مش لاقى حل فى الريو 2013 و بجد تعبت وزهقت

[OVERLINE]:angry27:[/OVERLINE]

معايا ريو سيدان خليجى2013
عاملة دلوقتى 8600 كم

المشكلة كلها ان عربيتى مش عايزة تمشى
مشلولة
العربية اول لما اتحرك بيها حلوه وزى الفل
بس بعد ما امشى بقى شويه والعربية تسخن شوية
مابتمشيش
مالهاش طلعة
لو وقفت وجيت اتحرك مش بتتحرك
كانى طالع غلى التانى او التالت
ممكن تاخد 5 ثوانى عقبال ما تجمع وتبتدى تسحب
جربتها مانول واوتوماتيك و عملت كل حاجة
غيرت بوجيهات 4 مرات لغاية لما جبت الايريديوم
عملت تحديث لل ECU
لقيته up to date
مشر لاقى حل
التوكيل مش وصل لحاجة
بيقول مش ظاهر عندى اعطال كده العربية تمام
:B4_556:
وانا بجد تعبت وبفكر ابيع العربية
مع انها عجبانى اوى
بس برده ده عيب خطير فيها
اتمنى حد يفيدنى شكرا:120146b

راجع ضغط طرمبة البنزين ممكن يكون فيها مشكلة

بيع واخلص

اقتباس:

---

المشاركة الأصلية كتبت بواسطة ahmedsrs

راجع ضغط طرمبة البنزين ممكن يكون فيها مشكلة

---

مافيهاش حاجة

الموضوع ده بيحصل لما العربية بتسخن

اقتباس:

---

المشاركة الأصلية كتبت بواسطة raedegypt

بيع واخلص

---

+1111:tumb:

مش مقتنع بموضوع بيع و إخلص إلا لو الموديل أصلا به عيب صناعة فى كل العربيات و ساعتها التوكيل ملزم بحله

أما بقى إن عربيتك خليجى فده قصة تانية و مش عارف التوكيل بيقبلها ولا إنت تقصد بالوكيل مركز صيانة تبع التاجر؟ - بس ياريت توضح أكثر إيه إللى بيحصل بالتفصيل و هل بصيت على عداد الحرارة ولا لأ ؟ وهل كشفت على الفرامل لاتكون بتقفش ؟؟

كل حاجة ليها حل بس المهم تروح لحد فاهم و بيشغل دماغة مش بيفتى و ما أكثر الفتايين فى مصــر

اقتباس:

---

المشاركة الأصلية كتبت بواسطة moryomar

[overline]:angry27:[/overline]

معايا ريو سيدان خليجى2013
عاملة دلوقتى 8600 كم

المشكلة كلها ان عربيتى مش عايزة تمشى
مشلولة
العربية اول لما اتحرك بيها حلوه وزى الفل
بس بعد ما امشى بقى شويه والعربية تسخن شوية
مابتمشيش
مالهاش طلعة
لو وقفت وجيت اتحرك مش بتتحرك
كانى طالع على التانى او التالت

---

لما تعمل كده اقلبها مانيوال وبص على الشاشه واخده غيار كام

طب لو باع ايه ذنب المشترى الجديد اكيد بدال فيه مشكلة فى حل المشكلة وممكن يكون العيب بسيط جدا بس عاوز تشغيل دماغ .
وفيه حل كمان ممكن تخش على منتديات اجنبية وتشوف العيب ده ظهر قبل كده وايه حله

انا مع الاخوة إلي مع عدم الاستعجال في البيع .... اكيد في حل لاني كمان مسمعتش عن العيب دة قبل كدة في الريو .... بس سؤال مهم العربية كدة من ساعة مشترتها ولا في الفترة الاخيرة بس

بص يا فاندم ... اول حاجة انا عارف مدى الزهق الى انت فيه بسبب الموضوع ده بس معلش القصة محتاجة صبر شوية ....
مبدأيا كدا علشان نكون صرحا القصة دى بالوصف ده سوفت وير كنترول .. و ممكن التوكيل بيستعبطوا و مش بيعملوا الازم مع العربيه ....

بس هنجرب حاجة بسيطة بس ... هتفول العربية و نحط علبه منظف انجكشن على التانك و تطلع سفريه حلوه كده السخنه او اسكندرية و عاوزك تجيب العربية على الاستبترونك و تفحتها على كل الغيارات و السرعات
لان كان فى صديق ليا و عندوا مشكة ان العربية مخنوقه و جربنا الحل ده و الحمد لله العربية اختلفت بعد السفرية دى 360 درجة والله ... كانت محتاجة تفوق و الموتور يفتح ..

