الموضوع: ايه المشكلة لما تتكلم انجليزي بلهجة مصرية ؟

المشاركة الأصلية كتبت بواسطة Terrible_DaRsH

خاصة البنات يعنى بيعيشوا دور انهم خلاص مش قادرين يفهموا عربي , ممكن تتكلم مع بنت تقولك ( سورى ممكن تقولى الاكسبرشن علشان افهمك ) :(

هو في ناس بتعمل كده كفزلكة أو فاكرين أن الناس هتشوفهم لما يقولوا كلمتين في النص على أنهم كده هاي كيلاس lol
بس في ناس تانية و أنا منهم لازم أتكلم كلمتين أنجليزي في نص الكلام و ممكن أقول جملة بالكامل بالأنجليزي.. و ده بسبب أني بستخدم الأنجليزي أكتر ما بستخدم أي لغة تانية حتى العربي.. فبقى طبيعي أن تفكيري يجيب الكلمة بالأنجليزي بعد كده أترجمها بالعربي عشان أقولها, لكن في بعض الأحيان و أنا بتكلم عربي عادي فبلاقي أني هاخد وقت شوية عشان الأقي المرادف بتاع الكلمة بالعربي فبقولها بالأنجليزي على طول خصوصاً لما أكون عارف أن اللي قدامي هيفهمني لما أقولها بالأنجليزي.. لكن لو هو مش هيفهم بعصر على نفسي لمونة و أحاول أفتكر ما يوازي الكلمة بالعربي..
يمكن ده حال ناس كتير من اللي بيستخدموا لغات أجنبية أكتر من لغتهم الأم.. لكن عن نفسي فمازلت بعرف أكتب عربي كويس جداً بجانب الأنجليزي لأن كان ليا سوابق في كتابة روايات فالحمد لله عندي قواعد اللغة لسة متبقي منها شوية.. هي مشكلتي الحقيقة في الكلام مش الكتابة..

على فكره نفس الشىء اللى بينطبق على الانجليزى هو اللى بينطبق على العربى
ما احنا عندنا العربى بيتنطق بكذا لهجه وفيه منهم اللهجه السهله لينا كمصريين وفيه لهجات صعبه عادى

انا بحاول اقرا الكلمات صح بس مش بركز دى بقى بانهى لهجه المهم انى بتكلم صح فى العموم لان انا مش فى دوله اجنبيه علشان ادور على لهجه معينه واتبعها

انا بقى اللى غايظنى من ده كلوا اللى بيدخل العربى فى الانجليزى او اللى بيتكلم فرانكو الصراحه بتخنق منه

اللغه العربيه بقت عار يعنى ولا ايه ولا بقت دقه قديمه