تعرف على صناعة البلاستيك - افكار صناعية و دراسات

السلام عليكم اخواني الكرام
تعالوا نبدأ مع بعض سلسلة مواضيع عن أفكار صناعيه و دراسات جدوى عن بعض المشاريع لكي نفتح ان شاء الله مجال لكل شخص يريد ان يفتح مشروع صناعي ولكن ينتظر الفكره
نبدأ بصناعة البلاستيك

أولاً: ما هي صناعة البلاستيك

البلاستيك أو ما يعرف باللدائن هي مادة سهلة التشكيل بصور مختلفة تتكون أساسا من سلاسل تدعى البوليميرات

ثانيا : ما هي اهم الطرق التي يتم بها انتاج البلاستيك

1. الحقن
2. النفخ
3. الفيلم

وهذه هي المسميات السوقيه وليست العلميه
1. الحقن

ويمكن انتاج كل انواع البلاستيك الصلب ذو الأشكال مثل اجهزة التليفزيون والموبايلات

وهذه هي ماكينة الحقن
http://img716.imageshack.us/img716/6591/23852672.jpg

Uploaded with ImageShack.us
2. النفخ

ويمكن انتاج كل انواع الأفرخ والشرينك الحراري والعادي وهو من اكثر الاستعمالات الشائعه في السوق
وهذه هي ماكينة النفخ
http://imageshack.us/scaled/thumb/10/46421534.png

وتتميز بارتفاعها الكبير الذي يصل في بعض الماكينات الى 9 متر
3. الفيلم

ويمكن انتاج كل انواع الاستريتش سواء الغذائي او الصناعي والذي لا يكاد يخلو مصنع منه ولا يخلو سوبر ماركت منه الآن
وهذه هي ماكينة الفيلم

http://imageshack.us/scaled/thumb/17/76292491.jpg
وايضا هناك ماكينه للف رولات الجامبو حسب متطلبات العميل وتعتبر بحد ذاتها مشروع قائم بنفسه


http://imageshack.us/scaled/thumb/594/71814344.jpg

يبقى ان نعرف ان اهم مورد لهذه المواد الأوليه هي السعوديه وامريكا وفرنسا

ارجو ان اكون نجحت في فتح افكار حول هذه الصناعه وعلى اتم الاستعداد للإجابه على اي سؤال حول دراسات لهذه المصانع
من واقع الخبره العمليه

وأسألكم الدعاء بظهر الغيب

أحب أشكرك على الموضوع بس عايزين معلومات أكثر على سبيل المثال

- الخامات أنواعها و متوسط أسعارها
- الماكينات إناجيتها و أسعارها و تشغيلها
- التسويق سيبه دلوقت عشان ده قصة تانية

اقتباس:

---

المشاركة الأصلية كتبت بواسطة mr_green

أحب أشكرك على الموضوع بس عايزين معلومات أكثر على سبيل المثال

- الخامات أنواعها و متوسط أسعارها
- الماكينات إناجيتها و أسعارها و تشغيلها
- التسويق سيبه دلوقت عشان ده قصة تانية

---

والله انا مبسوط جدا بتفاعل حضرتك معايا واتفضل اللي انت طلبته
الخامات زي ما انا قولت من السعودية وأمريكا وفرنسا
انواع الخامات
hdpe /ldpe/ lldpe
وده طبعاً حسب انت عايز تنتج ايه وفي بعض اﻻحيان خلطه من أكثر من خامه
الماكينات بالنسبة للنفخ والغيلم من 40 الف دوﻻر و حتى 100 الف دوﻻر انتاجيه من 900 ك يوميا وحتى 4000 ك
وده طبعا ماكينات صيني بس جوده محترمه مش زي المكاتب ما بتجيب من الصين
زي المكن اللي عندي في المصنع انا جايبه بنفسي من الصين ورحت جربته قبل ما يتشحن
و بالنسبه للتشغيل موضوع بسيط شوية نوهاو بسيطه ممكن ندرب العمال عليها
اهم حاجه في اي مصنع ان صاحبه يكون متواجد فيه مع العمال و يتعلم على المكن كويس
واتفضل اامرني لو عايز حاجه تاني
انا سعيد بمشاركاتك

أشكرك مرة تانية على ردك

ممكن تشرح دورة الإنتاج ؟

يا سﻻم هو لسه فى كده
الى صاحب الموضوع .....الف مليون شكر مش على الموضوع بال على ايجابيتك و حسن خلقك و كرم اخﻻقك فى عمل مواضيع مثمره زى دى
ارجو من الله ان تستمر وان ﻻتياس من عدم تفاعل عح كبير معاك لان للاسف المواضيع الهدفه زى دى ﻻتثير حفيظه الناس عكس موضيع النميمه و الخناقات!!!!!!!!!!!!
انا فى انتظار با قى الموضوعات ﻻعلى اقتبس منها فكره تنفعنى باقى من عمرى انا و من معى
احيك مره اجرى و جعله الله فى ميزأن حسناتك...امين

اقتباس:

---

المشاركة الأصلية كتبت بواسطة mr_green

أشكرك مرة تانية على ردك

ممكن تشرح دورة الإنتاج ؟

---

دورة الانتاج بسيطه جدا جدا
تجيب الخامه تحطها في الماكينه تطلع بلاستيك جاهز للبيع في 80% من المنتجات
و20 % ممكن تطلع جامبو كبير وبعدين تفصل حسب الطلب

