كل ما اسال علي الشارك الناس تقولي قطع غيارها غاليه جدا ومش موجوده وهتتبهدل معاها في الموضوع ده
وسعرها في اعاده البيع وحش جدا
حد من ملاك الشارك يفديني ويقوللي مميزتها وعيوبها بامانه
عرض للطباعة
كل ما اسال علي الشارك الناس تقولي قطع غيارها غاليه جدا ومش موجوده وهتتبهدل معاها في الموضوع ده
وسعرها في اعاده البيع وحش جدا
حد من ملاك الشارك يفديني ويقوللي مميزتها وعيوبها بامانه
لو قدرت تجيب حاجة استعمال راقى
تبقى كسبت فرق السعر
الشارك دى عربية جامدة واتظلمت فمصر
قطع الغيار مش عالية أوى
متفكرش كتير فقطع الغيار
قبل مجيب الاوكتافيا اللى معايا سمعت كلام كتير عن قطع الغيار العالية
لقتها معتدلة اوى ويمكن زى أسعار البومة والسيراتو
مكنتش أسعار خرافية يعنى
للامانة انا واحد صاحبى اخوه عمل بيها حادثة total loss و اسعار قطع الغيار اللى سمعتها غريبة جدا .. مع انى بقارن بفرنساوى اللى الناس بتقول ان قطع غياره نار بس اللى سمعته اضعاف قطع غيار الفرنساوى و الله اعلم كان بيقولى اى كلام ولا فعلا اسعار قطع الغيار نار كده
كلام أستاذ مهاب نبيل مظبوط,
دا في قطع غيار في الانسر البومة والكوري أغلي من قطع غيار أختها ف البيجو والرينو. والأوكتافيا برضه.
ومعروف أن قطع غيار الشارك قليلة لأنها لأنها أقل في السوق فادا بيرفع سعر قطع غيارها لندرته عند التجار علي عكس البومة وحركة بيعه أقل.
بس دا ميمنعش أنها عربية ممتازة, وفعلاً أتظلمت ف السوق زي السوبارو وعربيات تانية كتير.
أنت أحسن حاجة بالنسبة لك أنك تشوف قطع غيار القطع الأستهلاكية زي التيل وفلتر الزيت والحاجات الأستهلاكية اللي هتتغير علي طول وتاخد فكرة برضه عن أسعار القطع الخارجية زي الفوانيس والمرايات وتشوف هتبقي مناسبة بالنسبة لك ولا لأ.
اسأل كويس على أسعار قطع الغيار عشان أسمع انها غالية
زميلي في الشغل كان عنده مشكلة في الزينون واتصل على التوكيل قالله انه محتاج تغيير وطقم الزينون هيكلف 4500 جنيه....لاتعليق
قطع الغيار الاصليه من التوكيل تقريبا زى البومه, الاختلاف بسيط جدا, خد فى اعتبارك ان مستهلكاتها اقل من البومه لان سير الكاتينه مش بيتغير وعمر البوجيهات اطول من البومه مرتين ونص
انما لو مش ناوى تحط الاصلى وهتعتمد على قطع الغيار اللى فى السوق يبقى مش فعلا مش هتلاقيها منتشره ومتنوعه وزى البومه, انا شخصيا شايف ان حرام تجيب عربيه يابانى وتقلبها صينى وتايوانى بانك تستعمل قطع غيار مش اصليه, كل حاجه فارقه عن الاصلى حتى فى الحاجات البسيطه زى تيل الفرامل, ولو عايز تفضل عربيتك بنفس الاداء يبقى لازم تحافظ على تغيير قطع غيارها الاصليه, وده فى اى عربيه عموما
وبخصوص الفوانيس الزينون فعلا غاليه وده فى اى عربيه نازله بزينون فابريكه بعدسات afs, القاشقاى بالمناسبه الزينون بتعها ب 7000 جنيه للفانوس, نفس القصه فى اى عربيه زينون بعدسات متحركه, انمالو هتجبها من فوانيس عاديه سعرها فى الرينج الطبيعى زى اليابانى ومش فارق عن البومه
المميزات:
- ثبات هايل بفرق كبير عن البومه
- صالون واسع ومريح
- عفشه مالتيلينك خلفيه, متخليش العربيه تتنطط من ورا خصوصا فى فواصل الكبارى
- اعتماديه وقليله الاعطال
- الفتيس النسب بتعاعته كويسه وبيساعد على السحب
العيوب
- سعر اعاده البيع مش زى البومه
- عزل الصوت مش حلو ولو انه افضل من البومه
- الصاج ضعيف
- الشنطه مش كبيره, البومه شنطتها اكبر
- صوت الموتور عالى مع القرص
بص يا باشا انا كان معايا لانسر شارك 2008 منيوال 5 شهور و بعتها و جبت لانسر شارك 2012 اتوماتيك و ال عربية القديمة الى هى 2008 جبتلهاشوية حاجات من التوكيل القديم الى هو الرواس و اسعارها اعتقد عادية جدا زى الالنترا و السيراتو و الانسر البومة و هى كالاتى:
1-تيل فرامل قدام 450
2-طنابير قدام الواحدة 800 و الاثنين 1600
3-سير الكاتينة مبيتغرييش سير الدينامو و التكيف جبتة من برة 30
4-البوجيهات 400 بس بيتغيروا كل 80000 كيلو
6-فلتلر البنزين اغلى حاجة تقريبا فى العربية و بيتغير كل 80000 كيلو تقريبا كان ب700 او
750
7-فلتر تكيف من شارع دمشق 65
8-مرايا يمين المرايا الازاز بس ب 65
بس هيا كعربية كويسة جدا واسعة من جوة تكيف قوى جدا ثبات محترم جدا على السرعات بس صاجها ضعيف شوية شنطتها مش كبيرة اوى و موضوع الفوانيس دة معرفوش لان القديمة و الجديدة اللى معاي فوانيس عادية و اعتقد ان الفوانيس الى الليدات هى الى نزلة بعدسة و زينون هى اللى غالية لانها غالية فى اى عربية بس هى عامة عربية محترمة
معلش نسيت اقولك على حاجتين العزل بتاعها مش قوى و موضوع اعادة البيع هو فعلا سعرها بيقع شوية يعنى لو high line فى ال 1500 الى كانت بتنزل قبل كدة كانت الزيرو منها ب 160 كانت بتتباع على حسب الحالة من 95-90 لحد 100-105 و الهاف سبورت فى التمنينات على حسب الحالة بس ال1600 الجديدة معرفش ان بصيت فى كزا حتة ملقيتيش حد عارضها للبيع فا مقدرش افيدك و ربنا يوفقك
متابع
الملخص المفيد فغلااقتباس:
المشاركة الأصلية كتبت بواسطة IronHead
طب عندى سؤال رخم شوية بس مهم جدا يالنسبة لى، هو الشنطة بتاعتها ممكن يوضع فيها كام شنطة سفر من الحجم المتوسط (26 - 28 بوصة). أنا كنت ناوى آخذ شنطة و أروح أقيس بس قلت أكيد بتوع المعارض حيقولوا عليا مجنون و الا حاجة :grin21::grin21:
هى الشنطه من ناحيه العرض كويسه بس المشكله فى ارتفاعها لان الجنط الاستبن 16 عريض, نفس المقاس اللى راكب فى العربيه, وده بسبب مواصفات الشرق الاوسط, فاللى حصل ان ميتسوبيشى ركبت علايات فلين فى الشنطه عشان تساوى سطح الشنطه مع ارتفاع الاستبن ال16 العريض ده, بره الاستبن عرضه صغير فمفيش علايات وارتفاع الشنطه كويساقتباس:
المشاركة الأصلية كتبت بواسطة khaled_afandy
مشكله ارتفاع الشنطه الصغير ده لاحظته فى السيفيك والمازدا برضه
الحل لو العربيه عجباك وموضوع الشنطه مهم جدا بالنسبه لك, انك تجيب استبن صغير وشيل العلايات الفلين وهتبقى فى نفس وسع البومه تقريبا
بالارقام من الكاتالوج:
حجم الشنطه بالعلايات: 315 ليتر
من غير علايات: 400 ليتر, الفرق مش قليل تقريبا الربع
اتمنى اكون وضحت الصوره
ألف شكر يا باشا ده شغل مهندسين، أكيد أنت مهندس (زى حالاتى هههه). العربية عاجبانى فعلا لأن البوما شكلها قدم و هو شكل رخم أساسا.اقتباس:
المشاركة الأصلية كتبت بواسطة ironhead
بس انا فعلا ناوى أعملها و أجرب، لو أخذت شنطتبن مرتاحين يبقى تمام لأن ده الحال فى معظم السفريات، و الباقى لو محتاج عندى عامودين شبكة يتركبوا و يتشالوا
بس يا جماعه المشكله اني كش لاقي الشارك فالسوق, انا عايذ اجيب الفئه التانيه أو التالته و مش لاقيها خالص فأي معرض, فلو أساسا قررت تجيبها ذي حلاتي مش هتلاقيها أصلا ,,, و انا دلوقتي بفكر فبديل تاني مناسب
الفئة الثالثة كانت موجودة فى معرض دلتا موتورز (مش متأكد من أسمه) فى ميدان ابو المواهب بالعجوزة الأسبوع الماضى. بس الفئة الثانية افضل لأن الزيادات فى الثالثة مش مستاهلة فرق السعر. إما الثانية أو الرابعةاقتباس:
المشاركة الأصلية كتبت بواسطة mohammad kamel
على ايه يا ريس, هيا هتاخد شنطتين بس ميكونش ارتفاعهم كبير, لو اى استفسار تانى انا تحت امركاقتباس:
المشاركة الأصلية كتبت بواسطة khaled_afandy