لو زى ما بتقولى ممكن سوتش نقلات الفتيس " السليكترور بتاع النقله " فيه مشكله ومحتاج يتغير

انا بردو عندي نفس المشكلة
مشكلة في تجميع العربية لما اهدي
روحت التوكيل و غيرت البوجيهات لكن نفس المشكلة
و في دبدبة في اليمين قدام جامد
يا ريت اللي لاقي حل يقول و الف شكر يا جماعة

اقتباس:

---

المشاركة الأصلية كتبت بواسطة mr_green

مش مقتنع بموضوع بيع و إخلص إلا لو الموديل أصلا به عيب صناعة فى كل العربيات و ساعتها التوكيل ملزم بحله

أما بقى إن عربيتك خليجى فده قصة تانية و مش عارف التوكيل بيقبلها ولا إنت تقصد بالوكيل مركز صيانة تبع التاجر؟ - بس ياريت توضح أكثر إيه إللى بيحصل بالتفصيل و هل بصيت على عداد الحرارة ولا لأ ؟ وهل كشفت على الفرامل لاتكون بتقفش ؟؟

كل حاجة ليها حل بس المهم تروح لحد فاهم و بيشغل دماغة مش بيفتى و ما أكثر الفتايين فى مصــر

---

اقصد بالتوكيل ابو رواش
لما بروح اعمل حاجة بيحسبونى عليها

اوﻻ العربية كده من ساعة لما اشتريتها
بس طبعا الاول كانت لسه جديدة والواحد بيحسس عليها
واللى يقولك بعد خمس اﻻف هتتغير
لسه هتلين
والكﻻم الكتير ده
ثانيا الغيارات مفتحة وكله تمام
الموضوع ده بيحصل فى الزحمة والشارات
يعنى ليه عﻻقة بالحرارة

طيب ماتبلغ في حماية المستهلك .. كان معانا عضو هنا قدم شكوى والتوكيل غير عربيته الريو عشان كان فيها مشكلة

أنا كان عندى مشكلة قريبة من كدة كنت لما اجى اطلع من عربية قدامى العربية كانت بتتخنق وبتاخد وقت كبير عشان تجمع روحت طالع بيها على السخنة وقرصت عليها لحد 180 عشان اعلمها الأدب وبصراحة سحب العربية وتجميعها فرق كتير، انا عربيتى 2013 سيدان وكيل عاملة 5000 كم لحد دلوقتى وشكرا

وارد تبقي العربيه فيها مشله في الحب بسبب الانجيكشن فيه مشكله مش نضيف يعيني بص ياباشا انا معايه النترا ام دي وكانت زي بتاعتك كده عملت الاتي بعد الصانه وتغيرفلتر بنزين وهوها خلت التوكيل عملي ريسيت للعربيه بالجهاز اكنها لسه جايه جديده وصفر كل حاجه وبعد كده جبت منظف دوره البنزين وحطيتها علي تفويله من بنزينه نضيفه وطلعت بها مشوار علي طريق سريع لمدة 100 ك في اول تفويله مش هتحس بفرئ في التفويله التانيه هتلائ العربيه صاروخ يامعلم تجميع سريع صوت واطي سحب محترم عربيتك هتحس انها فيها حاجه غريبه بس امشي بيها شويه علي طرق سريعه جرب مش هتخسر حاجه انا جربت سونكس كويس حسيت بالفرق شوف ممكن الاعضاء يؤلولك علي نوع احسن جرب وان شاء الله هتتحل المشكله

جرب ماأنتاش خسران حاجه

طبعاً التوكيل هيحاسبك على كل كبيره وصغيره حتى وعلى الكشف كمان تقريباً هيحاسبك عليه لانك خليجي

وبرضه التعامل بيختلف في العربيات الخليجي عن الوكيل حتى في الصيانات كأنهم قرفانين من العربية مش عارف ليه والموضوع ده شوفته مع صاحبي معاه سيراتو خليجي وهو بيعمل الصيانه كنت معاه

لما روحت انا اعمل صيانة لعربيتي الوكيل لقيت شئ تاني خالص في التعامل والمهندس معاك في كل شئ انت عايزه يعني فعلاً في فرق في الصيانات الخليجي والوكيل مش بس في الفلوس

-----------------------------------

مشكلتك : عربيتك عامله كام كيلو ؟ الكلام ده من اول يوم للعربية ولا لأ ؟ جرب فعلاً موضوع تنظيف دوره البنزين مهمة جداً يمكن انت فولت من بنزينة مش ولابد زي المنتشرين في مصر

عايزك تلاحظ حاجة برضه هنعرف منها : لما بتيجي العربية زي ما انت بتقول انها مش بتمشي لمده بتاع 4 او 5 ثواني طيب ايه شكل عداد الـrpm خلال الـ4 او 5 ثواني ؟ بيعلى ولا بيجيب كام ؟ ولا مش بيتحرك من مكانه الا بعد 4 او 5 ثواني ؟

