الموضوع: كاوتشة الكوبلن مقطوعة والشحم بهدل العربية

المشاركة الأصلية كتبت بواسطة LeitoSR

في الغالب هتجيب واحدة أختها من عند بتوع قطع الغيار وهتشحم الكوبلن كويس الأول وتربط عليها كويس عشان متتقطعش تاني ولا يدخل لك مية أو وتراب جوا الكوبلن ويقلل عمره.
ومتستناش عال موضوع دا كتير ولا تمشي بيها خالص إلا أما تصلحها تفاديا لتلف الكوبلن.
وممكن أعرف ايه الاسبراي اللي انت استخدمته وكان أيه الهدف منه ؟ هل كان wd-40 أم نوع أخر.

أشكرك أخي الكريم على اهتمامك وسرعة الرد
أما الاسبراي فهو اسمه (sTp) علبته زرقاء وسعره 33 جنيه في التوفيقية ومكتوب عليه أيضا (Heavy duty Brake Parts Cleaner) بس ما ترشوش على أي أجزاء مطاطية أو بلاستيك ، مكتوب عليه هذا التحذير
وممكن ترشه من غير ما تفك الفرامل ، بس انا قلت أتسلي عشان اشوف هل ممكن اغير تيل الفرامل بنفسي
وشكرا مرة أخرى

المشاركة الأصلية كتبت بواسطة leitosr

مانا شكيت انك تكون رشيت عال كوتش فحصل تأكل بسبب الأسبراي دا
ولا القطع قديم؟

لا هو مقطوع من قبل ما ارش ، وانا كنت فاكر ان كوتشة الكوبلن الالماني أكثر جودة من الفرنساوي لأني غيرت بتاعة رينو من أكثر من عشر سنين ، ولسه زي الفل ، ولكنى فوجئت ان الكوتشة الالماني نشفت واتقطعت رغم انها جنب الفتيس وبعيدة عن أي احتكاكات ، عشان كده قلت أسأل يمكن تنفع كوتشة فرنساوي أو حتى كوري

المشاركة الأصلية كتبت بواسطة ghamry

علشان تغير الكاوتشه طبعا زيت الفتيس هاينزل منه جزء لإن الكوبلنج أكيد هايخرج من الفتيس لتغير الكاوتشه ولا مش هاينزلزيت من الفتيس

الحمد لله غيرتها امبارح ، ومفيش زيت نزل
المهم أنا اشتريت كوتشة من عند سرور ب 65 جنيه ، بس لقيتها زي الورق
وطلبت من بتاع العفشة يشوف أي كوتشة تانية تمشي معاها ، جاب لي كوتشة محترمة جدا ب45 جنيه ، وركب الافيز الكبير ورفض تركيب الافيز الصغير ، وقاللي ان تركيب الافيز الصغير هو السبب في قطع الكوتشة

المشاركة الأصلية كتبت بواسطة leitosr

مبروك علي حل المشكلة, وشكراً علي مشاركتنا بحلها.

الشكر لك أخي الكريم على اهتمامك ونصيحتك
كما اشكرك على ذوقك واخلاقك