فرقعة فى الشكمان

**mohammed adel** · 06-05-2013 04:07 AM

بعد السلام عليكم ورحمة وبركاته انا معايا النترا 2009 خليجى اوتوماتيك ماشية فوق ال 100000 كم المشكلة رقم
1- من فترة بدأت احس ان العربية وهى شغالة سواء باردة او سخنة بتعمل( ترتيلة ) يعنى بحس بلف الموتور وانا قاعد جواها طبعا فى الاول ما كنتش بحس بحاجة خالص .
2-حاليا وانا ماشي بسمع صوت فرقعة جايا على ما اظن من الشكمان كل فترة يعمل فرقعة واحدة بس بالظبط زى ما اكون مشغل اغنية وفيها طبلة جامدة(بو بو ) بتسمع فى صالون العربية كل فتر ة يعنى مش ورا بعضها كل مثلا 5 دقايق مرة واحدة(بو) ومش عارف احدد السبب بالنسبة للصيانة انا لسه مغير زيت موتور وغيرت البوجيهات وبحط بنزين 92 هل المشكلتين متعلقين ببعض ولا ايه الحكاية ؟؟؟؟؟؟؟؟؟؟؟

ياريت الاقى عندكم الحل لان الواحد ريقه بينشف عند الميكانيكية وياريت بيوصلوا لشيء والواحد بأمانة بيحمد ربنا ان رزقه بموقع متخصص زى نايل موتورز عالشان يعرف راسه من رجليه

ولكم الف شكررررررررر يا خبراااااااااااااااااء

**windofchange** · 06-05-2013 09:30 AM

علبة الشكمان ممكن تكون بايظة خصوصا الخلفية..والعربية دايرة اكتم فتحة الشكمان بايدك او بقماشة بيضة ولو طلع سواد جامد من العلبة اعتقد بتكون استهلكت وبرضه وانت كاتم العلبة وسمعت صوت تنفيس هوا من الشكمان يبقي في اخرام فالمواسير او العلب ممكن تخلي حد ودنة معاك برضه وتعرف الصوت طالع منين بالظبط...وممكن يطلع حاجة فالكهرباء بس الاعتقاد الغالب هي من الشكمان الصوت والله اعلم

**M.Al-Hefnawy** · 06-05-2013 10:40 AM

العربية وهي دايرة على السلانسية صوتها مظبوط ولا مبرجلة شوية؟ ممكن يكون عيب موبينه من مباين البوجيهات أو سلوك البوجيهات.

**lanos2004** · 06-05-2013 11:42 PM

الفرقعه فى الشكمان كانت عندى وكانت بسبب ان سير الكاتينه كان عاوز يتغير ولما غيرته الفرقعه راحت
وتفسيرى المحدود كان بيقولى ان الصبابات مكنتش بيحكم غلقها بسبب سير الكاتينه فكان جزء من خليط الوقود بيخرج من دون احتراق ويحترق فى الشكمان محدث لفرقعه ومكنش ليها وقت معين بس كنت بضايق منها ولما غيرت السير اختفت الفرقعه

**M.Al-Hefnawy** · 07-05-2013 07:45 AM

المشاركة الأصلية كتبت بواسطة lanos2004

الفرقعه فى الشكمان كانت عندى وكانت بسبب ان سير الكاتينه كان عاوز يتغير ولما غيرته الفرقعه راحت
وتفسيرى المحدود كان بيقولى ان الصبابات مكنتش بيحكم غلقها بسبب سير الكاتينه فكان جزء من خليط الوقود بيخرج من دون احتراق ويحترق فى الشكمان محدث لفرقعه ومكنش ليها وقت معين بس كنت بضايق منها ولما غيرت السير اختفت الفرقعه

الفكرة إن سير كاتينة اللانوس مختلف عن كاتينة الالنترا عشان اللالنترا الكاتينة جنزير وصعب تبوظ بسهولة أما اللانوس فكل 40 ألف كم لازم تغيرها .... تقبل تحياتي

**lanos2004** · 07-05-2013 11:46 AM

المشاركة الأصلية كتبت بواسطة m.al-hefnawy

الفكرة إن سير كاتينة اللانوس مختلف عن كاتينة الالنترا عشان اللالنترا الكاتينة جنزير وصعب تبوظ بسهولة أما اللانوس فكل 40 ألف كم لازم تغيرها .... تقبل تحياتي

شكرا ليك جدا على المعلومه دى