يا رجالة و صقور نيسان .. انا إن شاء الله نويت على السوبر صالون الشكل الجديد .. طبعا .. حد عنده ملاحظات على العربية .. و خصوصا الثبات و عيوب التقفيل ! .. أرجو الإفادة
عرض للطباعة
يا رجالة و صقور نيسان .. انا إن شاء الله نويت على السوبر صالون الشكل الجديد .. طبعا .. حد عنده ملاحظات على العربية .. و خصوصا الثبات و عيوب التقفيل ! .. أرجو الإفادة
ثبات ممتاز لحد ١٢٠ و جيد لحد ١٤٠ بعد كده مجربتش
عيوب التقفيل بتختلف من عربية لعربية و هي بتبقا غالبا اصوات او تزييق من الصالون او غيره و بتتصلح في الصيانة ببلاش
العيب الوحيد حتى الان هو نوع التيل الردئ ومش عارف كان في عضو في نيسان تيم قال ان نو التيل اتغير والله اعلم
و الصاج ريشة :) تحياتي
شكرا يا يوسف باشا .. انا كلمت كذا حد قالي الدفعات اللي إستلمت في شهر 3 مفيهاش صوت التزييق دا .. ممكن يكونوا غيروه فغلا .. و فعلا صاجها خفيف جدا .. بس لا يزال أفضل من الهيونداي مثلا .. ربنا يقدم اللي فيه الخير و يرشدنا للصواب و نرضى بيه إن شاء الله .. شكرا ليكاقتباس:
المشاركة الأصلية كتبت بواسطة youssef_u
عربية كويسة وعائلية بشكل عام وانا الحمد لله مفيش مشكلة من التقفيل او اى حاجة تانية ..بس انا لحد دلوقتى والعربية عاملة حوالى 3 الاف كيلو حاسس ان استهلاكها زى العربية 1600 سي سي ..
العربيه في كمالها ممتازه جداً بس ما ينقصها كاو تش جيد انا طلعت من الأنصار علي بتاع كاو تش غيرته ١٥.١٩٥/٦٥ وده علاها ١.٣مم حاىفرق معاك في السرعة ١٠كم بس شعور تانى بعد منه بلوزات فى الفرامل ونوعه كونت ننتقل فرانساوي
تسلم يا كبير .. لما جيت تبدل الكاوتش خد منك الكاوتش الماكسيس ؟ .. ولا إنت مفركتش تبيعه ؟اقتباس:
المشاركة الأصلية كتبت بواسطة muttaz saied
أعتقد الإستهلاك بيقل بعد أول 5000 كيلو .. لان العربية محتاجة تلين أعتقد .. الصني القديمة كانت كدا .. كانت حريقة بنزين أول جبتها .. بس بعد 10,000 كيلو .. بدأ سحبها يزيد .. و و إستهلاك البنزين يقل شويةاقتباس:
المشاركة الأصلية كتبت بواسطة haitham fares
الدول كالتالى أخد الكابتين ب١٢٠٠جنىه ودفعت ١٢٠٠ذيهم بترصيص ونيتروجين
أحسن حاجة أنك هتجيبها السوبر صالون .. بس نصيحة هاتها اللي صالونها اسود لأن الفيراني والبيج مش حلوين - الأسود قيم قوي من جوا العربية - ومن بره بقى اختار اللون اللي يعجبك .. العربية تقفيلها كويس في رأيي مشكلته الوحيدة نوعية وخامة فرش الصالون وموكيت الأرضية وده ممكن يتعالج بفرش جلد محترم - أنصح بفرش النوران اللي معمول مخصوص للنيو صني ب 850 جنيه - وأرضية جلد كويس .. أما موضوع التزييق ونوع التيل الرديء وصاجة التيل الخلفي ف غالبا هتلاقيهم اتحلت في الدفعات الجديدة ، أنا استلمت في 14 فبراير والحمد لله لغاية دلوقتي مفيش حاجة من دي ظهرت
الثبات كويس قوي لغاية 140 .. معقول لغاية 180 .. دي السرعات اللي مشيت عليها
التسارع كويس والوسع هائل ومريحة جدا جدا جدا جدا
تسلم يا دكتره .. انا فعلا حاجزها لون أسود فرش أسود أو ذهبي فرش أسود .. دول أشيك لونين عليها من وجهة نظرياقتباس:
المشاركة الأصلية كتبت بواسطة د.محمدعبدالعال
انا معايا الدهبي ...
