الموضوع: فبرة كونتكت ابيزا 2000 باظت

هو الى بيحصل بالضبط يا صديقي ان حضرتك هتفك الطارة خالص من المشرشر بتعها ، وتفك كافر القطمة الى تحت ده بالنسبة للموديل بتاعى مش عارف عندك اية النظام الكافر حته واحدة ولا اية ، وبعد كده بتركب الزرجينة على الزور بتاع القطمة (الكونتاكت ) وبتحصل الكونتاكت كله فى ايدك وبمفتاح صغير اوى كده مش فاكر رقمه كام بتفكها وتحط الجديدة وترجع كل حاجة زي ما كانت ، وقبل ما تركب ابقى جرب دور من الفبره عن طريق مفك عادة صغير حطه فى الفبرة بعد ما توصلها فى الضفيرة ولف المفك اكنه مفتاح هتلاقى العربية بتدور يبقى كده كله تمام وركب كل حاجة تانى .

ده الى حصل بالضبط قدامى فى عربيتى .

بالتوفيق يا صديقي وربنا يعينك ويوفقك فى شغلك .

انا اسف يا باشا على عدم ردي انا والله ما كنت موجود فى القاهرة الاسبوع الى فات ده كله .

انا مش عارف الوضع عندك زي عندى ولا لأ بس عندى لازم نفك الطارة وفورنا الكونتاكت ، يا ريت تقولنا وصلت لاية يا باشا