الموضوع: تقرير مصور لصيانة 40,000 كم للألنترا md (الجزء الاول : المطار الكوري)

المشاركة الأصلية كتبت بواسطة Samir Elshahawy

أولا .. أنا بأشكرك جدا علي تواجدك الدائم معانا و ردودك اللي بتظهر قد أيه أنك أنسان محترم و ذو عقلية جديرة بالاحترام و التقدير و كان نفسي تشرفنا في مقابلتنا يوم الجمعة لكن طبعا انا مقدر الظروف اللي حضرتك شرحتها لي و أرجو أن تكون قد مرت علي خير

أنا بشكر حضرتك على الإطراء الكبير ده ... واللي لا اعتقد إني استحقه !!!
بصراحة أنا كان نفسي جداً أتشرف بالتعرف عليكم في المقابلة ولكن قدر الله ومشاء فعل ...
الحمد لله أنا تقريباً أقفلت كل جبهة من اللي فتحت , ولكن المشكلة إن كل يوم يطلع لي حاجة جديدة مكانتش على البال ... وربنا يسترها إن شاء الله ويصلح الحال ...

ثانيا . بالنسبة لصيانة ال 40,000 كم في التوكيل هي فعلا أكثر من كده بس مش كتير , هما بندين فقط اللي انا طلبت أنهم مايتعملوش , يعني تقدر تقول أن الصيانة دي تمت بناء علي طلب مني و برضه وفق كتالوج العربية و حالة العربية و ده هأشرحه بالتفصيل فيما يلي :


(1).. البوجيهات :
- حسب جدول الصيانة الموضوع في التوكيل بيتم تغيرها كل 20,000 كم
- في الكتالوج (اللي وضعاه شركة هيونداي) بيتم تغييرها كل (60 - 90) ألف كم حسب نوعها و حسب أداء المحرك

طبعا انا شايف أداء العربية بسم الله ماشاء الله جيد جدا و بتحقق السرعات المطلوبة و تسارعها جيد جدا بالمقارنة و هيا جديدة يبقي ليه أغير دلوقتي خاصة أن دي البوجيهات الاصلية اللي نازلة مع الموتور و مضمونة 100 %

أنا كنت ملتزم باللي التوكيل بيقوله وبغير البوجيهات على ال 20,000 كم , ولكن حصل من شهرين كده كنت بغير الزيت وقلت أبص على البوجيهات بالمرة للإطمئنان !!!
لقيت واحد بايظ ومكملش 14000 كم !!! , وده كان راكب في فرع قليوب ( خد بالك أنا معظم مشي العربية جوه البلد وده أنا بعتبره أقصى ظروف التشغيل !!! ) .
وطبعاً جبت طقم أصلي وركبته .

(2).. فلتر البنزين :
- حسب جدول الصيانة الموضوع في التوكيل بيتم تغيره كل 20,000 كم
- في الكتالوج (اللي وضعاه شركة هيونداي) بيتم تغييره كل (60 - 90) ألف كم حسب أداء المحرك

نفس الكلام .. اداء العربية و الحمد لله جيد جدا بالمقارنة و هي جديدة بالاضافة لذلك ..
لما غيرت الفلتر قبل كده في صيانة ال 20,000 كم طلع نظيف و بيلمع

أنا كان عندي المفروض يتغير على 30,000 كم وفعلاً لما غيرته كان طالع جديد .

في الجزء الثاني من تقرير الصيانة سأقوم بشرح الخطوات اللي باتبعها للحفاظ علي دورة الوقود نظيفة و الاجراءات المتبعة بعد كل صيانة دورية لتنظيف و تحسين دورة الوقود و المحافظة علي اداء المحرك

في إنتظار تقرير حضرتك إن شاء الله ...

