استفسار عن تركيب موتور كوبرا في ابيزا 2009

**mr_shims_49** · 06-05-2013 08:18 PM

السلام عليكم

انا معايا ابيزا 2009
انا بفكر ف اني
ااغير الموتور اللي عندي ب الموتور االي هو في الابيزا الكوبرا ال 1.8t هو 180 حصان
انا مش هاعمل الموضوع دلوقت انا بس قولت اخد رأيكو معايا و نجمع معلومات كتير عشان ان شاء الله وقت التنفيذ يكون الموضوع مدروس

انا عايز اعرف رأيكم و عايز اعرف لو هاجيب نص ابيزا كوبرا من اي مستورد هاكون بكام تقريبا و مين يقدر ينقلي الموتور بكل مشتاملاته من غير ما يفضل عندي لمبات منورة او عاملة ايرور في الطابلوه

هاقولكوا شوية نقط او اسئلة عندي
- هل موتور الكوبرا ده هو هو اللي في الجولف 4 الجي تي اي ولا لاء
- انا الفتيس اللي عندي 6 نقلات ستيب ترونيك فهل ده يركب علي الموتور ولا لازم اغير لفتيس مانيوال بتاع الموتور
و ياريت لو في اي نصايح تانية

**Karim Ibiza** · 06-05-2013 10:17 PM

مبدأيا موتور الكوبرا بالنسبة للموديل ده مش 1.8t
موتور الكوبرا بتاع موديل عربيتك 1.4tsi وده 180 حصان وفيه نسخة تانية من الموتور ده بس للابيزا ال fr وده 150 حصان والاتنين ينزلو عندك من غير أي ايرور
موضوع الفتيس ده هبحثلك فيه
مواتير ال tsi موجودة هنا ومش محتاج تجيب نص من بره

**mr_shims_49** · 07-05-2013 12:13 AM

متشكر يا استاذ كريم علي ردك
بس خلي بالك انا عربيتي mk4 يعني الشكل اللي قبل الاخير
و كود الموتور اللي عندي BTS
بي برضه هو هو نفس الموتور اللي نزل في الموديل اللي بعده اللي هو MK5 فانا كده مش عارف مفروض لو هاغير هايبقي ال 1.8 T ولا زي ما حضرتك قولت ال TSI
و لو تعرف اسعار ياريت تقولي و
بالنسبة لموضوع الفتيس لو هايبقي موتور TSI مفيش مشكلة لان فتيسه ستيب ترونيك برضه فا مش هايبقي عندي مشكلة معاه
لكن لو الموتور التاني هنحتاج نسال

**SYD** · 07-05-2013 01:46 AM

اهلا بحضرتك استاذ محمد من جديد
علي فكرة انا ببقي سعيد جداً لما بشوف مشاركات لحضرتك معانا في القسم من تاني
اتمني حضرتك ما تغيبش عننا
ايه رأي حضرتك في القسم دلوقتي ؟؟؟

هحاول ابحث لحضرتك عن اي حاجة تخص موضوعك
لكن كل اللي اقدر اقوله - بلاش tsi لأن مصاريف تشغيله عالية حبتين - بالأضافة ل1.8 فهيبقي حاجة مهولة
ابسطها البنزين بتاعه - لازم 95

تحياتي

**Karim Ibiza** · 07-05-2013 01:47 AM

انا كنت فاكر ان عربيتك 6j وعشان كده قولتلك 1.4tsi لكن لو 6L يبقى فعلا موتور الـ Cupra هو الـ 1.8T وده 180 حصان وفيه كمان النسخة الـ fr بموتور 1.8T قوته 150 حصان
المفروض ان المواتير دى بتنزل بفتيس مانيوال لأنها مواتير رياضية لكن اعتقد الفتيس الستيب ترونيك يشيل عادى

بالنسبة للسعر بصراحة الـ 1.8T مش عارف بكام لكن الـ 1.8 20V العادى واحد صاحبى كان جايبه من غير فتيس بـ 4500 والراجل خد الموتور القديم كان 1.6 بتاع البورا وركبه على فتيسه الاوتوماتيك عادى وعربيته بورا 2000

يا ريت لو عرفت ثمنه كام تقولنا عشان بصراحة نفسى اركب الموتور ده

**SYD** · 07-05-2013 08:29 AM

المشاركة الأصلية كتبت بواسطة mr_shims_49

متشكر جدا يا استاذ سيد
بصراحة القسم دلوقت بقي حاجة تانية خالص ما شاء الله بفضل مجهوداتك و مجهود استاذ كريم القسم الاول كان نايم اوي لكن
دلوقت حاجة تانية و انا ان شاء الله هابدأ اعمل مواضيع عن الموديلات الجديدة لان دي تقريبا ملهاش مواضيع كتير

بالنسبة للموتور انا ان شاء لله بفكر في ال 1.8t و ده مش tsi ده تربو عادي و ده كان نازل من 2004 او 2005 تقريبا فا اعتقد انه يمشي ببنزين 92 عادي

سامح محمد

ربنا يبارك فيك يا استاذ سامح
عذراً لو كنت غلطت في الأسم

في انتظار موضوعات حضرتك واللي ان شاء الله اكيد هيكون ليها أكبر الأثر في القسم

تحياتي لشخصكم الكريم

والله المستعان
،
،

**SYD** · 07-05-2013 08:45 AM

طب وانت ايه المانع تجيب نص جولف 4 ؟؟؟
وعلي فكرة
لو بتتكلم ان حوض الأيبيزا mk4 يتشابه مع حوض جولف mk4 يبقي علي كدة هتقدر تسقط جميع المواتير اللي نزلت مع النيو بيتل والأودي tt واعتقد دول هتلاقي فيهم كل اللي تتمناه واعتقد مش هيبقي سعرهم عالي
الحاجة التانية طالما هتجيب نص - يبقي تاخد منه كل حاجة في كل حاجة وتفضيه عندك زي ماعمل كريم في عربيته

دة مجرد رأي - في حالة تشابه حوض الأيبيزا مع الجولف
ودة سهل نتأكد منه ان شاء الله

تحياتي

-

-

-

الموضوع: استفسار عن تركيب موتور كوبرا في ابيزا 2009

LinkBack

أدوات الموضوع

عرض

استفسار عن تركيب موتور كوبرا في ابيزا 2009 - انشر الموضوع فى :

-

-

-

-

-

-

المواضيع المتشابهه

استفسار حول تسقيط موتور بولو اوتوماتيك - ابيزا 94

سيات تكشف عن ابيزا كوبرا 2013

استفسار عن ابيزا 94متسقطلها موتور 1600cc

اسطورة سيات القادمة كوبرا (الكونسبت كار بوكانيجرا..) و كذلك بعض صور ابيزا 2009

الكلمات الدلالية لهذا الموضوع

المفضلات

المفضلات

ضوابط المشاركة