وقت ما تكون العربيه تقيله لمبه Check Engine بتنور ولا لاء؟ ده شكلها

http://www.kamphausautocare.com/wp-c...iagnostics.jpg

أنا كان عندي مشكله من كام سنه في عربيه شيفروليه كانت لما تجيب R العربيه تقفش ولمبه check engine تنور وبعدين لما أجي أغير على D تبقى تقيله جدا كأنك ماسك الهاند بريك وكان لازم أبطل وأدور كذا مره لحد ما المشكله تروح والعربيه تمشي عادي وبعدين وديتها التوكيل وطلعت المشكله في سويتش النقلات واتغير وبقت تمام.

جرب موضوع منظف البنزين ده وادعيلي

انا للاسف عندي تقريبا نفس المشكلة انا عربيتي كيا ريو خليجي هاي لاين سيدان انا عامل 6500 كيلو لما تبقى ماشي بسرعة وبعدين ترجع تقف في اشارة تيجي تتحرك من الثبات العربية فعلا بطه بلدي بس لما بتفتح العربية بتبقى حاجه تانية تماما ..... وعلى فكرة الكلام اللي بيحصل ده مبيحصلش الا وانا مشغل التكييف والايكو.... لكن بمجرد مبقلبها مانيوال مش بحس بالموضوع ده وحتى لو ماشي اوتوماتيك من غير تكييف الموضوع بيقل شوية.... الموضوع من وجهة نظري ان سوفت وير العربية مش متظبط ... ليه بقه .... عشان العربية بتسقط نقلات غلط وثانيا على المطالع او كبري ممكن تيجي طالع كبري على سرعة 80 مثلا وهيا لسه على الرابع مبتسقطش نقلة ولو سقطت لوحدها بتسقط غلط .... الموضوع كله موضوع سوفت وير .... انا بس عاوز مركز مضمون او فرع معين للتوكيل يعملي اخر تحديث للسوفت وير ..... وياجدعان العربية على المانيوال غير الاوتوماتيك تماما فرق السما من الارض .... هل ده بقه طبيعي ؟

اقتباس:

---

المشاركة الأصلية كتبت بواسطة prooo

انا للاسف عندي تقريبا نفس المشكلة انا عربيتي كيا ريو خليجي هاي لاين سيدان انا عامل 6500 كيلو لما تبقى ماشي بسرعة وبعدين ترجع تقف في اشارة تيجي تتحرك من الثبات العربية فعلا بطه بلدي بس لما بتفتح العربية بتبقى حاجه تانية تماما ..... وعلى فكرة الكلام اللي بيحصل ده مبيحصلش الا وانا مشغل التكييف والايكو.... لكن بمجرد مبقلبها مانيوال مش بحس بالموضوع ده وحتى لو ماشي اوتوماتيك من غير تكييف الموضوع بيقل شوية.... الموضوع من وجهة نظري ان سوفت وير العربية مش متظبط ... ليه بقه .... عشان العربية بتسقط نقلات غلط وثانيا على المطالع او كبري ممكن تيجي طالع كبري على سرعة 80 مثلا وهيا لسه على الرابع مبتسقطش نقلة ولو سقطت لوحدها بتسقط غلط .... الموضوع كله موضوع سوفت وير .... انا بس عاوز مركز مضمون او فرع معين للتوكيل يعملي اخر تحديث للسوفت وير ..... وياجدعان العربية على المانيوال غير الاوتوماتيك تماما فرق السما من الارض .... هل ده بقه طبيعي ؟

---

لو ال eco الي عندكم ... Active eco مش زي الاشتغالة (اللمبة بتاع هيونداي) تبقى هنا ممكن تكون المشكلة .

لما بتقلب مانوال اصلا مفيش active eco mode على المانوال فبيتلغي لوحده ...


بس طبعا لو هو لمبة ال eco العادية الي بتنور و بتطفي .. و دي مبتعملش اي حاجة غير انها تقولك انك كدة "اوستيك" :) .. يبقى النظرية دي غلط.

