الموضوع: مشكله مع بجاج 200 ns >>> تعبيتنى :(

عندى إحساس مختلف عنكم كلكم ..
فى حاجه فى الموتور مش عارف أسمها .. بس هى اللى بترفع الزيت للتاكيهات وتوزعه عالموتور وبعدين الزيت ياخد دورته ويكون برد وينزل وهكذا الزيت بيعمل دورته فـ الموتور .. روح التوكيل وايدى أى صنايعى 20 جنيه فـ ايده بس أختار واحد بيفهم .. وقوله اتأكد ان الزيت بيترفع .. ولما يتأكد خليه يتمملك عالموتور والسخونيه ويجرب المكنه بنفسه وسحبها وصوتها
ونصيحه .. اوعى تمشى عالمكنه كده عشان ان كانت هى المشكله اللى بقولها ممكن تجيب منك عمره وانت لسه مفرحتش بيها .. وربنا بفرجها عليك ويفك كربك

ياريت صاحب الموضوع يرد اذا كان العيب اتحل ولا لا لان المفروض كدا ان التاكيهات دى متحمل عليها جامد ومحتاجه تتريح بفلر واللى يعملها يكون محترف .. لان اللى ظبطلو التاكيهات كدا قفل عليها جامد ومن اعراض الموضوع دا ان المكنه بتسخن جامد وكمان عدم السحب

السلام عليكم..انا محمد من المنيا..وقريت المشكله بتاعتك والواضح ان مافيش حد فى مصر كلها بيفهم فى ال 200ns لانها جديده وشغلها حديث شويه..انا الموتو بتاعى الحمد لله شغال كويس بس طبعا لازم اعمل حساب موضوع اى عطل فى الموتور لانى صعب اروح التوكيل..لفيت على الصنايعيه واديتلهم ملف قطع الغيار بتاع الموتو واززاى الفك والتركيب وكل حاجه فى الموتو عرفوها قبل ما تتفك على الكمبيوتر...الكل انشكح والكل اتنفخ وانا متاكد ان لو الموتو عطل هيطلع 1 من 20 بيفهموا واللى عندهم فكره عن الباجاج واشتغلوا علياها كتير وكمان اخدوا دوره فى التوكيل..
مشكلتك مشكله كل واحد معاه او هيشترى الباجاج 200 ns ..
ربنا يعوض عليك ونصيحتى ليك ماتركبش الموتو وهوا فيه اى صوت هيعرضك لمشاكل اكتر وممكن تتعرف لحادثه ربنا يكفيك شرها..
حاول تشوف حد كويس فى الانجليزى وادخل على اى منتدى للباجاج هندى واعرض عليهم مشكلتلك هتلاقى حل اكيد انا قبل ما اشتريها قعدت اسبوعين نايم قايم على المنتديات الاجنبيه والكل بيشكر فى الموتو ومافيش مشاكل كتير غير زى مشاكلك دى وليها اكيد حل..
الموقع دا تحمل منه قطع الغيار وكدا وكمان بيعرفك اى نوع من البوجيهات ينفع للموتو
Download Bajaj Pulsar 200 NS Spare Parts Catalog / Manual | Nex Gen Bikes

لوتقدر تنزل الشرقيه فى صانيعى ممتاز جنب البيت عندى استاذ بمعنى الكلمه سنه كبير شغال من زمان عنده حوالى 48 سنه وبسم الله ماشاء الله كمية ريس وانواع موتوسيكلات كتير شوفت عنده بجاج 200 بس الشكل الاقديم كانت زيرو وتقريبا كان بيزبط التاكيهات