تحياتي

مبروك الصيانه يا بشمهندس
وربنا يهدي غبور ويارب يكون بيعمل كده مع كل العملاء مش عشان التوصيه بس بصراحه واضح من الصور ان المركز نظيف
وايه العربيات الجامده دي اللي في الشورووم مبنشوفهاش في الشارع ليه

المشاركة الأصلية كتبت بواسطة mhkorayem

مبروك الصيانه يا بشمهندس
وربنا يهدي غبور ويارب يكون بيعمل كده مع كل العملاء مش عشان التوصيه بس بصراحه واضح من الصور ان المركز نظيف
وايه العربيات الجامده دي اللي في الشورووم مبنشوفهاش في الشارع ليه

بصراحة انا شوفت تعامل مهندسي الاستقبال مع باقي العملاء .. بجد حاجة تفرح
يعني مش أنا بس

و فيه برضه عميل تاني طلبوه و نزل شاف العربية في الورشة


أما العربيات اللي في الشو رووم :
- ألنترا كوبيه
- جينسيس سيدان
- جينسيس كوبيه
- أيكوس
- أي 30 كوبيه
- ألنترا md فئة أولي
- أكسنت أر بي هاتشباك

المشاركة الأصلية كتبت بواسطة ibnmoaz

مبروك يا باشمهندس وعقبال 400000 الف .....بس عندي سؤالين اﻻول ايه هو العيب اللي شافه مهندس اﻻستقبال في الفانوس اﻻمامي وقالك دا ﻻزم يتغير ؟
التاني ا(نا كنت غيرت علبة الدريكسيون في الضمان برضه بس من 2011 وحاسس انها دلوقتي محتاجه تغيير برضه الصوت بتاع الدب ده رجع بس على خفيف ) دا كان رغي جانبي سؤالي لسيادتك انا عارف ان حضرتك بترح الصيانه كل 15 الف على ما افتكر ان حضرتك قولت قبل كده ما عملوش قلق او محاوﻻت تنصل من الضمان بخصوص الموضوع ده ؟؟؟
شكرا مقدما

الفانوس كان فيه زي نقر خفيفة من فوق من عند الاشارات و انا كنت فاكرها من صنفرة الرمل بسبب سفري المتكرر علي طريق السويس , شكلها زي مايكون فيه حبات رمل داخل الفانوس
لكن أتضح أنها عيب و بيتم تغييره في الضمان

أما موضوع علبة الدريكسيون قالوا نفس الكلام أنها ممكن ترجع تاني و مش مضمونة أنها تختفي لكن ليس لها أي تأثير أو خطورة أطلاقا

موضوع أني كنت باعمل الصيانات كل 15,000 مش 10,000 للأسف لم يحدث
أنا كنت ناوي أطبق النظام ده من صيانة ال 30,000 كم و فعلا غيرت الزيت بزيت فالفولين كي يتم تغييره كل 15,000 كم مع الصيانة و لكن حدثت مشكلة علبة الدريكسيون فأضطريت أني أدخل العربية صيانة ال 40,000 كم

و هأكلمكوا بصراحة ..
أنا تراجعت عن القرار ده و حتي عدلت برنامج الصيانة اللي أنا عامله للعربية بعد الصيانة الاخيرة و ناوي ارجع أمشي الصيانات كل 10,000 كم أفضل بس الفكرة أني مش بامشي علي بنود الصيانة اللي واضعها التوكيل و لكن بامشي علي بنود الصيانة وفق كتالوج العربية و علي حسب حالتها و أدائها

ألف مبروك يا باشمهندس علي الصيانه
بالنسبه لغبور و تعامله مع الضمان فهو تقريبا عمرهم ما رفضو تغيير قطعه في الضمان مهما كان العيب بسيط
أما التكلفه فهي طبعا غاليه جدا (دي صيانة مراجعات) ...لكن في المقابل الضمان ياخد 10/10
أما ما يخص البوجيهات و الفلاتر و خلافه فأرجو حضرتك متعتمدش علي جدول الصيانة الخاص بالشركه الأم ... لأن ظروف التشغيل عندنا غير قياسيه بالمره بل هي ظروف قاسيه جدا ... فلتر الزيت و الزيت ميستحملوش 10000 كم بسبب البنزين السئ جدا و الهوا و درجات الحراره العاليه و كذلك فلاتر الهوا و بالطبع فلتر البنزين
بالتوفيق و تتم أجزاء التقرير علي خير

المشاركة الأصلية كتبت بواسطة hossam_elwani

ياراجل مش للدرجه دى

اومال فى الخليج يتقال على الاستخدام ايه !!!!!!!!!

إستخدام ممتاز بالنسبه لنا
بنزين ممتاز
صيانات و قطع غيار أصليه
طرق ممهده و مفيش زحمه
عندنا العكس
كل اللي عندهم درجات حراره مرتفعه فقط لا غير و دي محلوله بإن العربيات بتبقي مجهزه و مطابقه لمواصفاتهم