انطباع ما بعد التليين و السفر بالاكسنت rb و اسئلة

**matantawy** · 07-05-2013 12:57 AM

كنت استفسرت من فترة بخصوص السفر فى فترة التليين هنا http://www.nilemotors.net/Nile/353742-a.html و انا لسه راجع من 3 ايام سفر و العداد وصل لحوالى 1200 كيلو يعنى التليين خلص و جريت بيها حبة كمان ف قلت اشارككم انطباعى عن العربية فى الفترة دى و بالذات على طريق اسكندرية الصحراوى

و انا مسافر كانت عاملة حوالى 600 كيلو و التزمت ب RPM 3000 و ده بيوصل العربية لسرعة 130 او 140 كمان اما يبقى الطريق مفتوح و تسيبها العربية تاخد وقتها فى التسارع من غير حرق و كله و انا محافظ على لمبة الECO منورة
سؤال:لمبة الECO بتطفى اول معدى 130، ده كده عادى؟ مهما كانت دوستى اللمبة بتبقى مطفية

العربية ثباتها معقول، بحس بالهوا لو جامد او عديت جمب مقطورة بس مش بلاقى نفسى اتطوحت يعنى لأ خالص مجرد شعور لا يستدعى اعادة توجيه العربية حتى

تسارع محترم و لو انى مجربتش عربيات كتير بس محستهاش تقيلة بعنى لأ اما كنت بحرق بعد ال1000 كيلو تليين كانت بتستجيب و تطير من جمب كل من تسوّل له نفسه انه يعمل عليا حركتين من اياهم

بخصوص المساعدين، انا مغيرتهمش لسه طبعا و هغيرهم ان شاء الله بس بصراحة محستهاش واطية ولا حسيتها فيها مشكلة معايا مع انى ساعات مش بهدى اوى على المطبات، و حصل مرتين انى حسيت بالمساعدين انضغطوا لدرجة ان الكاوتشة اللى فى السوست وصلت لقاع السوست و ده كنت قرأت عنه فى مشاركة بس مش فاكرها بصراحة

التكييف ممتاز ما شاء الله، العزل معقول، الموتور صوته مش بيبان اوى غير وقت الحرق

بعد ال1000 كيلو لقيت الطريق مفتوح و فاضى شوية قمت دايس شوية لاقيتها جابت 180 و محستهاش ريشة زى ما البعض قالوا بس طبعا ده عشان ماشى فى خط مستقيم انما غرز على 180 و الكلام ده مظنش هتبقى ثابتة

غرز على 140 عادى جدا العربية ثابتة و مش بتحدف ولا اى حاجة الحمد لله

استهلاك البنزين من كمبيوتر العربية شخصيا كان 7.3L/100KM و ده داخل فيه شوية زحمة فى اول الطريق من اسكندرية للقاهرة و شوية حرق بعد ما عديت ال1000 بس متوقع الرقم ده يعلى ل 10 على الاقل داخل المدينة للأسف

سؤال اخير: و انا راجع كنت ساعات بحس برجرجة على 130~150 بس مش دايما، و اما جبت 180 محستش بالرجرجة دى، اكشف ظبط زوايا و اتزان ولا ده مجرد عيب سفلته؟ الرجرجة كانت فى العربية و الدريكسيون على فكرة !
معلومة كمان، انا قبل ما اسافر لحمت كاوتشة شمال خلفى عشان كان فيها مسمار -يا ناس يا شر كفاية قر! دى مكانتش كملت 1000 كيلو حتى!!- ف طبعا بعد اللحام ظبط اتزان تانى للكاوتشة دى، بس انا مكنتش بحس برجرجة و انا مسافر من القاهرة للأسكندرية، حستها و انا راجع !

اخيرا، العربية الحمد لله مريحانى جدا جدا و حاسس انها تستاهل اللى دفعته فيها و هنصح بيها اى حد يسألنى!
مشكلتها معايا لحد دلوقتى ابعادها، اما بركنها ببقى ولا اسوأ واحدة ست بتركن لو مفيش حد معايا بتضطر انزل اشوف بنفسى فاضل قد ايه و الرصيف عالى ولا واطى و الكلام ده

**john55** · 07-05-2013 01:15 AM

هي فعلا ابعادها صعبه في الاول لحد ماتاخد عليها انا ساعات في الاول كانت المدام بتنزل لما اجي اركن وتساعدني لحد ما اتعودت علي الابعاد كان نفسي اركب ستسور بارك لكن في التوكيل رفض علشان ضمان الكهرباء وبلنسبه للمساعدين غيرهم هتحس بفرق جامد في الثبات وممكن حضرتك علشان محدش ركب معاك في الكنبه فمشحاسس بهبوط العربيه من الخلف مع الاوزان واستهلاك البنزين جميل جدا في فرق طبعا مابين الطرق المفتوحه والزحمه وربنا يسعدك بيها وتكون وش السعد عليك وتبعد العين عنك وشكرا

**Samir Elshahawy** · 07-05-2013 12:00 PM

المشاركة الأصلية كتبت بواسطة matantawy

سؤال:لمبة الeco بتطفى اول معدى 130، ده كده عادى؟ مهما كانت دوستى اللمبة بتبقى مطفية
في الالنترا بتطفي عند 138 كم/س و ده لأنك كده بتكون عديت السرعة الاقتصادية
طبعا مع فرق الهورس باور بين العربيتين يبقي انها تطفي عند 130 كم/س في الاكسنت ده شئ طبيعي
و لو جربت تجيب شاشة الكمبيوتر علي الاستهلاك اللحظي هاتلاقي فعلا الاستهلاك بيعلي عن ال 7 لتر / 100 كم و ممكن يوصل ل 10 كمان

