سلام عليكم عايز اعرف اضل نوع تيل ممكن يركب للوجان السعر والنوع
عرض للطباعة
سلام عليكم عايز اعرف اضل نوع تيل ممكن يركب للوجان السعر والنوع
أنا ركبت تيل اسمه Valeo اسباني بأشتريه من عند الوشاحي بحوالي 160 جنيه
بس تيل محترم و بيعيش
فيه تيل تاني برده أسباني إسمه ريمسا الأصلي منه بحوالي 150
الف شكر ياجماعة هروح اسال انهاردة فى صلاح الدين
في صلاح الدين اللي بيبيعوا حاجات رينو بيكونوا بعد الإشارة, فيه 3 محلات جنب بعض أولهم "سيف و لي لي"
و لو مشوار صلاح الدين بعيد عليك ممكن تسأل عند الوشاحي في محطة الرمل ورا سينما مترو و ده موزع معتمد من التوكيل,
و فيه واحد اسمه جوهر في الأزاريطة أول شارع يمين بعد ما تعدي تقاطع شارع سوتر مع الترام,
و فيه في فلمنج اتنين جنب بعض على الترام "الشراقي" و "المدينة المنورة"
الناس بتشكر فى الريمسا اوى 160 جنيه بس الاصلى عشان فيه مضروب وناس بتقول على الفاليو زباله ولما كنت فى التوكيل المهندس قالى جرب اغلى تيل فى السوق وشوف الطمبوره هتعمل ايه بعد 5000 الاف كيلو (قصده هتبوظ)
الف شكر ياجماعة امبارح روحت جبت تيل اسبانى من عند الوشاحى عمل 200 جنية وتم عمل خرط للطنابير عشان كانت اتجرحت والحمد لللة الدنيا بقت تمام انا سمعت وشوفت انواع كتيرة من 90 جنية للتيل الى 200 من صينى وبولندى واستثمارى وكلة يقولك دة احلى تيل قولت خلينى فى المضمون بعد الى حصل للطنابير وروحت للوشاحى قالى الاصلى بتاع العربية عامل 300 وفية اسبنى عندة عامل 175 والى جبتة نوع تانى عامل 200 وسالت فى التوكيل قالى التيل 281 من غير الضريبة فقولت انا لو روحت للتوكيل هيغيير كمان الطنابير وحوار بقى فعملتها برة احسن
انا جبت الريمسا ب 100 جنيه الراجل قالي ده الاصلي وبتاع قولتله ميهمنيش الفلوس المهم يكون كويس قالي ده احسن حاجة في السوق المهم ركبته ومن ساعتها والعربية تقريبا مفيهاش فرامل عايز اشتري تيل تاني بس عايز نوع مضمون ومحل يكون مضمون في مدينة نصر او مصر الجديدة وخلي بالكو يا رجالة من موضوع المضروب ده علشان متلبسوش زي وفكروني احكيلكو معاناتي مع التوكيل علي مدار سنتين ونص في موضوع الفرامل ده وبجد وعن تجربة فرع المقطم مبيفهموش اي حاجة واكتشفت ان ابو رواش زيهم لانهم قالولي علي التيل الي انا مركبه ده كويس مش عارف ازاي بص حد يرد عليا في موضوع التيل ده يا وحوش عايز محل ضروري وماركة مضمونة
الأصلى فرنساوى 300 جنيه
ومكمل حتى الأن 30 ألف ولسه شغال تمام
طيب ايه أفضل نوع تيل بعد الاصلي ؟؟ اصل 300 جنيه ده كتير أوي
أنا عن نفسى جبت ريمسا بـ 120 جنيه وشغال كويس بقاله 4 شهور
[size="4"][/sizeانا ركبت الاسبانى ف فرنش موتورز وبرده بيصفر ياجدعان ورحوحت ونضفه وبرده بعد فترة بدأ يعمل تانى لو سمحت منين اجيب الاصلى الفرنساوى واركبه ف القاهرة
عندى تيل ريمسا كنت شاريه من ش دمشق أصلى
وبعد حادثة السيارة اللى دمرت فيها لو حد عايز يشتريه لأنه مالوش لازمة دلوقتى عندى
انا جبت تيل امامى ريمسا 125 جم من التوفيقية بس الحمد لله تمام عربية لوجان مانيوال
انا جبت الاصلي بتاع العربية رينو تركي ب 120 جنية الي اساسا راكب في العربية
وللهى انا اتصلت بواحد فى صقر قريش والراجل عنده حاجة اسبانى بى 150 وقى عنده الفليو الاصلى ب170 جنيه وانا محتار اخلى ولدى يركب انهى يا ريت يا جماعة الخير دلونى عشان ابويا معاه للوجان وايده طرشه ممكن يدلعنى لو التيل طلع وحش
اهم حاجة ياجماعة ان التيل النضيف قوي لما تيجي تشمة ريحته تبقي عاملة زي زفارة السمك !!! ده بجد والله ده بقي التيل النضيف واهم حاجة ما يكونش ناشف علشان الطمبورة ما تتكلش