مشكلة هيونداى الرئيسية , تقديمها لعربيات فى كافة الفئات السعرية

**alivara** · 17-08-2008 04:30 PM

المشكلة كلها ان هيونداى عاملة عربيات لجميع فئات الشعب فطبعا كل ما تقل الفئة السعرية للعربية تقل كفاءتها و كمالياتها و ده اللى بيخللى الناس تكره الكورى
لان معظم اللى بيتكلموا عن هيونداى من ملاكها عندهم عربيات فى فئة قليلة زى اكسنت و فيرنا فلازم تلاقى عيوب , و من الناحية التانية تلاقى الماركات اللى كل الناس بتشكر فيها مالهاش عربيات فى فئات سعرية صغيرة زى تويوتا و مرسيدس و بى ام دبليو كل عربيات الشركات ديه فئات عالية عشان كده فيها كفاءة عالية و كماليات كتيرة
نيجى بقى لهيونداى , فى الفئات العالية ماتلاقيش مشاكل (كل ما يزيد السعر تزيد الكفاءة) زى الانترا و سوناتا و توسان كلها عربيات جميلة
قصدى ان الشكوى كلها بتيجى من الفيرنا و الاكسنت ... و زيهم فى نفس الفئة السعرية
هيونداى افتكرت ان ده حيسهل على كل الناس ركوب العربيات بس الناس فهمت غلط و استخدمت ده ضد هيونداى
بمعنى (مش عايز حد يزعل) واحد دافع 70000 جنيه فى عربية فيرنا و عايز بفلوسه ديه من العربية ايه ؟ ثبات زى اوبل , نعومة زى تويوتا , كماليات رهيبة , تسارع زى فيرارى , راحة زى الليموزين! , شكل زى سيفيك او لانسر
يعنى عايز يسوى عربيته اللى ب 70 الف بعربيات بملايين , ده كلام ؟
يعنى هى غلطة هيونداى انها عملتلك عربية على قد فلوسك بامكانيات متواضعة على قد فلوسك و كمان مش عاجبك ؟
يبقى محدش يقول هيونداى وحشة لانه بيبص لعربيات مفيهاش امكانيات على قد فلوسها
و منتظر الردود

**حماده المصري** · 17-08-2008 05:10 PM

والله انت كلامك صح ومعليهوش غبار

اضف عليه

الفات الصغيره من هيونداي / فيرنا او اكسنت او جيتز
تفتقر الي الراحه فقط انما هي عربيات اعتماديه وتثق فيها

وبالنسبه للموديلات الجديده احساسي بيقولي انها هتبقى معديه جدا
يعني االجيتز والاكسنت الي هينزلوا جديد هيبقى في كلام تاني معاهم

علما ان االشكوى الي بتيجي بتبقى من هيونداي المتجمعه من مصر زي الفيرنا

الاكسنت عربيه تحفه

النيو اكسنت عربيه قويه جدا

**alivara** · 17-08-2008 05:27 PM

ده اللى انا اقصده تقفيل سيئ بس فى الفئات الصغيرة , انما فى النترا مثلا مفيش تدخل مصرى غير فى السنتر و الريموت

**sokasoon** · 17-08-2008 11:05 PM

المشاركة الأصلية كتبت بواسطة alivara

ده اللى انا اقصده تقفيل سيئ بس فى الفئات الصغيرة , انما فى النترا مثلا مفيش تدخل مصرى غير فى السنتر و الريموت

ايوه بس مش كل واحد يقدر يشترى عربية بــ 122 الف وفى الاخر كمان توكيل سىء

**AHMEDCAR** · 18-08-2008 11:27 AM

الالنتلاا فيها عيوب عادى جدا و المرسيدس موديل 2007 عامله 20000 الف غيرت طنابير ده مش مقياس

**MOHAMED ABD EL SHAFY** · 18-08-2008 03:53 PM

المشاركة الأصلية كتبت بواسطة alivara

المشكلة كلها ان هيونداى عاملة عربيات لجميع فئات الشعب فطبعا كل ما تقل الفئة السعرية للعربية تقل كفاءتها و كمالياتها و ده اللى بيخللى الناس تكره الكورى

تقل الكفائة زى السرعة مثلا او طول عمر قطع الغيار ولكن ليس ذلك على حساب عيوب الصناعة اللى ظهرت وأودت بحياة ناس كتيير

المشاركة الأصلية كتبت بواسطة alivara

واحد دافع 70000 جنيه فى عربية فيرنا و عايز بفلوسه ديه من العربية ايه ؟ يعنى عايز يسوى عربيته اللى ب 70 الف بعربيات بملايين , ده كلام ؟