اقتباس:

---

المشاركة الأصلية كتبت بواسطة amr2004ibm

يا سﻻم هو لسه فى كده
الى صاحب الموضوع .....الف مليون شكر مش على الموضوع بال على ايجابيتك و حسن خلقك و كرم اخﻻقك فى عمل مواضيع مثمره زى دى
ارجو من الله ان تستمر وان ﻻتياس من عدم تفاعل عح كبير معاك لان للاسف المواضيع الهدفه زى دى ﻻتثير حفيظه الناس عكس موضيع النميمه و الخناقات!!!!!!!!!!!!
انا فى انتظار با قى الموضوعات ﻻعلى اقتبس منها فكره تنفعنى باقى من عمرى انا و من معى
احيك مره اجرى و جعله الله فى ميزأن حسناتك...امين

---

والله مش عارف اقولك ايه كلامك اثلج صدري خصوصا حته المواضيع الهادفه لا يهتم الناس بها عكس مواضيع النميمه والخناقات وافتكرت المواضيع المشهوره على المنتدى وللأسف لقيت كلامك صح
بس بصراحه انا بعمل الموضوع ده صدقة جاريه لعل الله ينفع بها أي شخص
وان شاء الله هعمل موضوع مفصل عن صناعة الكرتون المضلع وصناعة الورق
واحاول اعمل موضوع اقول فيه لكل مبلغ ايه المناسب ليه كمشروع
وطبعا كل ده من خلال خبرتي في مجال التعبئه والتغليف يعني ممكن يكون في مشروع تاني كويس بس مش في مجال التعبئة والتغليف
جزاك الله خيرا

طيب ممكن توضح :

- رأس المال العامل لتدوير الإنتاج قد إيه
- مساحة و تراخيص المصنع
- العمالة
- هل فى إعفاء ضريبى

شكراً لك

شكرا ليك جدا بس ياريت توضح ايه هى الاسواق الى فيها ممكن ابيع السلعه الى هنتجها

اقتباس:

---

المشاركة الأصلية كتبت بواسطة mr_green

طيب ممكن توضح :

- رأس المال العامل لتدوير الإنتاج قد إيه
- مساحة و تراخيص المصنع
- العمالة
- هل فى إعفاء ضريبى

---

راس المال على حسب كميه النتاج اللى انت عايز تبيعه
بمعنى آخر لو انت جبت ماكينه انتاجها 25 طن في الشهر يبقى انت هتحتاج تمول 25 طن لمده شهرين
شهرين هي فترة الإئتمان المعروفه في السوق
الطن = 13000 جنيه
وعدد العماله 2 لكل ورديه وعامل للف والتقطيع يعني 6 عمال للورديتين
وخلى بالك الماكينه اللي انتاجها 100 طن في الشهر برضه بيقف عليها 2
المساحه مش كبيره 300 متر او اكثر التراخيص تطلع لو انت في منطقه صناعيه
الإعفاء انا شايف ملوش لازمه كبيره وانا معرفش هيا موجوده ولا لغوها

اقتباس:

---

المشاركة الأصلية كتبت بواسطة shocky

شكراً لك

---

شكرا ليك انت على المشاركه

اقتباس:

---

المشاركة الأصلية كتبت بواسطة el tanna

شكرا ليك جدا بس ياريت توضح ايه هى الاسواق الى فيها ممكن ابيع السلعه الى هنتجها

---

في النفخ والفيلم في الغالب المصانع الكبيره وطبعا انت وجودة المنتج اللى بتطلعه

بتجيب الخام بكام وبيتباع بكام المنتج

اقتباس:

---

المشاركة الأصلية كتبت بواسطة hussein

بتجيب الخام بكام وبيتباع بكام المنتج

---

الخام في حدود 13000 جنيه والبيع على حسب المنتج
عامة الربح في البﻻستيك في حدود من 3 او 4 %

علشان اقتصاد مصر الافضل ان نرجع زى زمان ونعتمد على المواد الخام المتوفره بالداخل ونعمل ريسيكل للخامات للتوفير . كان زمان كل المشروبات زجاج ودة صحى ويعاد للتعبئه ولا يكلفنا الكثير والرمال متوفرة بالداخل لهذة الصناعه ويمكن استخدامها اكثر من مرة وتحافظ على البيئه .

اقتباس:

---

المشاركة الأصلية كتبت بواسطة raedegypt

علشان اقتصاد مصر الافضل ان نرجع زى زمان ونعتمد على المواد الخام المتوفره بالداخل ونعمل ريسيكل للخامات للتوفير . كان زمان كل المشروبات زجاج ودة صحى ويعاد للتعبئه ولا يكلفنا الكثير والرمال متوفرة بالداخل لهذة الصناعه ويمكن استخدامها اكثر من مرة وتحافظ على البيئه .

