الموضوع: زيت ناقص وماتور ناعم طب ازاى

المشاركة الأصلية كتبت بواسطة lanos2004

هوة يا بيحرق جامد جدا على الماتور وطبيعى انه يحصل نقص زيت بس مش بالطريقه دى
يا كان حاطط زيت غير مناسب للماتور
بس لو العربيه ماشيه كتير ممكن يكون الماتور خف وبيحرق الزيت

مع احترامي لكلامك يعني. بس مهواش مقياس وممكن يكون صح في حالات. بس في الغالب مش صح..
انا كان معايا لانسر بومة موديل ٢٠٠٧ جبناها في نص ٢٠٠٧ أول يد.
العربية فضلت معايا لحد ٢٠١٠ وكانت عاملة ٨٣ الف كيلو قبل ما نبيعها، وكانت كل نقلاتي علي الاول والتاني والتالت لو الطريق مفتوح قبل شرطة الريد زون علي طول. وعمري ما كنت بنقل قبل كدا أبداً.
مش فذلكة بس العربية كانت خفيفة جداً. وبتجمع بسرعه جداً. ودا طبع في الانسر للي ساقها ، وزيتها دايما كان بينزل اصفر داكن. وعمرة ما كان بينقص.
ومعظم الناس الي اعرفهم بتقرص عال غيارات ومنهم اللي بيدخل في الريد زون وعادي الزيت مش بيقل..
علي النقيض دلوقتي بسوق بيحو ٣٠٧ sw وكل نقلاتي ما بين ٢ ل ٣.٥ RPM كحد أقصي. العربية زي البطة وعائلية مش مشجعة للجري.
والزيت بينزل اسود مهبب، وناقص كيلو عال أقل. مع العلم انها لسه في رينج ال ٦٠ الف.

فالحرق مالوش علاقة في الوضع العام. والراجل كان حاطط زيت ١٠ الاف تخليقي ودا مناسب لكل العربيات الجديدة.
والمشكلة من وجهة نظري يا تبخير للزيت يا كان فيه تسريب. لأن الراجل بيقول انو راجع المقياس بعد ما غير الزيت وكان مظبوط.
.
تحياتي.