الموضوع: تكرار سيناريو فرامل الفيرنا والحل يا رجالة !!!

صباح الخير ياشباب

دلوقتي اولا باركولي عالفيرنا الجديدة بتاعتي ( مو 2009 مانيوال 1600 نبيتي راشة حزام بس ماشية 82 وخلصت على 52.5 ج )
ايه رأيكم ؟؟

ثانيا كام ملاحظة عايز رأيكم ومش محتاج طبعا ثقة في انكم هتدلوني عالصح كالعادة

طبعا ماشاء الله العربية سحبها روعة بعد تجربة شاهين طويييلة وحبة اوكتافيا A5
لكن فراملها بقى سييييييئة جدا مقارنة بA5
انا عارف طبعا الفرق بس احساس وحش لما تتعود عال Abs وترجع للزحف تاني
المهم هيا فرملة كويس عالسرعات البطيئة لكن المشكلة في زحف قدام وورا مبحسش العجلتين فيهم فرامل توك توك حتى
مبيمسكوش نهائي مع العلم ان فرامل اليد مش وحشة يعني
انا عاوز حل بسيط مش مكلف لان انا اعرف ان الحل هو تغير الطنابير بديسكات بس مفيش ميزانية تماما
هل في حل مثل زي تغيير بلف الفرامل اللي بيوصل مواسير الزيت مع خراطيم الماستر لكل عجلة زي اللي في الموضوع ده http://masr*motors.com/vb/showthread.php?t=99055
؟؟؟ (معلش خدو اللينك كوبي وبيست بس شيلو النجمة اللي بين مصر وبين موتورز ودوس انتر )

هل حد مجرب حل كويس يظبط اللي ورا بس عشان يتساوو مع اللي قدام ؟؟؟

ثالثا ملاحظة ان التكييف بيخلي العربية تكركر شوية لو طالع من مطب مثلا عالتاني
هل طبيعي ؟؟

رابعا البور بتاع العربية انا حاسس انه خشن يعني جربت النوبيرا وكانت ناااااعمة قوي اوي وبعدا الاوكتافيا وبعدها اللانسر بومة بس الفيرنا اخشن منهم كلهم
هل برضو طبيعي ؟؟؟

معلش طولت عليكم
مستني ردودكم ان شاء الله

طيب بالنسبية للروتيشن
هبدل اللي قدام ورا اوك
لكن اليمين شمال ازاي ؟؟
مش كل عجله ليها اتجاه دوران واحد ؟؟ لان في الحالة دي هيتعكس اتجاه دورانها
اما بالنسبة للبطارية فهيا مش جديدة اوي لكن كويسة
حضرتك شاكك تكون هيا ليها علاقة بالتكييف ؟؟؟