استهلاك البنزين تحفة . الصاج خفيف ... التقفيل مش وحش بالمقارنة بمستوى التقفيل المصري المعتاد لكنه مقبول ...
اللون الدهبي أحلى حاجة فيه انه عمره مايبان فيه تراب ولا حتى رمل :)
احترس من الفرش الاسود في الحر ... هاتتنطط أول ماتدخل العربية :)
طيب يا ريت يا جماعة تقولولنا اخبار التكييف ايه؟؟ تكييف الصني القديمة كان تلاجة حتى و هي واقفة في الحر. يا ترى الجديدة تكييفها عامل ازاي؟؟
تكييفها كويس جداً ومش بيسحب من طاقة الموتور حاجة لحد سرعة المروحة 3 ... الكفاءة بتزيد مع تحرك العربية فوق سرعة 40 , لكن في فترات التوقف مش بيكون قوي جداً زي مانت بتتحركاقتباس:
المشاركة الأصلية كتبت بواسطة hh
انا استلمت بقالى يوم
العربية تحفة - فرامل ممتازة
وسع من الداخل
بالنسبة لى مش محتاج اكتر من كدة
و بالنسبة للسعر مع الامكانيات تبقى ارخص بكتير من مثيلاتها - يعنى حد ادنى ارخص 25 الى 30 الف على ما اعتقد
أنا قلقانة من موضوع ضعف التكييف و العربية واقفة لأن في حد علق عليه قبل كدة, و بصراحة التكييف من اهم الحاجات في العربية خصوصا ان الصيف بقى حر قوي. يا ريت حضرتك توضح لنا النقطة دي أكتر أو تقارنها بعربيات تانية أو بالشكل القديم لو أمكناقتباس:
المشاركة الأصلية كتبت بواسطة the_air_devil
اقتباس:
المشاركة الأصلية كتبت بواسطة hh
حضرتك التكييف مش ضعيف والعربية واقفة بالشكل اللي تتخيليه لكن بيبقى أضعف من قوته وهي ماشية .. ولأنها وهي ماشية بيبقى تكييفها تلاجة بمعنى الكلمة ف تكييفها وهي واقفة معقول جدا .. لا تقلقي
اقتباس:
المشاركة الأصلية كتبت بواسطة za3look
أنا رأيي ان البرونزي والذهبي أحلى لونين نزلوا فيها .. بره بقى منزلين لون تركواز خطيييييييييييييير
كلامك صح لو راكن العربية في الشمس من غير ما تحط شماسة على الزجاج الأمامي .. وده غلط طبعا .. لأن الشمس بتسبب تشقق التابلوه على المدى الطويل .. ف الافضل طبعا استخدام الشماسة لو هتسيب العربية في الشمس .. أنا شخصيا مركب فرش أسود ومبحسش انه سخن ولا حاجة .. آه العربية بتكون حر قوي بس بمجرد ما بشغل التكييف في أقل من دقيقة بتكون بردت وبعد دقيقتين بتكون تلاجة بمعنى الكلمةاقتباس:
المشاركة الأصلية كتبت بواسطة the_air_devil
لا شىء يقال بعد كل ما قيل من الأعضاء المحترمين توكلى على الله الصنى صفقة رابحة وقيمة كبيرة مقابل الفلوس المدفوعة فيها
و الله انا فعلا عاجز عن الشكر .. و دعمتوا قراراي .. و بإذن المولى عز و جل هستلم بكرة .. و هاجي أكتب هنا إنطباعي عن العربيةاقتباس:
المشاركة الأصلية كتبت بواسطة saint2011
ألف مبروك يا ريس .. وربنا يباركلك فيها ويكفيك شرها ويكفيك شر الطريق وعيون الحاسدين
مبروك الاستلام معلش هو انت كنت حاجز مع اى توكيل؟ اصله كنت المفروض استلم والمندوب قالى المصنع مس سلمهم ولا عربيه سوبر صالون وطبعا ده كلام مش داخل دماغى يا ريت تعرفنى عشان هعمل شكوىاقتباس:
المشاركة الأصلية كتبت بواسطة vergelmer
عربية ممتازة، توكل علي لله
اجمل الوانها الاسود، النبيتي والبرونزي
مع التابلوه الاسود