علمت على مرسيدس 180 c ... !!!
نخش في الموضوع ... الحمد لله ربنا أنعم عليا بعربيتن والاثنين يعتبروا الـ 128 بتاعة هذا الوقت الحمد لله والشكر لله .... غالبية الوقت بركب الماروتي عشان سهله الحركة في وسط البلد والشوارع والركنة وقطع غيارها ببلاش وبنزين بالشمة ...
المهم كان عندي معاد مع مقاول كبير عشان هاخد منه شغلانة من الباطن صغيرة فوقفت حائر بين العربيتن اركب مين فيهم
http://www14.0zz0.com/2013/05/05/22/480954937.jpg
وبعد حادي بادي كرنب زبادي ركبت الماروتي وتوكلت على الله وانطلقت قابلت المقاول الحاج حسن في بيته في الحرفيين وتحديداً في عمر ابن الخطاب عنده ماشاء الله عمارة صرح ربنا يبارك ويعطينا ويعطيكم مكان الشغل في التجمع الخامس وانطلقنا كل واحد في عربيته وعشان نطلع الدائري دخلنا في اتجاه المطار في الشارع امتداد جوزيف تيتو الشارع بصراحه تحفه وكان فاضي
http://www14.0zz0.com/2013/05/05/22/390726382.jpg
كل ده والعربيتين جنب بعض والشارع كان فاضي بصيت له قام بصلي وفهمت من البصه ان الموضوع هيقلب بشد :049: قمت هوب كيك دون و انطلقنا .....
هستأذن اعمل نيسكافيه وجاي حالاً .... انتظرو بقية الاثارة والتشويق :L_bhuhhh[1]: