السلام عليكم ورحمة الله وبركاته
معلش يا جماعه انا كنت عايز ارائكم و طبعا انتم خير من اسأل ، النيسان الصني الشكل الجديد افضل ام الشكل القديم -لو لسه بيتباع زيرو يعني- ، الحاجه التانيه لما قرأت المواضيع هنا عرفت ان الميزان اتشال بكل غير مبرر من اول موديلات ٢٠٠٨ فهل الميزان ده موجود في الشكل الجديد ولا لأ ، طيب في حال انه لا موجود في الزيرو الشكل الجديد او القديم دلوقتي ثباتهم عامل ازاي و هل ينفع يتركبوا في الجديد ؟ بكام و منين يارجاله ، و بشكركم جدا علي المساعده.
بالنسبة للمقارنه بين الشكل الجديد والقديم فالموضوع يخضع ليك انت فقط
يعني تحدد أولوياتك بالنسبة للعربية وتحدد مميزات وعيوب كل واحده وتقرر
وفيه مواضيع كتير هنا ممكن تساعدك واركب الاتنين عشان تكون راضي عن قرارك النهائي
أما عن الثبات فالشكل القديم أكثر ثباتا
وعمود الاتزان مش موجود في الشكل القديم الذي ينتج الآن ولكن يمكن تركيبه
ولو أنها أثبت من الشكل الجديد حتى بدون عمود اتزان
في الشكل الجديد بصراحه لا اعلم هل يوجد بها عمود اتزان ام لا ..... يمكن الأعضاء يقدروا يفيدوك أكثر
أما عن رأيي الشخصي ........ فأنا حاليا حاجز الشكل القديم ومنتظر الاستلام
انا من وجهة نظرى الشكل القديم روعة واكثر فخامة و فى الاتزان انا سقتها وهيا تحفة امال بقى لو هتركبلها عمود الاتزان اكيد هتبقى روعة بجد لكن مقدرش احكم على الجديدة مع انها شكلا مش عجبانى بحس ان مفيش اى تناغم وانسجام فى تصميمها لكن اعضاء كتير بقولوا عليها اوسع داخليا
ب
اولا انا بجد مبهور بنشاط القسم ما شاء الله انا حطيت الموضوع اترد عليه علطول انا كنت بحفي علي الناس ابوس ايديهم يردوا عليا في حتت تانيه :d ، الحاجه التانيه العربيه لواحد صاحبي مش ليا والله ، الحاجه التالته فعلا الشكل القديم في رأيي اجمل كتير عن الجديد اللي بصراحه شكلا مش عاجبني خالص ، و انا متشكر جدا ليكم يا جماعه
القديم و الجديد حلوين
المهم راحتك النفسية
بس خلى باللك أن عمود الاتزان كان بينزل فئ السوبر صالون الشكل القديم. و هو بيتركب. فئ حدود آل 1000 ج
بالنسبة للجديد أكيد كتلقية فئ فءة السوبر صالون
بالتوفيق
هذا الرابط يوضح تقرير كامل لأحد الزملاء الأفاضل عن تركيب الميزان وتكلفته
http://www.nilemotors.net/Nile/307953-ex.html
وبالتوفيق إن شاء الله
الف الف شكر يا جماعه والله انتم ناس اكتر من رائعه و ربنا يكرمكم علي نشاطكم ده
عمود الاتزان موجود في الشكل الجديد كل الفئات
حسب احتياجات حضرتك تقدر تختار و ان شاء الله اي اختيار منهم مش هيزعلك . طبعا من الفروقات ألواضحه ما بينهم الوسع الداخلي و استهلاك البنزين الاقل و الكراسي المريحه في الشكل الجديد قصاد قوه الموتور و متانه الصاج في الشكل القديم أما بالنسبه للشكل الخارجي فده طبعا اذواق و ياريت حضرتك تلقي نظره علي أرشيف القسم هتلاقي فيه مقارنات ما بين الاتنين ووصف تفصيلي لكل واحده فيهم و ان شاء الله هيفيدك كتير و بالتوفيق لما فيه الخير
والله انتم ناس تتحب يا جماعه انا لو معييش صني احب اجيب صني علشان ابقي مع ناس بتحب تساعد بعض كده بجد ما شاء الله ربنا يكرمكم :)
عمود الاتزان موجود في النيو صني خلفي وأمامي .. مشكلة الشكل القديم إنه بينزل بس ال ex saloon ومفيهاش ABS ف عشان كده بنصح اللي هيشتري صني زيرو انه يجيب الشكل الجديد السوبر صالون .. لأنه شكله أحلى من ورا وشكل التابلوه أحلى بكتير ده غير بعض الزيادات اللي ممكن تشوفها في موضوع الفرق بين السوبر صالون وال ex صالون في المواضيع المتثبتة .. العربية بجد وعن تجربة ممتازة جدا وكل مشاكل الدفعات الأولى تم حلها
ملحوظة : النيو صني أصلا نازلة مانيول وأوتوماتيك فئة أولى وأوتوماتيك هاي لاين .. أسماء السوبر صالون وال ex صالون ده الناس هي اللي أطلقتها على فئتي الأوتوماتيك زي الصني الشكل القديم
اقتباس:
المشاركة الأصلية كتبت بواسطة د.محمدعبدالعال
رأيك يفتقد الحيادية يادكتور محمد
وتتحدث عن السيارة من خلال وجهة نظرك فقط
والأولوية هو أعطاء السلبيات وةالايجابيات لكلا السيارتين والعضو المحترم يختار حسب استخدامه ووجهة نظره هو فقط
يا عزيزي .. هل اللي أنا قلته بخصوص إن الشكل القديم بينزل منه ال Ex saloon وانه بينزل من غير ال Abs صح ولا خطأ ؟؟؟اقتباس:
المشاركة الأصلية كتبت بواسطة miceg
ثم إن عمود الاتزان موجود فعلا في النيو صني أمامي وخلفي .. وخد بالك أنا مقلتش إنه مش موجود في الشكل القديم يعني مقارنتش أصلا بينهم
غير كده أنا متكلمتش عن الشكل القديم خالص أنا قلت إن النيو صني السوبر صالون شكلها أحلى من ال ex saloon عشان الاسبويلر بيخلي شكلها من ورا أحلى وكمان شكل التابلوه في السوبر صالون أحلى من ال Ex saloon .. يعني أنا كل كلامي كان على النيو صني
ثم فعلا مشاكل الدفعات الأولى تم حلها سواء صاجة التيل الخلفي أو التزييق أو تيل الفرامل السيء
يعني خلاصة الموضوع أنا مقلتش أي عيوب في الشكل القديم ولا حتى في الشكل الجديد ولا شكرت في الشكل القديم ومجرد إني قلت العربية ممتازة جدا بقى رأيي غير حيادي ووجهة نظر متحيزة ؟؟؟؟؟؟
واضح ان انت اللي متحيز لعربيتك وحساس قوي لأي كلام كويس عن النيو صني أو أي عربية تانية
عموما أنا بفترض ان أخونا محمد أيمن هيدور في مواضيع القسم عن مشاكل النيو صني ف حبيت اطمنه ان معظم المشاكل دي اتحلت
ويا ريت حد يحضرنا يقول أنا المشاركة بتاعتي أصلا كان فيها أي تحيز ولا مجرد بقول رأيي في عربية جربتها وركبتها ومجرد إني قلت معلومة عن عربية تانية ..
ملحوظة أخيرة : لا يمكن لأحد أن يدعي الحياد المطلق .. الفرد هو ابن انحيازاته ولو ادعى عكس ذلك
تحياتي
اقتباس:
المشاركة الأصلية كتبت بواسطة د.محمدعبدالعال
عشان كده بنصح اللي هيشتري صني زيرو انه يجيب الشكل الجديد السوبر صالون .. لأنه شكله أحلى من ورا وشكل التابلوه أحلى بكتير
ده كلام حضرتك
انت حكمت باللي هيشتري صني زيرو يشتري الشكل الجديد
موضوع بقا اني حساس للشكل القديم ( فعلا عندك حق ) اصل الشكل القديم يبقا قريبي هههههههههه
يادكتور ولا حساسية ولا حاجة
كلنا هنا أخوات وبنفيد بعض .
بالعكس انا ليا توبيك كنت بفكر فالنيو صني كعربية عفشتها ناعمة وأحسن في المطبات
وشكلها فيه شوية شبابية خاصة السوبر صالون
وكمان دي مشاركة ليا كنت بشيد بمميزات وعيوب النيو صني
((((بص ياريس
االشكل القديم معايا وهقلك ميزاته وهقولك عيوبه
مميزاته الموتور قوي جدااا والاستايل الكلاسيك مميز جدااا والاتزان والثبات روعة
والله بسوق على سرعات 160 و 170 و 180 ولو نزلت اخري 160
والثبات روعة في الغورز والمنحنيات العادية وليست الصعبة ومقاومة الهواء حاجة تشرف
العربية ماسكة نفسها
كمان ميزة تانية وهي قوة الصاج بتاع العربية وتوافر قطع الغيار .
العيوب من وجهة نظري هو ضيق الكنبة ومعدل إلاستهلاك عالي نسبيا والعفشة ناشفة شويتين
والعيوب تتحول الى إيجابيات في الشكل الجديد والمميزات تتحول أيضا الى سلبيات
يعني شوف انت محتاج إيه من العربية وقرر
انا لو مكانك هشتري الشكل الجديد وهضمن على ألاقل ان السيارة ليست منتشرة في الصعيد مثل القاهرة
والى ان تنتشر معاك 3 سنين على الاقل
ولو هتشتري يفضل تشتري السوبر صالون
بصراحة شكل الاسويلر والجنوط الاسبور تحفة
وربنا يوفقك))
كل التقدير والتحية لحضرتك رغم اختلافى معك فى إن حضرتك كلامك فعلا بينحاز للنيو صنى بصفة عامةاقتباس:
المشاركة الأصلية كتبت بواسطة د.محمدعبدالعال
بس ده شىء طبيعى وحضرتك اكدت كده فى مشاركتك التانية ان اللانسان منا وليد انحيازته وذه طبيعة النفس البشرية
وبسبب كده احب اقول ... انا مش طايق شكل الصنى الجديده :I_angr1[1]: واللى هينقطنى ان التصميم ده جه بعد موديل انتشر انتشار كاسح
معلش انا فعلا منحاز للشكل القديم وده الخلاف الوحيد مع حضرتك
وكل الاحترام والتقدير لحضرتك وجزاك الله خيرا على اسلوبك المحترم فى النقاش:Bravo:
اقتباس:
المشاركة الأصلية كتبت بواسطة miceg
على فكرة انت منحاز زيي بالظبط .. لأني موافق على رأيك ده مليون في ال مية
يا جدعان بقول اللي هيشتري الصني زيو يشتري السوبر صالون ( والله كنت اقصد النيو صني ) ..
وباقي كلامي بعد جملة "ان الشكل القديم بينزل ex saloon ومن غير abs " .. بعد الجملة دي كان كل كلامي عن النيو صني .. أنا بجد مركبتش الصني القديمة ومسوقتهاش ولا جريت بيها .. آه ركبتها مع بعض اصدقائي ومعجبنيش ان الواحد بيبقى قاعد غطسان شوية وقريب من أرضية العربية بس مقدرش احكم عليها .. أنا مجرد قلت معلومة عنها وبعد كدة لكيت عن النيو صني .. أنا عمري ما كنت هشتري نيو صني لو مكانش نزل منها سوبر صالون .. لأني مش طايق شكل ال ex saloon في النيو صني من ورا .. من قدام العربية شكلها مش بطال لكن من ورا وحش بس الاسبويلر عدل شكلها شوية ف عشان كده كان كل هدفي إن الراجل لو هيقرر يجيب النيو صني يشتري السوبر صالون ..