اقتباس:

---

المشاركة الأصلية كتبت بواسطة big big

وارد تبقي العربيه فيها مشله في الحب بسبب الانجيكشن فيه مشكله مش نضيف يعيني بص ياباشا انا معايه النترا ام دي وكانت زي بتاعتك كده عملت الاتي بعد الصانه وتغيرفلتر بنزين وهوها خلت التوكيل عملي ريسيت للعربيه بالجهاز اكنها لسه جايه جديده وصفر كل حاجه وبعد كده جبت منظف دوره البنزين وحطيتها علي تفويله من بنزينه نضيفه وطلعت بها مشوار علي طريق سريع لمدة 100 ك في اول تفويله مش هتحس بفرئ في التفويله التانيه هتلائ العربيه صاروخ يامعلم تجميع سريع صوت واطي سحب محترم عربيتك هتحس انها فيها حاجه غريبه بس امشي بيها شويه علي طرق سريعه جرب مش هتخسر حاجه انا جربت سونكس كويس حسيت بالفرق شوف ممكن الاعضاء يؤلولك علي نوع احسن جرب وان شاء الله هتتحل المشكله

---

جربت كل الكلام ده
injection cleaner
octane plus
fuel system cleaner
جربت الفالفولين
وجربت STP
عملت كل ده

اقتباس:

---

المشاركة الأصلية كتبت بواسطة CryptonX

لو ال eco الي عندكم ... Active eco مش زي الاشتغالة (اللمبة بتاع هيونداي) تبقى هنا ممكن تكون المشكلة .

لما بتقلب مانوال اصلا مفيش active eco mode على المانوال فبيتلغي لوحده ...


بس طبعا لو هو لمبة ال eco العادية الي بتنور و بتطفي .. و دي مبتعملش اي حاجة غير انها تقولك انك كدة "اوستيك" :) .. يبقى النظرية دي غلط.

---

eco موجود والمفروض مع الضغط على الدواسة بشكل جامد (شويه) بيلغي الكمبيوتر eco تلقائياً

او انت ممكن تلغي eco من كمبيوتر العربية نفسه في الـSteering Wheel من الـMulti-Functions Keys

اقتباس:

---

المشاركة الأصلية كتبت بواسطة 2code

eco موجود والمفروض مع الضغط على الدواسة بشكل جامد (شويه) بيلغي الكمبيوتر eco تلقائياً

او انت ممكن تلغي eco من كمبيوتر العربية نفسه في الـsteering wheel من الـmulti-functions keys

---

انا عارف المعلومة دي عن ال eco بس فعلا العربية تقيلة في الطلعات .... انا لسه مجربتش العربية يادوبك قعدت معايا 10 ايام وسافرت لظروف شغلي عملت فيهم 1500 كيلو علما باني شاريها عاملة 4500 كيلو يادوبك عملتلها صيانة ال 5000 بسواقصى سرعة عرفت اجيبها على محور الشهيد بليل كانت 170 وكانت اوتوماتيك من غير ال eco... العربية تجميعها رائع بعد الاول والتاني بس مشكلتها فعلا في الطلعات .... بس لسه مجربتش موضوع المنظف ده ولا الابديت للسوفت وير ان شاء هعملهم في صيانة ال 10000 .....سؤال كمان بقه هل لما معدل استهلاك البنزين جوه البلد يبقى 11 لتر لكل 100 كيلو مع تشغيل التكييف ده عادي ؟

اقتباس:

---

المشاركة الأصلية كتبت بواسطة raedegypt

بيع واخلص

---

لو همل زى ما حضرتك بتقول يبقا كدا المشكلة راحت لحد تانى

اقتباس:

---

المشاركة الأصلية كتبت بواسطة prooo

انا عارف المعلومة دي عن ال eco بس فعلا العربية تقيلة في الطلعات .... انا لسه مجربتش العربية يادوبك قعدت معايا 10 ايام وسافرت لظروف شغلي عملت فيهم 1500 كيلو علما باني شاريها عاملة 4500 كيلو يادوبك عملتلها صيانة ال 5000 بسواقصى سرعة عرفت اجيبها على محور الشهيد بليل كانت 170 وكانت اوتوماتيك من غير ال eco... العربية تجميعها رائع بعد الاول والتاني بس مشكلتها فعلا في الطلعات .... بس لسه مجربتش موضوع المنظف ده ولا الابديت للسوفت وير ان شاء هعملهم في صيانة ال 10000 .....سؤال كمان بقه هل لما معدل استهلاك البنزين جوه البلد يبقى 11 لتر لكل 100 كيلو مع تشغيل التكييف ده عادي ؟

---

استهلاك البنزين مع التكييف عندي 10 انما متنساش ان ده كمبيوتر بيكون ليه عوامل كتير فياريت لو تحسبها انت مع نفسك بالتقريب كده ومتنساش ان المشي جوه البلد شئ والطريق شئ تاني خالص في استهلاك البنزين

باين انك اشتريتها مستعمله لانك اشتريتها على 4500 كيلو - العربية عندك مش طبيعية فيها حاجة الطلعات عندي هي اسرع حاجة

يعني من الصفر لغاية ستين بجيبها بسرعة جداً هي العربية اصلاً بتجري فعندك كده مشكلة العربية فيها حاجة غلط ياريت لو تروح التوكيل وتقول لهم على اللي عندك من الاول للاخر

ياريت لو تروح كيا ابو رواش يكون افضل