لا الكلام الصح انى اشترى بال70000 عربية قيمه ال 70000موجودة فعلا بها وخالية من عيوب الصناعة وخالية من عيوب التقفيل وعندك امثلة كثيرة لسيارات فى مثل الفئة السعرية ولا يوجد بها عيوب صناعة او تقفيل (اللانوس مثلا) مش ادفع 70000 فى سييارة قيمتها الحقيقية اقل وكمان بها عيوب صناعة علاوة على توكيل سيئ (كلام غير منطقى بالمرة)

المشاركة الأصلية كتبت بواسطة alivara

يعنى هى غلطة هيونداى انها عملتلك عربية على قد فلوسك بامكانيات متواضعة على قد فلوسك و كمان مش عاجبك ؟

ايوة طبعا مش عاجبنى لما تدينى سيارة بها عيوب تصنيع وتفرض عليا وكيل مستغل ومبحترمش المستهلك
ما عندك مثال فى عربيات ارخص كمان من ال 70000 لو اشتريتها متلاقيش فيها متور بياكل زيت وهوا زيرو او مشكلة الطنابير والزوايا الشهيرة ولا مشاكل البور اللى مات بسببة ناس كتيير (على فكرة ليا واحد صاحبى كان هيموت بسببة والعربية انتهت والتامين خردها)

**alivara** · 18-08-2008 04:25 PM

حضرتك بتقول لانوس فى نفس الفئة و مفيهاش عيوب؟!!!!!! مش ممكن حضرتك ماتعرفش اى حاجة عن لانوس كده , انت لو دخلت على اللينك ده و شوفت الجزء الخاص بلانوس فى الصفحة الاولى حتلاقى اد ايه اللانوس ديه ازبل عربية فى مصر
تقفيل زى الزفت و موتور اسلاكه ملفوفه ببلاستر مصرى و خامات زبالة , ارجوك ما تقولش اى حاجة من غير ما تتأكد
http://www.nilemotors.net/Nile/showthread.phpt=32330
مفيش واحد بس بيشكر فيها ؟ يبقى بتتكلم ازاى ؟
انا زهقت من الردود اللى مالهاش اثبات ديه انا شكلى حنضم لاستاذ سبعاوى و اسيب المنتدى خالص عشان زهقت فعلا

**sokasoon** · 18-08-2008 09:44 PM

المشاركة الأصلية كتبت بواسطة alivara

حضرتك بتقول لانوس فى نفس الفئة و مفيهاش عيوب؟!!!!!! مش ممكن حضرتك ماتعرفش اى حاجة عن لانوس كده , انت لو دخلت على اللينك ده و شوفت الجزء الخاص بلانوس فى الصفحة الاولى حتلاقى اد ايه اللانوس ديه ازبل عربية فى مصر
تقفيل زى الزفت و موتور اسلاكه ملفوفه ببلاستر مصرى و خامات زبالة , ارجوك ما تقولش اى حاجة من غير ما تتأكد
http://www.nilemotors.net/Nile/showthread.phpt=32330
مفيش واحد بس بيشكر فيها ؟ يبقى بتتكلم ازاى ؟
انا زهقت من الردود اللى مالهاش اثبات ديه انا شكلى حنضم لاستاذ سبعاوى و اسيب المنتدى خالص عشان زهقت فعلا

حضرتك حاطت لينك وهمى ومش صحيح اتأكد منو الاول

**AHMEDCAR** · 19-08-2008 10:32 AM

ياباشا انت معاك اى عربيه هيونداى اصلا و هو كلام بس

**MOHAMED ABD EL SHAFY** · 19-08-2008 12:19 PM

بس الالنوس كمثال ليس بها عيوب صناعة
وهوا دا بيت القصيد اللى عاوزين نوضحة
(على فكرة انا معنديش لانوس)

الموضوع: مشكلة هيونداى الرئيسية , تقديمها لعربيات فى كافة الفئات السعرية

LinkBack

أدوات الموضوع

عرض

مشكلة هيونداى الرئيسية , تقديمها لعربيات فى كافة الفئات السعرية - انشر الموضوع فى :

-

-

-

-

-

-

المواضيع المتشابهه

مقارنه عملاقة الفئة السعرية

ماذا تختار فى الفئات السعرية دى ..!

مقارنة بين ( ! ) وجميع فئتها السعرية

خدمة جديدة اود تقديمها لأخوانى فى المنتدى ويهمنى معرفة رأيكم

الكلمات الدلالية لهذا الموضوع

المفضلات

المفضلات

ضوابط المشاركة