ملحوظة : يا جماعة أنا مكنتش بقارن أصلا بين العربيتين عشان تقولوا اني منحاز ومفيش حيادية في كلامي ..
والله يا باشا دي آراء ووجهات نظر وأذواق ..اقتباس:
المشاركة الأصلية كتبت بواسطة flavio_egypt
وفي النهاية الموضوع ده أقل من إننا نختلف عشانه
تحياتي
إحنا نتقسم شكل جديد و شكل قديم
كل واحد و الله يركب العربية اللى ترئحه نفسيا
ولو مستريح نفسيا و مقتنع بيها يبقى كل العيوب تتقلب مزايا
و كله نصيب و رزق.
اييييييييييييييه دونيا هههههههههههههههههههه
حصل خير يا خوااااانا ..... ياخواانااااا
ومفيش حد بينحاز لحاجة عندنا
الراجل بيسأل الشكل القديم ولا الجديد ........ سؤال بسيط واجابته بسيطة ومن غير تحيز
الاجابة هي ....... القديمة طبعــــــــــــــــا هههههههههههههههههههههه :44:
الثبات ..... القديمة طبعــــــــــــــــا هههههههههههههههههههههه :44:
الميزان .... القديمة طبعــــــــــــــــا هههههههههههههههههههههه :44:
لو جبتها سوبر صالون هايبقي فيه اساسي (امامي وخلفي في الدنجل)
لوالex القديمة ........ الميزان الامامي يركب ب600-700 جنيه
والخلفي هاتغير دنجل ورا ....... والدنجل فاضي ب600 والتركيب قول 200
يعني ميزان امامي وخلفي 1500 جنيه لو مش موجود
العربية القديمة من غير ميزان مش فارق اوي لو حد مش بيجري
لو حد بيجري ومقضيها غرز هاتفرق معاه .......
الصني الجديدة فيها ميزان امامي وخلفي في كل الفئات
والقارنة ديه للاتنين
http://www.nilemotors.net/Nile/341896-a.html
واقعدوا بالعافية :))
اقتباس:
المشاركة الأصلية كتبت بواسطة SonaSteel
يا لك من منحاز :Copy of majd(4): ههههههههههههههههههههه
بمناسبة الحياد والانحياز .. رسام الكريكاتير الفلسطيني ناجي العلي له مقولة شهيرة يقول فيها : " أنا لست محايدا .. أنا منحاز لمن هم تحت .. الذين يرزحون تحت نير الأكاذيب وأطنان التضليلات وصخور القهر والنهب وأحجار السجون والمعتقلات، أنا منحاز لمن ينامون في مصر بين قبور الموتى ، ولمن يخرجون من حواري الخرطوم ليمزقوا بأيديهم سلاسلهم ، ولمن يقضون لياليهم في لبنان شحذاً للسلاح الذي سيستخرجون به شمس الصباح القادم من مخبئها .. ولمن يقرؤون كتاب الوطن في المخيمات " .
على فكرة يا دكتور انا معايا نيسان ex مانيوال وفيها absاقتباس:
المشاركة الأصلية كتبت بواسطة د.محمدعبدالعال
مين فات قديمه تاااااااااااااااااااااه خليك فى القديم حتى لو فيه عيوب بسيطة بس المميزات تستحق الإقتناء
الحقيقة انا واقع في نفس المشكلة صني الجديد و لا القديم و المشكلة انا مش عارف انا عاوز ايه
والله لحد دلوقتي انا رأي الشكل القديم
والله اعلم
سامع ان فى مشاكل فى الشكل الجديد
يا جماعة خلاصة موضع الميزان---في الشكل القديم كان موجود في السوبر صالون فقط-- لحد موديلات 2010 بعد كده بقي موجود في كل الموديلات--انا شاري الشكل القديم 2013 ووديتها مخصوص لبتاع العفشة ووراني الميزان ---اما ف الشكل الجديد فالله اعلم
توكل على الله وهات القديم
عربية ممتازة