خالتي قالي بيركبلها متور 127 و علشان كده بتقلاقيها بتجري
ده صحيح و لا ايه

موتور ال127 لوحده مايعمل لهاش حاجة لان الجير بوكس بتاعها بطئ، فحتى لو ركبت عليها موتور بورشة على الجيربوكس بتاعها مش هيعمل حاجة

لكن العربية اللى انت شفتها دى ومجموعة من العربيات اللى زيها كان بيجيلها موتور وفتيس بالكامل بتاع موديلات تانية قبل حظر استبدال محركات العربيات بمحرك من شركة غير الشركة المصنعة

**MMamdouh** · 19-08-2008 12:01 PM

المشاركة الأصلية كتبت بواسطة hazem_khidr

بيركب لها بساتم ال 127 و الكرنك
بس لازم تخلف الكرنك علشان لو ركب علي نفس وضعيته في ال 127
و جيت تعشق الاول و تطلع العربيه حترجع لورا!!
ولو اخدت المارشدير حتطلع لقدام!!!:)
فلام تقلب الكرنك بتاع ال 127 علشان يركب

لا مش فاهم القصة دى.... قصدك بيقلب اتجاه دوران الكرنك... لان "تخلف" دى انا فهمتها "تجيب اولة مكان اخرة" و كدة ممكن ميركبش و لو ركب مش حسركب عليه الفلام و الطنبورة

MMamdouh

**hotboja** · 19-08-2008 01:52 PM

-

-

مشاهدة نتائج الإستطلاع: رأيك في فكرة التعديل ؟

الموضوع: تعديل في العربية سيات 133 موديل 1979

LinkBack

أدوات الموضوع

عرض

-

-

-

-

-

-

المواضيع المتشابهه

وش سلندر 504 موديل 1979

اودي موديل 1979

سيات 133 موديل 1979 بحالة جيدة جدا

ريتمو موديل 1979

128 موديل 1979

الكلمات الدلالية لهذا الموضوع

المفضلات

المفضلات

ضوابط المشاركة