---

مهو فعلا احنا بنعمل ريسيكل للبلاستك وفيه مصنع في مصر بيعمل الخامات بس انتاجه مبيقضيش حاجه وجودة السعودي اكثر بكتير
وعشان اقتصاد مصر لازم نصنع البلاستيك هنا منستوردوش من بره
احنا لغاية دلوقتي بنستورد من بره

والله الواحد لما بيشوف المواضيع الرائعة دى بيفرح جداااا.
سبحان الله الاخبار كلها حزينة من الوضع فى سوريا الى الهبل اللى فى مصر واخره حفلة منير باشا الى .........
بس كفاية كده لان الموضوع ممكن يبوظ لو فتحت...
ربنا يجازيك خيرا ان شاء الله...

شكرا ليك جدا جدا على الموضوع المحترم

اقتباس:

---

المشاركة الأصلية كتبت بواسطة ghostmido

والله الواحد لما بيشوف المواضيع الرائعة دى بيفرح جداااا.
سبحان الله الاخبار كلها حزينة من الوضع فى سوريا الى الهبل اللى فى مصر واخره حفلة منير باشا الى .........
بس كفاية كده لان الموضوع ممكن يبوظ لو فتحت...
ربنا يجازيك خيرا ان شاء الله...

---

ياه ده انت معبي جامد جدا
اقولك حاجه انا كنت زيك كده متابع الأخبار لحظه بلحظه وكنت متوتر فعلا
بس اخدت قرار جريء وهو عدم فتح التليفزيون من الأصل بصراحه ارتحت جدااااااااااا
واعصابي هديت
جزانا الله واياكم ان شاء الله

اقتباس:

---

المشاركة الأصلية كتبت بواسطة eslamrace

شكرا ليك جدا جدا على الموضوع المحترم

---

والله انت اللي محترم عشان الكلمتين دول

والله انا ماليش فى التلفزيون خالص.
الحمد لله على نعمة عدم مشاهدة العك المسمى بالبرامج التوك شو.
بالنسبة للاخبار كفاية الواحد يقلب فى الفيس شوية.....
علشان كده الواحد بيفرح جدا لما يقرا موضوع جميل او يشوف افكار مفيدة.
تحس من المواضيع دى ان المستحيل ممكن جدا بس المهم العزيمة......

لدينا رمال فى مصر تصنع مش زجاج بس بل كريستال حتى اشباه الموصلات الالكترونيه .. الزجاج صحى للاستخدام ويكفى انه يساهم فى خفض تكاليف انتاج المشروبات عكس العبوات البلاستيكيه وما شابه للاسف التى سوقت لمصر من السعوديه والصين والعالم كنوع بديل مغرى لاستيراد خامات ومعدات تكلف الدوله المليارات من الدولارات لصالحهم وفى الاخير تجد اطنان من المخلفات تحتاج لمليارات لاعادة تصنعيها ورفعها من الشوارع ... يا اخى الدوله الذكيه هى الدوله التى تشجع اى صناعه من الخامات المتوفره على اراضيها . حتى سلال الخضروات كانت تصنع من النخيل المتوفر للاسف انساق السوق بتصنعيها من البلاستيك وكل الحكى الفاضى دة ماهو الا مصلحه للاخريين واستنزاف لمواردنا من العمله

موضوع هايل ربنا يباركلك و شكرا بس لو ممكن شرح باستفاضة لانى اغلبنا ماعندهوش اى فكرة عن هذة النوعية من المشاريع يعنى انا كل معلوماتى انة صناعة اكياس البلاستيك و موش عارف لية كذا واحد عملة فى الصعيد و فشل فشل زريع لانة خامات من القاهرة و الصيانة للمعدات و التسويق من القاهرة
ماعلش الذى تتكلم عنة هل مشاريع مناسبة للصعيد و لا لا
الف شكر ليك

موضوع جميل
متابع معاكم

و على فكرة فيه خامات من شركة سيدي كرير اسكندرية
و من الشرقيون في السويس

بس السعودي خد سمعه من زمان و جودته عالية

اقتباس:

---

المشاركة الأصلية كتبت بواسطة ghostmido

والله انا ماليش فى التلفزيون خالص.
الحمد لله على نعمة عدم مشاهدة العك المسمى بالبرامج التوك شو.
بالنسبة للاخبار كفاية الواحد يقلب فى الفيس شوية.....
علشان كده الواحد بيفرح جدا لما يقرا موضوع جميل او يشوف افكار مفيدة.
تحس من المواضيع دى ان المستحيل ممكن جدا بس المهم العزيمة......

---

ربنا يباركلك ويتم عليك نعمة عدم مشاهده برامج النرفزه المسماه التوك شو
وفعلا احنا ممكن نعمل حاجات كتير مش بس العزيمه لو واحد نورلنا طريق واحنا نكمل وهو ده اللي انا عامله وان شاء الله اعمل موضوع عن صناعة الكرتون المضلع قريب

اقتباس:

---

المشاركة الأصلية كتبت بواسطة raedegypt

لدينا رمال فى مصر تصنع مش زجاج بس بل كريستال حتى اشباه الموصلات الالكترونيه .. الزجاج صحى للاستخدام ويكفى انه يساهم فى خفض تكاليف انتاج المشروبات عكس العبوات البلاستيكيه وما شابه للاسف التى سوقت لمصر من السعوديه والصين والعالم كنوع بديل مغرى لاستيراد خامات ومعدات تكلف الدوله المليارات من الدولارات لصالحهم وفى الاخير تجد اطنان من المخلفات تحتاج لمليارات لاعادة تصنعيها ورفعها من الشوارع ... يا اخى الدوله الذكيه هى الدوله التى تشجع اى صناعه من الخامات المتوفره على اراضيها . حتى سلال الخضروات كانت تصنع من النخيل المتوفر للاسف انساق السوق بتصنعيها من البلاستيك وكل الحكى الفاضى دة ماهو الا مصلحه للاخريين واستنزاف لمواردنا من العمله

