استعداداً لموسم الصيف - تنظيف مروحة التبريد وفتحات التهوية في اللاب توب - بالصور
بسم الله الرحمن الرحيم
السلام عليكم ورحمة الله وبركاته
أخواني الأعزاء في منتدي نايل موتورز
بقالي فترة بشتكي من مشاكل الحرارة في الكمبيوتر بتاعي بس كنت مكسل اعمله لحد لما وصل لمرحلة انه بقي بيطفي خلال 10 دقايق من تشغيله ومن اول لما يشتغل المروحة علي اعلي سرعة
فقررت اني اعمله - بس لأني عارف انها مشكلة معظمنا بيشتكي منها - وللأسف محدش فينا بيلتزم بنصائح التكنيكال اللي بتقول كل 6 شهور بحد اقصي يجب تنظيف اللاب توب وتنظيف فتحات التهوية
عشان كدة محبتش اكون اناني واعملها لوحدي - وحبيت اشرك اخواتي في نايل موتورز معايا
والنهاردة جايلكم بطريقة فك وتنظيف اللاب الhp واللي مش هيختلف كتير ان شاء الله عن معظم انواع اللابات التانية
نبدأ بسم الله
أولا الأدوات المطلوبة
1- مفك عادة رفيع جدا
2- مفك صليبة رفيع جدا
3- بلاور - سيشوار - مكنسة كهربائية
4- فرشة اسنان
http://nileup.com/up/uploads/nilemotors_13677768061.jpg
ثانياً خطوات الشغل
1- نفك البطارية من الكمبيوتر
2- نقلب الكمبيوتر علي ظهره
http://nileup.com/up/uploads/nilemotors_13677756481.jpg
3- اي مسمار يقابلك فكه
يستحسن لو كل مجموعة مسامير تفكها تخليها لوحدها وتبقي عارف دي بتاعة ايه
لأن هتلاقي حوالي 3 مقاسات من المسامير - صحيح hp مميزة كل مجموعة من المسامير بلون معين - بس عشان ماتركبش مسمار طويل في مكان بيركب فيه مسمار قصير وتسبب مشكلة
http://nileup.com/up/uploads/nilemotors_13677756482.jpg
http://nileup.com/up/uploads/nilemotors_13677756483.jpg
http://nileup.com/up/uploads/nilemotors_13677756484.jpg
http://nileup.com/up/uploads/nilemotors_13677756485.jpg
http://nileup.com/up/uploads/nilemotors_13677756488.jpg
4- هنفك الكابل بتاع الهارد ديسك عن طريق الجذب لأعلي
http://nileup.com/up/uploads/nilemotors_13677756489.jpg
5- هنسحب الCD-Drive من مكانه
يستحسن لو تكون فاتح الCD من قبل ما تبدأ الشغل عشان ماتدخلش في متاهة الفتح وتدور علي دبوس تفتحه بيه من مكان فتح الطوارئ
http://nileup.com/up/uploads/nilemotors_13677763221.jpg
http://nileup.com/up/uploads/nilemotors_13677763224.jpg
http://nileup.com/up/uploads/nilemotors_13677763225.jpg
http://nileup.com/up/uploads/nilemotors_13677763236.jpg
6- هندفع (هتزق) الكيبورد من جنب كارت الwire-less بأي حاجة
أثناء الدفع هتسحب الكيبورد من فوق من نصها وبعدين هتسحبها من تحت لفوق
http://nileup.com/up/uploads/nilemotors_13677768065.jpg
http://nileup.com/up/uploads/nilemotors_13677763237.jpg
7- هتفك كابل الkeyboard من تحت الكيبورد عن طريق فتح الباب اللي قافل علي الكابل
8- هتفك اي مسمار يقابلك تاني
9- هتلاقي كابلات بتاعة الtouch-pad والسماعات والباور
هتفكهم زي ما فكيت كابل الكيبورد
10- هتفك الوش بتاع الكمبيوتر الفوقاني من النص التحتاني
http://nileup.com/up/uploads/nilemotors_13677763238.jpg
http://nileup.com/up/uploads/nilemotors_13677763239.jpg
http://nileup.com/up/uploads/nilemot...6777632310.jpg
11- هتلاقي الmotherboard قدامك
http://nileup.com/up/uploads/nilemotors_13677768063.jpg
هتدي الأول نفخة بالبلاور او السيشوار او المكنسة الكهربائية
وبعدها هتبدأ تمسك المروحة وتمشي عليها فرشة السنان وتنفخ
وتنفخ في فتحات التهوية من برة
وترجع تنفخ تاني في المروحة من جوة
اكتر من مرة لحد لما يبطل يطلع تراب
في شوية صور لبعض المكونات ماعرفتش اصورها لأني كنت مستخدم ايدي الأتنين في الفك
فجيبتهالكوا من علي النت لنفس موديل الكمبيوتر بتاعي بحيث يبقي الموضوع متكامل
صورة كابل الكيبورد
http://www.insidemylaptop.com/images...ssembly-10.jpg
http://www.insidemylaptop.com/images...ssembly-11.jpg
http://www.insidemylaptop.com/images...ssembly-12.jpg
صورة كابلات التاتش باد والسماعات والباور
http://www.insidemylaptop.com/images...ssembly-15.jpg
http://www.insidemylaptop.com/images...ssembly-16.jpg
http://www.insidemylaptop.com/images...ssembly-17.jpg
طريقة فك الكيبورد الصحيحة
http://www.insidemylaptop.com/images...ssembly-08.jpg
http://www.insidemylaptop.com/images...ssembly-09.jpg
ملاحظاتي علي عملية الفك والتركيب
طبعاً التركيب اصعب شوية من الفك بس لو انت مرتب افكارك ومخلي كل مجموعة مسامير لوحدها هتلاقي الموضوع بقي اسهل شوية
كمان انت ممكن تستخدم الموضوع دة في التركيب مش بس الفك
عن طريق انك تجيبه من اخره لأوله
فك الكيبورد صعب شوية - بس في الأخر هتتفك معاك لو جمدت قلبك شوية
النتيجة بعد التنظيف
الفرق واضح جداً الحمد لله - المروحة تقريباً مش شغالة ومش سامعله اي صوت - كمان مش حاسس بالحرارة اللي كنت بحسها وانا شغال عليه قبل كدة
اتمني يكون التقرير عجبكم
لا تنسونا من صالح دعائكم
تحياتي للجميع
والله المستعان
،
،