الموضوع: ميراث ومطلوب يتحول من الخارج

المشاركة الأصلية كتبت بواسطة swimmer25

طيب ما توضحلي الغلط اللي أنا غلطته بدل التريقة وأهو الكل يستفيد
أنا مدخلتش السعودية خالص وبتكلم علي اللي اتعاملت بيه في قطر والامارات بإفتراض إن تعاملات الخليج متشابهة
غلطي فين؟

المشاركة الأصلية كتبت بواسطة أبو صلاح

مبدايا بنوك وشركات التحويلات في السعودية لاتقوم بتحويل ريال سعودي لمبلغ اكثر من 1000 ريال
ويتم التحويل بالدولار
هم هيروحو تحويلات الراجحي ويحولوا المبلغ (بالريال ويحول تلقائي لدولار ويسجل قيمة التحويل في ايصال الاستلام) ومش شرط يكون في اي حساب في اي بنك مصري
ممكن تحول مباشر على اسم شخص في البنك الاهلي او بنك مصر

وممكن يتم التحويل من بنك انجاز في السعودية على بنك القاهرة



عمولة التحويل20 بنك مصر - 25 البنك الاهلي المصري- 16 بنك القاهرة ريال
وخصم 2 دولار من البنك في مصر

بس خد بالك لو المبلغ كبير مش هيرضوا يحولوا من السعودية الا بوجود مايثبت مشروعية هذا المبلغ
لكن ممكن الشخص اللي في السعودية يشوف حد يكون وظيفته كبيرة بمرتب عالي ويحول باسمه او الحل التاني انهم يتحولوا على دفعات شهرية ومن اكتر من مكان

انا ما اتريقتش ياباشا
انت اللي داخل بعنف وتقول هم مالهم هتحول كام ولمين
امال يحمو نفسهم ازاي من غسيل وتهريب الامول

يعني واحد ييجي هنا السعودية وجاي على وظيفة عامل عادي وبيحول كل شهر 100 الف ريال ينفع الكلام ده ؟ وهيسيبوه عادي كده؟
ما هو يا اما حرامي يا اما بيتاجر في الممنوعات يا اما ليه تجارة خاصة بيه بشكل غير قانوني
وكل ده طبعا ممنوع

وصلت المعلومة ياباشا؟