---

رمال مصر من احسن الرمال في العالم ده صحيح طيب ايه رايك اعملنا موضوع عن صناعة الزجاج عشان انا عمري ما اشتغلت في مصنع زجاج وشكرا لمشاركتك الإيجابيه

اقتباس:

---

المشاركة الأصلية كتبت بواسطة dedi

موضوع هايل ربنا يباركلك و شكرا بس لو ممكن شرح باستفاضة لانى اغلبنا ماعندهوش اى فكرة عن هذة النوعية من المشاريع يعنى انا كل معلوماتى انة صناعة اكياس البلاستيك و موش عارف لية كذا واحد عملة فى الصعيد و فشل فشل زريع لانة خامات من القاهرة و الصيانة للمعدات و التسويق من القاهرة
ماعلش الذى تتكلم عنة هل مشاريع مناسبة للصعيد و لا لا
الف شكر ليك

---

شكرا على تصنيفك للموضوع انه موضوع هايل
بالنسبه للشرح باستفاضه انا شرحت انواع الماكينات الثلاثه وقولت دورة الانتاج بسيطه جدا تجيب الخامه تحطها في الماكينه يطلع منتج جاهز موضوع هايف جدا بس فيه شوية فنيات بسيطه
بالنسبة لصناعة الأكياس البلاستيك هي تتعمل من ماكينة النفخ وبعدين ماكينة تانية تقص الشنط حسب المقاس المطلوب برضه موضوع هايف
بالنسبة لموضوع الصعيد لو احنا هنمشي بطرقه علميه ( وده صح جدا بالرغم من انك بتدفع في الأول بس أوفر ليك ) لازم نعمل دراسة جدوى عن المشروع اللي حضرتك بتقوله
بمعني لو حضرتك عايز تعمل مشروع يخدم على المصانع زي الشرينك أو الاستريتش يبقى من الأفضل انك تكون قريب منها
طيب لو انت مش جنب منطقه صناعيه مشروع الشنط كويس بس الشنط تسوقها بيختلف يعني الطن خامه ب 13000 جنيه ممكن يتباع طن الأكياس ب 11000 جنيه طيب ازاى!!!!!!!!!!!
هنا يجي دور الفنيات اللى بنقول عليها
عشان ملخبطكش معايا :

• لو انت عايز تعمل مشروع في الصعيد ومش عارف ينجح ولا لأ اعمل دراسة جدوى الأول
• التسويق عامل مهم لا يمكن اغفاله يعني مين هيسوق ومين بيعرف يبيع
• مفيش مكان في العالم مفيهوش صناعة بلاستيك اللى فتح وقفل يبقى يا اما فتح مشروف صح في مكان غلط او معرفش يسوق صح يعني مش كل ميكس ممكن يظبط هههه

وانا تحت امرك في اي استفسار او مساعدة لو عايز حاجه

اقتباس:

---

المشاركة الأصلية كتبت بواسطة mazagangee

موضوع جميل
متابع معاكم

و على فكرة فيه خامات من شركة سيدي كرير اسكندرية
و من الشرقيون في السويس

بس السعودي خد سمعه من زمان و جودته عالية

---

شكرا يا مزاجنجي ومش عيب اني اقول انك صاحب الفكره في الموضوع ده بموضوعك عن الماستر باتش
انا يا سيدي بتاع الكرتون اللي في موضوعك
وعلى فكره انا قدمت اقتراح للإدارة نعمل منتدي دراسات جدوى ومشاريع تجاريه
بالنسبة للخامات انا قولت ان فيه مصري بس الانتاج مبيكفيش ولازم نستورد

صناعه البلاستيك فاشله فى مصر وخاصا بعد دخول الالاف فيها تحت السلم بمكائن وخامات من الزباله ... الموضوع وما فيه هاتشترى ماكينه جديده من تايوان ولا الصين لو ان التايوانى افضل بمليون مره وخامات غاليه مش ها تعرف تنافس ولا تبيع لان معظم الشغالين فيها مواد من الزباله ودة محتاجه خبرة ومكائن معينه تطحن الزلط وقبل ما تفكر فى الموضوع دة .عايز اقولك على حاجه اى عطل فى الماكينات دة يكلف الالاف لانها بقت كرتات الكترونيه مطبوعه فانسى الاسطى بليه يعرف فيها وتوقف حالك ولا عرفك مهندس وصلحها ها يشتغلك كل شويه بزياره تاكل كل ال كسبته ... ولا القوالب وقصتها دة موال تانى ياعمى كبر دماغك من هيك صناعه

اقتباس:

---

المشاركة الأصلية كتبت بواسطة raedegypt

صناعه البلاستيك فاشله فى مصر وخاصا بعد دخول الالاف فيها تحت السلم بمكائن وخامات من الزباله ... الموضوع وما فيه هاتشترى ماكينه جديده من تايوان ولا الصين لو ان التايوانى افضل بمليون مره وخامات غاليه مش ها تعرف تنافس ولا تبيع لان معظم الشغالين فيها مواد من الزباله ودة محتاجه خبرة ومكائن معينه تطحن الزلط وقبل ما تفكر فى الموضوع دة .عايز اقولك على حاجه اى عطل فى الماكينات دة يكلف الالاف لانها بقت كرتات الكترونيه مطبوعه فانسى الاسطى بليه يعرف فيها وتوقف حالك ولا عرفك مهندس وصلحها ها يشتغلك كل شويه بزياره تاكل كل ال كسبته ... ولا القوالب وقصتها دة موال تانى ياعمى كبر دماغك من هيك صناعه

---

اولا : صناعة البلاستيك مش فاشله في مصر
ثانيا: مين قالك ان كل شغل البلاستيك من الزباله اللي بيتعمل من الزباله ديه اكيلس الزبالة وديه اسمها اعادة تدوير
ثالثا :مين اللي قال لحضرتك ان تصليح الماكينات يكلف آلآف مكن البلاستيك من اهيف الماكينات في صناعات كتير
مش معني ان حضرتك جربت وفشلت او تعرف حد فشل يبقى الصناعة فاشله في فرق ما بين فشل شخص وفشل صناعه
وعلى فكره انا عندي مصنع بلاستيك ومبستخدش زباله وبصلح مكني بنفسي الا قليل جدا والصناعه مش فاشله

موضوع ممتاز و ربنا يباركلك و بكحم شغلي في المجال ده بس الحقن اقولك ان كلامك 100 100

على فكرة في مصنع فتح في اسكندرية و تحديدا في ميناء الدخيلة بيصنع البولستيرين هو الانتاج لسة درجة تانية و كميات قليلية جدا بس ان شاء الله خير

اقتباس:

---

المشاركة الأصلية كتبت بواسطة mohssenrashed

موضوع ممتاز و ربنا يباركلك و بكحم شغلي في المجال ده بس الحقن اقولك ان كلامك 100 100

على فكرة في مصنع فتح في اسكندرية و تحديدا في ميناء الدخيلة بيصنع البولستيرين هو الانتاج لسة درجة تانية و كميات قليلية جدا بس ان شاء الله خير

---

انا شاكر ليك جدا ويا مسهل نقدر نستغنى عن المنتج المستورد ولو بنسبه

من الاخر مشاكل البلاستيك تتركز فى الاتى ... القوالب رخيصه بس اى اصلاح فيها يعطلك ايام لو ورشه القوالب بعيده عنك .. الخامات لو تشتغل فى خامات جديده تخسر لان الكل بيشتغل فى الزباله ( اعادة تدوير ) وخلى بالك المواد فى مصر فى اعادة التدوير تلاقى pp مخلوط ps مخلوط pt على مواسير بلاستيك وهيصه تخسرك ومش متوفره لان الكبار فى السوق محتكرين المردين بتوع الزباله هاتشترى من سابك السعوديه والدولار طالع نازل هتخسر .. الاخ ال بيدافع قولى طن pp , ps بكام من سابك علشان اثبت لك انها صناعه مش جايبه همها واقل اصلاح فى القوالب بكام وكهرباء المكن تاخد كام واجرة العامل فى مصر واكله وشربه وبعد ما تعلمه تلاقيه شغال عند جارك ال جنبك بلا حكى فاضى ؟؟؟؟

اقتباس:

---

المشاركة الأصلية كتبت بواسطة raedegypt

من الاخر مشاكل البلاستيك تتركز فى الاتى ... القوالب رخيصه بس اى اصلاح فيها يعطلك ايام لو ورشه القوالب بعيده عنك .. الخامات لو تشتغل فى خامات جديده تخسر لان الكل بيشتغل فى الزباله ( اعادة تدوير ) وخلى بالك المواد فى مصر فى اعادة التدوير تلاقى pp مخلوط ps مخلوط pt على مواسير بلاستيك وهيصه تخسرك ومش متوفره لان الكبار فى السوق محتكرين المردين بتوع الزباله هاتشترى من سابك السعوديه والدولار طالع نازل هتخسر .. الاخ ال بيدافع قولى طن pp , ps بكام من سابك علشان اثبت لك انها صناعه مش جايبه همها واقل اصلاح فى القوالب بكام وكهرباء المكن تاخد كام واجرة العامل فى مصر واكله وشربه وبعد ما تعلمه تلاقيه شغال عند جارك ال جنبك بلا حكى فاضى ؟؟؟؟

