الموضوع: تجربتى مع الهيونداى اكسيل لمدة 7 سنوات .....

والله ياجماعه انا زعلان انى بيعت العربيه لانها كانت اول عريبة اركبها واستحملتنى كتير ورغم كذلك عمرى

ماطلبت منها مشوار وممعلتهوش وكمان الميزة فيها ان لو عطلت بيك بتقدر تتصرف وتشغلها حتى لو

كلمت الميكانيكى او الكهربائى فى التليفون تقدر تعمل كل حاجه بايدك وتقريبا الفتره الاخيره انا كنت

بعمل معظم الشغل بأيدى لان الشغل فيها سهل جدا .........

لذلك انا بنصح اى حد مبتدأ فى سواقة العربيات بالعربية دى الاكسيل عربيه محترمه لعيله او لشخص مبتدأ فى العربيات ........

اولا المميزات : -

-العربيه سواقتها سهله جدا وتقدر تحدد زواياها بكل سهوله ...

-المرايا كبيره وتقدر تشوف الطريق بكل سهوله وده اللى حسيته لما اشتريت النوبيرا ...

-العربيه مريحه فى مشيها جدا لحد 100 كيلو وناعمه جداا ومتسمعش صوت الموتور ...

-التكيف محترم جداا لو حالته كويسه ويفضل ان تجيب كل قطع الغيار بتاعته استيراد وواحد محترم يصلحه

هيبقى تلاجه وبيتظبط انه ميأثرش عالموتور نهائى والحمد لله مادام معاك صنايعي تكيف محترم متقلقش

من التكيف نهائى ..

-موفرة جدا جدا فى البنزين تقريبا 240 كيلو فى الصفيحه .... التانك 45 لتر واللمبه بتنور قبل مايخلص

التانك ب 10 لتر ..

-النور بتاع الكشاف محترم وبيجيب الشارع كويس

عكس النوبيرا اللى ركبت فيها نفس اللمض ومش بتنور بنفس كفاة كشافات الاكسيل ..

-الصالون واسع جدا واوسع من الفيرنا بشهادة كل اللى ركبو العربيتين ....

-الشنطه واسعه جدا ( اوسع من الاكسنت 98 ) ....

-العفشه مش بتتبوظ بسهوله لاكن بتتحتاج تربيط بس ...

-العربيه مؤشر الحراره على الربع حتى مع التكيف ومش بتسخن بسهوله لو دورة التبريد عندك كويسه ...

-قطع الغيار مفيش ارخص منها ماعدا حاجات معينه زى الكربيراتير وعلبة الدركسيون ...

نيجى بقا للـــعيـــــوب ....

-اول حاجه كانت مدايقانى العزل بصراحه وحش جدا ولازم اعلى الكاسيت علشان ماسمعش الاصوات

الخارجيه وصوت الموتور وخصوصا فى السفر الضغط جوه العربيه بيبقا فظيع ومتقدرش تجرى براحتك ..

-ثبات العربيه ضايع مش هقول اكتر من كدا العربيه من ورا بتروح فحته والموتور بيروح فى حته تانيه ...

-لو ساكن فى شوارع مكسره او طريق مش ممهد اعمل حسابك كل 10 ايام تربط عفشه ...

-الفرامل تعبانه جدا

وبيتركب فيها فرامل النترا 97 بتيجى جشمه كامله وبتركب ب 450 جنيه بتبقى خرافه ...
.
-مينفعش يركب فيها زينون الكشاف بيشتت الاضائه ولازم تعدل فوانيس ...

-الشاسيه بيفتح من عند المساعد اليمين ودى معروفة فى كل الاكسيل وحصلت عندى وملحمتهاش

ومتقلقش منها وبيعت العربيه بكل سهوله لان بيحصل شرخ صغير ومش بيكبر الا لو مطب جامد وانا

ملحمتهوش علشان مش يعيب العربيه ..

......................................

وده كان ملخص تجربتى فى عيوب ومميزات العربيه ...

نيجى بقا لكلام جانبى لازم يتعرف كويس جدا ..

-العفشه متجيش غير استيراد وخصوصا قواعد الموتور ومن حد مضمون استيرااااد ...

-الفوانيس هات وش ومتجيبش فانوس لان الفوانيس كلها مضروبه وش ب 10 جنيه وريح دماغك ...

-احسن كاوتش فيها الهانكوك ....

-ماتروحش لصنايعيه كتير يشتغلولك فى العربيه ركز مع ناس معيه ....

-متغسلش العربيه من تحت بالمية كتير علشان الدواسه بتاعة العربيه سهل يجيلها بارومه لان طبقتها

رقيقه جدا ..

.................

وده كان ملخص تجربتى يارب اكون افدتكم ...