الموضوع: سؤال هام فى التجديد والفحص

بالضبط زي ما انت فهمت

الأفضل انك تستنى وتروح لما الترخيص يخلص أو في نفس الشهر .. عشان تقدر تجدد وتأمن لمدة ثلاث سنوات

بس خد بالك من حاجة لو هاتنقل العربية من مرور لمرور آخر ... يبقى في جميع الأحوال بتاخد تصريح مؤقت تمشي بيه لمدة 6 أشهر لغاية ما الورق بتاعها ييجي من المرور القديم

يعني بتجدد وترخص وتأمن لمدة ثلاث سنوات لكن في الآخر بتاخد تصريح مؤقت لمدة 6 شهور ولما الورق بييجي بتروح تغيره بالرخصة بس كدة

طيب تمام كده..انا بجدد لعربيتى فنفس المرور
بس ليا استفسار هام
كده انا ممكن اجدد وارخص 3 سنين مفيش مشكله
طب الفحص عندى 2014 كده هيحصل ايه؟؟
هيروح عليا السنه دى؟؟ولا هينضاف عليها سنتين كمان عشان يبقى معاد الفحص 2016 مع معاد تجديد الرخصه 2016 بردو؟؟
النقطة دى مهمة اوى ليا

بصراحة مش متأكد ...

بس يا إما هاترخص سنة واحد لغاية ميعاد الفحص القادم

يا إما تفحص من أول وجديد وانت بترخص بحيث إنك تاخد ثلاث سنوات فحص جديدة من تاريخ الفحص الجديد

اشكرك استاذى العزيز لمجهودك معى
انا لما هروح وقبل ما ادفع اى مليم هسئل الاول واشوف الدنيا ايه وربنا يسهل