---

بص يا استاذ رائد كل اللى حضرتك بتقوله ده فشل في الإداره مش فشل في الصناعه
فشل الإدارة سواء فني او اداري ازاي؟ تعالى وانا اقولك
العامل العربي عامة لازم تعامله زي مراتك يعني لو مشيت كلامك عليها في كل حاجه هتقولك طلقني ولو مشيت وراها في كل حاجه هيبقى مليكش رأي لازم تعاملها بحكمه
وحتة انه يروح لجارك يبقى مفيش حاجه تربطه بالمصنع سواء ناجيه ماديه او معامله كويسه ده هيقول يا فكيك
يعني كده بالعربي العامل لازم يحبك ويخاف منك وهيا معادله صعبه عشان كده مش كتير من الناس ناجحين في الإداره
بالنسبه للقوالب ده في مكن الحقن بس و موضوع لو باظ القالب هتقف اد ايه برضه فشل في ادارة المصنع
بمعني لو حضرتك شغال على منتج واحد فقط مفيش غيره يبقى لازم يكون عندك اكتر من قالب
عشان لو واحد عطل التاني يشتغل
طيب لو عندك اكتر من منتج لو القالب فيه مشكله حط قالب غيره المفروض ان المبيعات شغاله كويس
اما بالنسبة لموضوع الزباله اللي حضرتك عمال تقولوا من كام مشاركه والله العظيم انا مبستخدمش زباله خالص وبجيب خامه صافي من سابك والحمد لله المصنع مفتوح
ببساطه شوف انت عايز تبيع لمين لو انت هتبيع درجه تانيه يبقى لازم تدور على الزباله انما لو هتبيع درجه اولى يبقى تشتغل خامه بيور
انت بتقولي الخامه بكام انا بشتغل بخامه pe ب 13000 جنيه الطن وازيد كمان في ظروف السوق ده
للأسف في ناس كتير بتفكر تفتح مصانع ومعندهاش لا الدرايه الكافيه ولا عايزين يتعلموا ازاي يديروا المصنع
مره واحدة تلاقيه فتح مصنع من غير اي دراسة و هوب تلاقيه وقع وعايز يبيع المكن وخسر اللى حيلته
زي صناعة الكرتون كل واحد معاه 100 الف وسمع ان الكرتون بيكسب يقولك هفتح مصنع شهر والتاني تلاقيه بيبيع في المكن ليه عشان مش فاهم
هو صحي الصبح قال انا عايز اعمل مشروع معملش دراسة جدوى زي ما قولت للأخ اللي في الصعيد عشان يعرف هينجح ولا لأ
في الآخر عايز أأكد لحضرتك هناك مشروع ناجح ومشروع فاشل وده يعتمد على الاداره
مفيش صناعه فاشله

يا باشا كلامك مهم جدا وواضح و صريح بصراحة ربنا يباركلك ياريت ادارة المنتدى تعمل منتدى دراسة الجدوى و المشاريع و طول مافية ناس محترمة زى حضرتك و الاستاذ مزاجنجى هيثروا المنتدى بالافكار الجديدة بلا هدف او مصلحة و بكل صدق
الذى سمعتة من صاحبى عن مصانع الشنط البلاستيك كانت مشكلتة فى حالة عطل المعدات كان لابد من حضور فنى من القاهرة للاصلاح و فى حالة سن السكاكين تقريبا كان يقف المعدات و طبعا الخامة من القاهرة
انا بصراحة كنت اعمل فى مجال السياحة و طبعا الان وقفت تماما فكنت عايز اغير عملى فى مشروع جديد فاية المجال الذى ترشحة حضرتك لى من خبرة حضرتك بس انا معلومات زيرو فى مجال البلاستك و طبعا فى الاقصر لا يوجد مصانع لامدادها بخامة البلاستك
ماعلش و جعت دماغك و تحياتى

اقتباس:

---

المشاركة الأصلية كتبت بواسطة dedi

يا باشا كلامك مهم جدا وواضح و صريح بصراحة ربنا يباركلك ياريت ادارة المنتدى تعمل منتدى دراسة الجدوى و المشاريع و طول مافية ناس محترمة زى حضرتك و الاستاذ مزاجنجى هيثروا المنتدى بالافكار الجديدة بلا هدف او مصلحة و بكل صدق
الذى سمعتة من صاحبى عن مصانع الشنط البلاستيك كانت مشكلتة فى حالة عطل المعدات كان لابد من حضور فنى من القاهرة للاصلاح و فى حالة سن السكاكين تقريبا كان يقف المعدات و طبعا الخامة من القاهرة
انا بصراحة كنت اعمل فى مجال السياحة و طبعا الان وقفت تماما فكنت عايز اغير عملى فى مشروع جديد فاية المجال الذى ترشحة حضرتك لى من خبرة حضرتك بس انا معلومات زيرو فى مجال البلاستك و طبعا فى الاقصر لا يوجد مصانع لامدادها بخامة البلاستك
ماعلش و جعت دماغك و تحياتى

---

رينا يجازيك خير على الكﻻم اللي قلته
بص انا عايز اقولك حاجه الصناعه اللي انا بعملها هي تعبئة وتغليف سواء بﻻستيك او كرتون
يعني محتاجه مصانع جمبك
ايه ااقرب مدينه صناعيه ليك وانا اقولك تستاهل وﻻ ﻷ
غير كده ممكن تعمل مصنع حقن يعمل جميع انواع اﻷدوات المنزليه زديه ماشيه في اي حته
بس الكﻻم ده مكلف جدا ابعتلي على الخاص حتى وانا اثولك يهفع وﻻ ﻷ
غير كده شوف ايه الصناعه المحيطه عندك المكان محتاج ايه ا
بما انك فس السياحه اعملنا رحﻻت اﻻقصر واسوان اللي السياح ييتفرجوا عليها والمصريين سايبنها
قصدي ممكن نعمل بدائل ومقترحات ونشوف ايه اﻷنسي وان شاء الله نوضل لﻷنسب ليك

اقتباس:

---

المشاركة الأصلية كتبت بواسطة mohammadrashee

رينا يجازيك خير على الكﻻم اللي قلته
بص انا عايز اقولك حاجه الصناعه اللي انا بعملها هي تعبئة وتغليف سواء بﻻستيك او كرتون
يعني محتاجه مصانع جمبك
ايه ااقرب مدينه صناعيه ليك وانا اقولك تستاهل وﻻ ﻷ
غير كده ممكن تعمل مصنع حقن يعمل جميع انواع اﻷدوات المنزليه زديه ماشيه في اي حته
بس الكﻻم ده مكلف جدا ابعتلي على الخاص حتى وانا اثولك يهفع وﻻ ﻷ
غير كده شوف ايه الصناعه المحيطه عندك المكان محتاج ايه ا
بما انك فس السياحه اعملنا رحﻻت اﻻقصر واسوان اللي السياح ييتفرجوا عليها والمصريين سايبنها
قصدي ممكن نعمل بدائل ومقترحات ونشوف ايه اﻷنسي وان شاء الله نوضل لﻷنسب ليك

---

هههههههههه.
عاجبنى قوى حكاية التبادل فى الافكار تحس انها فكرة لذيذة علشان كده ضحكت...
تحياتى تانى ياباشا لييك على جهدك و تفاؤلك...

اقتباس:

---

المشاركة الأصلية كتبت بواسطة mohammadrashee

رينا يجازيك خير على الكﻻم اللي قلته
بص انا عايز اقولك حاجه الصناعه اللي انا بعملها هي تعبئة وتغليف سواء بﻻستيك او كرتون
يعني محتاجه مصانع جمبك
ايه ااقرب مدينه صناعيه ليك وانا اقولك تستاهل وﻻ ﻷ
غير كده ممكن تعمل مصنع حقن يعمل جميع انواع اﻷدوات المنزليه زديه ماشيه في اي حته
بس الكﻻم ده مكلف جدا ابعتلي على الخاص حتى وانا اثولك يهفع وﻻ ﻷ
غير كده شوف ايه الصناعه المحيطه عندك المكان محتاج ايه ا
بما انك فس السياحه اعملنا رحﻻت اﻻقصر واسوان اللي السياح ييتفرجوا عليها والمصريين سايبنها
قصدي ممكن نعمل بدائل ومقترحات ونشوف ايه اﻷنسي وان شاء الله نوضل لﻷنسب ليك

---

الف شكر لزوقك , يا باشا تنوروا الاقصر دة احنا نحطكم فى عينينا
اقرب منطقة صناعية هى قفط و على حسب معلوماتى لا يوجد بها صناعات صغيرة و المنطقة الاخرى هى سوهاج بس ما اعرفش اية ظروفهم بعد الثورة و اذا كان بهم صناعات مناسبة لهذا المجال انا سوف ارسل على الخاص لحضرتك
كان فى موضوع لفت نظرى على النت و هو الشباشب و الاحذية البلاستك يا ترى عند حضرتك اى معلومات عنة و هل هو فى نفس مجال المعدات الذى حضرتك بتتكلم عليها و لا موضوع تانى
شكرا ليك

ال عاوز يعمل منتج بلاستيك حقن هات عينه وأنا اقولك محتاج إيه وعندي القوالب والمكن من أماكن مضمونه وخامات

اقتباس:

---

المشاركة الأصلية كتبت بواسطة dedi

الف شكر لزوقك , يا باشا تنوروا الاقصر دة احنا نحطكم فى عينينا
اقرب منطقة صناعية هى قفط و على حسب معلوماتى لا يوجد بها صناعات صغيرة و المنطقة الاخرى هى سوهاج بس ما اعرفش اية ظروفهم بعد الثورة و اذا كان بهم صناعات مناسبة لهذا المجال انا سوف ارسل على الخاص لحضرتك
كان فى موضوع لفت نظرى على النت و هو الشباشب و الاحذية البلاستك يا ترى عند حضرتك اى معلومات عنة و هل هو فى نفس مجال المعدات الذى حضرتك بتتكلم عليها و لا موضوع تانى
شكرا ليك

---

عندك مدينة الكوثر في سوهاج كويسة و هتلاقي فيها شغل كويس
و طهطا كمان فيها مدينة صناعية بس مش زي الكوثر
و مصنع الورق بتاع قنا اللي في قوص ممكن ياخد خامات كتير لام صناعة الورق معقدة جدا
و مجمع الالمونيوم كمان
و مصنع السكر

في اسيوط برضه مدينة كويسة جدا و فيه منطقة اظن اسمها بني غالب جنب مصنع سيمكس للاسمنت برضه الشغل فيها هيبقى كويس

المنيا و بني سويف لسه قدامهم شوية

الفيوم فيها مدين الفتح كويسة برضه عشان قريبة من اكتوبر

ده اللي في بالي حاليا من المدن الصناعية في الصعيد و لو افتكرت حاجة هقولكم عليها

اقتباس:

---

المشاركة الأصلية كتبت بواسطة ghostmido

هههههههههه.
عاجبنى قوى حكاية التبادل فى الافكار تحس انها فكرة لذيذة علشان كده ضحكت...
تحياتى تانى ياباشا لييك على جهدك و تفاؤلك...

