الموضوع: استفسار صيانة 60 الف جين 2

المشاركة الأصلية كتبت بواسطة biankonary

السلام عليكم
انا كنت عملت حادثة بالعربية جامدة والحمدالله على كل شىء وخلاص ظبطت كسمكرة والمفروض انى اعملها صيانة 60 الف وعندى كام سؤال لاعضاء نايل موتورز الكرام

1- انا عايز مكان كويس وبيشتغل فى الجين 2 اعمل عنده الصيانة ويفضل يبقى فى مدينة نصر او مصر الجديدة بعيدا عن المراكز المعتمدة لانى خلصت الضمان خلاص وبعد الحادثة مش مستعد ادفع مصنعيات ضخمة لمراكز الخدمة على الفاضى فانا عايز حد شغل نضيف والناس تكون اتعاملت معاه قبل كده بعيدا بقى عن مركز عصام وصفا

2- انا المفروض هغير الاتى فى الصيانة وهجيب الحاجة دى من شارع دمشق من المدينة او مكة
سير كاتينة
بلى كاتينة
سيور مجموعة
فلتر بنزين ( هل فى نوع معين يفضل اجيبه ومنين ؟)
فلتر زيت
فلتر هواء ( هل فى نوع معين يفضل اجيبه ومنين ؟)
بوجيهات ( هل فى نوع معين يفضل اجيبه ومنين ؟)

اللى عايز اعرفه هل الحاجات اللى زى سير الكاتينة وبلى الكاتينة وسيور المجموعة اللى بتتباع فى المدينة ومكة فى شارع دمشق زى الاصلية بالظبط اللى بتتباع فى التوكيل زى مابيقولوا ولا لاء لان ناس كتيرة بتقول دول فى التوكيل افضل بس انا نويت اجيبهم من المدينة او مكة ان شاء الله لان فى التوكيل اغلى على الفاضى وانا تجاربى مع التوكيل مش كويسة قبل كده


3- هل فى حاجة تانى ممكن احتاج اغيرها فى صيانة 60 الف خصوصا لو ضميت معاها صيانة الـ 70 الف بالمرة ؟؟

4- من اثار الحادثة ان الباركينج سينسور باظ هل فى نوع معين الناس تنصحنى بيه اجيبه ؟ وموجود فين وبكام ؟

5- مصنعيات الصيانة ممكن تتكلف فى حدود كام لو برة مراكز الخدمة او عند الناس اللى هتنصحونى بيهم مع العلم انى ان شاء الله انا اللى هجيب كافة قطع الغيار المطلوبة

واسف على الاطالة ومنتظر كرم الاعضاء فى الاستجابة

الأول حمدلله علي سلامتك وسلامة العربية..

أنا دايماً بيبقي رأيي في تغيير سير الكاتينة بالذات تعمله ف التوكيل,
لأن لو ميكانيكي برة خلف ف ظبط التوقيت العربية هتجيب موتور منك.!

ولو أتعمل وحش في التوكيل وحصل حاجة لقدر الله, تقدر ترجع لهم بالفاتورة اللي معاك وتشتكيهم كمان لأنهم توكيل وهتتعملك كل الأصلاحات لو حصل عيب من عندهم في حاجة زي دي.

أما لو عملتها برة, وكان الميكانيكي مش أمين ولا فاهم وفي بقة سجارة وبيقولك يا أفندي ويابيه والنوع دا, وحصل منه خطأ وهوا شغال والعربية جابت موتور هتبقي التكلفة عالية بعد كدا في الأصلاح عليك بعد ما كنت عايز توفر..!

ممكن تعمل سير الكاتينة والبلي بس في التوكيل, وتاخد القديم معاك والفاتورة عشان تتأكد أنو أتغير لك بأصلي وكلو تمام وعشان متبقاش قلقان من السير اللي هتشتريه من السوق, هيبقي أغلي شوية بس دا روح العربية وهتبقي ضامن أنها الحاجة الأصلية وزي ما قلنا لو حصل عيب بعد كدا لاقدر الله ف وشهم, اما لو عملته برة فأنت مع نفسك. ممكن من أول صيانة ال 120 الف إن شاء الله تبدأ تعملها برة..

وباقي الحاجات زي سير المجموعة والزيوت والسينسور اللي ورا أمرهم سهل يتعملو عند أي حد فاهم وكويس ومش مستاهلة توكيل بالمرة..

في حاجة أخير لو التوكيل فعلاً سئ زي مانت بتقول ومش عايز تروح له, في واحد هنا كان عامل عربيتة عند واحد ممتاز جداً كان شغال ف توكيل بروتون سوريا ممكن تبقي تبص علي موضوعة وتاخد فكرة عنه لو حبيت تروح له.
http://www.nilemotors.net/Nile/319613-1400.html

براحة عال راجل ياعم ميدو. الراجل عايز يوفر. زيه زي اي حد فينا
مع العلم ان في مراكز خدمة والتوكيل ذات نفسه بيكون ساعات عنده قطع غيار مش أصلية. ودا حصل معايافي موقف لما اشتريت قاعدة الاكصدام الامامي منهم مكنتش اصلية واتكسرت وهيا بتركب لانها صعبفة جدا. علي عكس الاستيراد فكيناها وركبناها تلات مرات وماشاء الله زي مايها.

ومش معني كدا ان الي برة ملايكة. بس الحاجة اللي ممكن تضر بالموتور والعربية زي سير الكاتينة نعملها ف التوكيل عشان هيبقي ليها ضمان وأضمن تعمل هناك وهتبقي ف وشهم.

اما باقي الكلام زي التيل وفلاتر الهوا والزيت والتكيف وزيت الفرامل والكلام دا ممكن يتعمل عند حد برة يكون أمين وهتكون واقف علي ايديه وتجيب الحاجة من عند تاجر سمعته كويسة وشغال ف الاصلي بس.

كدا يبقي انت عملت نفس الشغل بتكلفة اقل وساعات بيكون ف صنايعية برة شغلهم انضف من التوكيل لان ف التوكيل انت مش بتبقي شايف العربية وكتير من المهندسين ف التوكيل بيتعاملو مع العربية علي انها كلبة.!
اللي تلاقيه طالع يجري بيها من جوا او داخل بيها يجري. واللي بيرزع الباب واللي ايدية تقيلة عال كونتاك وهوا بيدور العربية واللي بيضرب فرامل مرة واحدة لما بيجي يقف وهوا طالع بدون داعي. اكنها عربيتهم وانك محتاجلهم واكنها مش عربيتك ولا مدفوع فيها فلوس من دم قلبك.