الموضوع: خبطة رصيف في الياريس - تغيير عفشة كاملة

العربية ياريس أتوماتيك 2008 ومش عارفلها حل
اشتريتها واخدة حادثة من تحت طلعت فوق رصيف
اللي فهمته من منظرها من تحت إنه حصل الأتي

1- الجنوط اتعوجت
2- الكاوتش باظ
3- الخبطة جت في الأساس في القنطرة من ناحية اليمين تحت المقص
4- المساعد اليمين جاب زيت
5- الدركسيون لفاته يمين أقل من لفاته شمال بربع لفة
6- البلي خشن بس مش بيعمل صوت عالي أوي..خفيف

طيب المشكلة إيه: العربية بتترج جامد علي أي سرعة بداية من 10 كم/س
طيب أنا عملت ايه:

1- غيرت 2 مساعدين أمامي
2- غيرت بلي عجل أمامي
3- غيرت جنوط بجنوط سبور مستعملة
4- غير كاوتش بجديد يوكوهاما
5- مسحت الطنابير وغيرت التيل
6- عملت ترصيص وظبط زوايا

كل ده والمشكلة لسه قائمة

رحت التوكيل ..عملوا تقرير بالأتي
تغيير:
1- علبة دركسيون
2- قنطرة (مخبطة بس ومش باين عليها إنها متنية)
3- مقصات (مش باين عليها حاجة خالص)
4- جنوط (قال عشان مش الأصلي وعايزين يركبوا جنوط حديد مع ان الاسبور اللي ركبتها محفور عليها تويوتا)
5- قواعد موتور

رحت لميكانيكي قالي في الاول نغير كاوتش ولما غيرته والمشكلة زي ما هي قالي هنفك الأكس ونكشف عليه

حد يفيدني بقي أعمل ايه قبل ما أغير الحاجات الكتير دي ويطلع نفس العيب