---

تحت امرك يا باشا بس انا عديت بفتره كنت محتاج حد يفتحلي مواضيع بس عشان كده انا بحاول افيد الناس

اقتباس:

---

المشاركة الأصلية كتبت بواسطة dedi

الف شكر لزوقك , يا باشا تنوروا الاقصر دة احنا نحطكم فى عينينا
اقرب منطقة صناعية هى قفط و على حسب معلوماتى لا يوجد بها صناعات صغيرة و المنطقة الاخرى هى سوهاج بس ما اعرفش اية ظروفهم بعد الثورة و اذا كان بهم صناعات مناسبة لهذا المجال انا سوف ارسل على الخاص لحضرتك
كان فى موضوع لفت نظرى على النت و هو الشباشب و الاحذية البلاستك يا ترى عند حضرتك اى معلومات عنة و هل هو فى نفس مجال المعدات الذى حضرتك بتتكلم عليها و لا موضوع تانى
شكرا ليك

---

يا باشا كرم اهل الصعيد معروف انا كلن بس قصدي افتحلك مواضيع
انا معرفش قفط ومعرفش بعيده عنك قد ايه اقولك ممكن تعمل سريفيه صغير على المصانع تشوف هيا محتاجه ايه في مجال التعبئه والتغليف والكميات الشهريه المتوقعه وانا اقولك ممكن تعمل ايه
الشباشب ده قالب تفصيل حاجه كده زي عاشق ومعشوق وبتجيب خامة الشبشب زي الفرخ انا مشتغلتهاش قبل كده بس ممكن اعمل سيرش وارسلك الناس بتاعة المكن اللي اعرفها واقولك ان شاء الله
اقرا ردي على مزاجنجي وقولي

اقتباس:

---

المشاركة الأصلية كتبت بواسطة raedegypt

ال عاوز يعمل منتج بلاستيك حقن هات عينه وأنا اقولك محتاج إيه وعندي القوالب والمكن من أماكن مضمونه وخامات

---

انا مش فاهمك منين بتقول صناعة البلاستيك فاشله ومنين بتقول اللى عايز يعمل مصنع يكلمك
لما انت عندك القوالب والمكن من اماكن مضمونه والخامات معملتهاش انت ونجحت ليه يا باشا
انا متأسف بس الموضوع ده خدمة لأعضاء المنتدى لو انت عايز تعرض ماكينات ممكن تعمل موضوع لوحدك

اقتباس:

---

المشاركة الأصلية كتبت بواسطة MaZaGAngeE

عندك مدينة الكوثر في سوهاج كويسة و هتلاقي فيها شغل كويس
و طهطا كمان فيها مدينة صناعية بس مش زي الكوثر
و مصنع الورق بتاع قنا اللي في قوص ممكن ياخد خامات كتير لام صناعة الورق معقدة جدا
و مجمع الالمونيوم كمان
و مصنع السكر

في اسيوط برضه مدينة كويسة جدا و فيه منطقة اظن اسمها بني غالب جنب مصنع سيمكس للاسمنت برضه الشغل فيها هيبقى كويس

المنيا و بني سويف لسه قدامهم شوية

الفيوم فيها مدين الفتح كويسة برضه عشان قريبة من اكتوبر

ده اللي في بالي حاليا من المدن الصناعية في الصعيد و لو افتكرت حاجة هقولكم عليها

---

يا سلام عليك يا مزاجنجي شكلك كده لفيت الصعيد انا معرفش حاجه في الصعيد خالص
اقولك لو في في الصعيد الكميه ديه ممكن dedi يعمل حاجه حلوه يشتغل توزيع في الأول سواء من عندك او من عندي او لو في حاجه تانيه ممكن نقولوا يجيبها منين منها يشتغل ومنها يشوف السوق وبعد كده لما يبقى ليه العملاء بتوعه ويقرر ايه الصناعه المناسبه نساعده في المكن وفي الصنايعيه كمان بس يدعيلنا

خالص تحياتي لموضوعك القيم
وجعله الله في ميزان حسناتك
دي المواضيع اللي تفرح وتساعد الشباب يبدء
انا عملتا كلمات دلالية كويسة عشان اللي يدور على حاجات متعلقة بموضوعك في جوجل يوصل هنا بسهولة
خالص تحياتي

اقتباس:

---

المشاركة الأصلية كتبت بواسطة karim_monir

خالص تحياتي لموضوعك القيم
وجعله الله في ميزان حسناتك
دي المواضيع اللي تفرح وتساعد الشباب يبدء
انا عملتا كلمات دلالية كويسة عشان اللي يدور على حاجات متعلقة بموضوعك في جوجل يوصل هنا بسهولة
خالص تحياتي

---

شكرا ليك استاذ كريم وبكده يبقى الموضوع نور بيك
وان شاء الله هاعمل موضوع عن صناعة الكرتون المضلع قريب
واتمنى يكون فيه منتدى للدراسات التجاريه والصناعيه
ان شاء الله

اومال ايه الفرق بين PE filler masterpatch وPP filler masterpatch وهل ده ليه علاقة بنوعية الاكياس البلاستيك يعنى انا ساعات بشوف كياس بتمط زى ما تكون مشمع كده واكياس تانيه بتخرفش وكانهم مش معمولين هما الاتنين من البلاستيك ؟؟