بخصوص المساعدين، انا مغيرتهمش لسه طبعا و هغيرهم ان شاء الله بس بصراحة محستهاش واطية ولا حسيتها فيها مشكلة معايا مع انى ساعات مش بهدى اوى على المطبات، و حصل مرتين انى حسيت بالمساعدين انضغطوا لدرجة ان الكاوتشة اللى فى السوست وصلت لقاع السوست و ده كنت قرأت عنه فى مشاركة بس مش فاكرها بصراحة
العربية موديل 2013 , صح ؟
أعتقد مش محتاج تغيير مساعدين , لكن عموما و أنت في صيانة ال 1,000 كم بلغهم لو فيه أي ملاحظات و شوف هايقولوا لك أيه لأني سألت علي فكرة في التوكيل و قالوا ماظهرش لحد دلوقتي مشكلة بالنسبة لموديل 2013

سؤال اخير: و انا راجع كنت ساعات بحس برجرجة على 130~150 بس مش دايما، و اما جبت 180 محستش بالرجرجة دى، اكشف ظبط زوايا و اتزان ولا ده مجرد عيب سفلته؟ الرجرجة كانت فى العربية و الدريكسيون على فكرة !

معلومة كمان، انا قبل ما اسافر لحمت كاوتشة شمال خلفى عشان كان فيها مسمار -يا ناس يا شر كفاية قر! دى مكانتش كملت 1000 كيلو حتى!!- ف طبعا بعد اللحام ظبط اتزان تانى للكاوتشة دى، بس انا مكنتش بحس برجرجة و انا مسافر من القاهرة للأسكندرية، حستها و انا راجع !

أكشف علي الكاوتش في بريدجستون يمكن محتاج ترصيص , ممكن تكون و انت بتركن حكيت في رصيف أو لما أتلحمت الفردة فيه رصاصة وقعت

مشكلتها معايا لحد دلوقتى ابعادها، اما بركنها ببقى ولا اسوأ واحدة ست بتركن

لو مفيش حد معايا بتضطر انزل اشوف بنفسى فاضل قد ايه و الرصيف عالى ولا واطى و الكلام ده
قدامك حل من 2 :
- يا أما تركب باركينج سنسور امامي و خلفي
- يا أما تركب كاميرات امامية و خلفية
و دي هاتساعدك جدا في الركنة

عموما ربنا يبارك لك فيها و يحفظها لك من كل شر و كل سوء و يكفيك شرها و شر الطريق و العين

**matantawy** · 07-05-2013 01:25 PM

المشاركة الأصلية كتبت بواسطة john55

هي فعلا ابعادها صعبه في الاول لحد ماتاخد عليها انا ساعات في الاول كانت المدام بتنزل لما اجي اركن وتساعدني لحد ما اتعودت علي الابعاد كان نفسي اركب ستسور بارك لكن في التوكيل رفض علشان ضمان الكهرباء وبلنسبه للمساعدين غيرهم هتحس بفرق جامد في الثبات وممكن حضرتك علشان محدش ركب معاك في الكنبه فمشحاسس بهبوط العربيه من الخلف مع الاوزان واستهلاك البنزين جميل جدا في فرق طبعا مابين الطرق المفتوحه والزحمه وربنا يسعدك بيها وتكون وش السعد عليك وتبعد العين عنك وشكرا

اه فعلا التوكيل هيخرجها من الضمان بتاع الكهرباء، حاجة تقرف يعنى لا بيوفروا الحاجات دى ولا بيسيبو الناس تركبها !!

هطلب تغيرهم فى صيانة ال1000 ان شاء الله
الله يكرم حضرتك و امين يا رب

**matantawy** · 07-05-2013 01:38 PM

المشاركة الأصلية كتبت بواسطة Samir Elshahawy

عموما ربنا يبارك لك فيها و يحفظها لك من كل شر و كل سوء و يكفيك شرها و شر الطريق و العين

اه موديل 2013، اما اروح التوكيل هسأل بقى مع انى اما سألت و انا بعمل صيانة 5000 مم i10 قالولى حتى ال2013 بنغيرهم فيها

ماشى هكشف على الكاوتش برضه للإطمئنان

هحاول اركن من غير حساسات عشان مش عاوز لعب فى الكهرباء بس لو لقيتها صعبة لسه برضه هركب و خلاص و طظ فى غبور شخصيا

**amagroup** · 08-05-2013 10:24 AM

هتحس بفرق كمان بعد 5000
عربيه تانيه بسم الله ما شاء الله

**matantawy** · 08-05-2013 11:13 AM

المشاركة الأصلية كتبت بواسطة amagroup

هتحس بفرق كمان بعد 5000
عربيه تانيه بسم الله ما شاء الله

العربية ممتعة جدا الحمد لله، ربنا يحفظهالنا يا رب

**S O P H O S** · 09-05-2013 06:38 PM

ما شاء الله
ربنا يبارك

**matantawy** · 09-05-2013 08:04 PM

المشاركة الأصلية كتبت بواسطة S O P H O S

ما شاء الله
ربنا يبارك

امين يا رب

الموضوع: انطباع ما بعد التليين و السفر بالاكسنت rb و اسئلة

LinkBack

أدوات الموضوع

عرض

انطباع ما بعد التليين و السفر بالاكسنت rb و اسئلة - انشر الموضوع فى :

-

-

-

-

-

-

المواضيع المتشابهه

سؤال بخصوص السفر فى فترة التليين

السفر أثناء التليين

عملت حادثه بالاكسنت افيدوني

انطباع مبدئى عن نيوسيراتو

ايه انطباع الناس عنك ؟؟

الكلمات الدلالية لهذا الموضوع

المفضلات

المفضلات

ضوابط المشاركة