تغيير موتور 131

**Eng.Geo** · 06-05-2013 02:58 PM

واحد صاحبي معاه 131 موتور 1600 ... الموتور فوت منه امبارح
هرب كبس
هو قدامه دلوقتي انه يعمل عمرة أو يغير موتور
انهي أفضل ؟
يعمل عمرة وتكلفه حوالي 2000 جنيه كلها
يجيب شورت بلوك نفس الموتور
يجيب موتور تاني خالص زي لانشيا أو بتاع ال 131 الكامتين
معلش انا مافهمش خالصص في الفيات القديم .. فاللي يقول يقول نعمل ايه ونجيب منين وهيبقي الأسعار في حدود كام
شكرا مقدما

**ozy2026** · 06-05-2013 05:23 PM

بص يا باشا انا مش بأرجح فكره تغيير موتور تانى دى
ده أغلب الفيات القديم بيغير ويركب موتور ال 31 لأنه من أحسن مواتير الفيات القديم
لو الموتور بتاعك حالته كويسه ومتعملوش عمرات قبل كده يبقى عمره أحسن بس يكون عند واحد محترم
لكن لو الموتور تعبان ممكن يجيب واحد استيراد من عزبه شلبى
وأحسن مواتير ال 31 هى ال cl ودى فى منها 1400 - 1600
لعلمك الموتور ال cl ده هو هو بتاع الشاهين والمواتير دى ناعمه وشديده واستهلاك بنزينها ممتاز
بس أعتقد ال 1400 cl ده ممكن يعمله حوالى 4500
بس لازم تكون واخد معاك ميكانيكى وهتأخد الموتور تجربه شهر
وممكن تعمل حسابك فى طقم شمبر انت وظروفك بقى لأن المواتير دى بتكون مركونه فترات كبيره

**aw2100** · 06-05-2013 05:37 PM

اللى يقرر الميكانيكى بعد مايفتح الموتور يكشف علية وانصحك حتى لو حتجيب موتور استعمال كامل تجيب الموتور مفكوك نصين وتخللى الميكانيكى يكشف على البلوك والوش وطبعا علشان الموتور مفكوك ده حيبقى سهل وتركبله طقم جوانات وتبقى مطمئن علشان لو جبت موتور متقفل بيبقى فية مواتير كتير تعبانة وتحتاج عمرة بعد كام شهر !!