بفكر بإذن الله أطلع مطروح اسبوع .
أرجو الى جرب مكان كويس هناك يقول .
عاوز اعرف الأماكن ولو ممكن الأسعار .
عرض للطباعة
بفكر بإذن الله أطلع مطروح اسبوع .
أرجو الى جرب مكان كويس هناك يقول .
عاوز اعرف الأماكن ولو ممكن الأسعار .
لو هتطلع خلال مايو يبقى تروح علطول وهتلاقي شقق كتييير وعالبحر كمان واسعار كويسة
انا من سنتين كنت قاعد عالبحر ناحية رومل ( شرق المحافظة) هي منطقة هادية أوي وكانت عمارة لسة متشطبة وشقة عالبحر غرفتين ب 220 الليلة وكانت جديدة تماما
انا بحب لما اروح هناك انزل فى قرية اندلسية علشان الالعاب المائية و فيه ركنه للعربية كمان و الاسعار حسب الوقت اللى انت طالعه
لو تحب
أديك رقم جوزأختي؟؟
هو ساكن هناك..هو مدرس
وعنده تاكسي هناك
فاكيد يعرف الليلة كلها
؟؟
شكرا لكم يا شباب .
مستنى التليفون يا أحمد فى رسالة الله يكرمك .
يا ريت لو عرفت حاجه عن الاسعار تقولى لانى عايز اروح انا كمان.
هناك اسعار الشقق تتراوح من 90 الى 200 جنيه حسب مساحتها و بتشوف البحر ولا لا
لو عايز شقه مش فارق معاك البحر اوى لانك مش هتقعد فيها فى شقق ب 100 فى اليوم
انا كنت هناك فى شهر 12 الى فات اجرت شقه بـ 90 فى اليوم و كانت نضيقه
بس اهم حاجه لما تروح لازم تزور الشواطى كلها و مصيف سعيد ان شاء الله
ياريت حد يقولنا نأجر فى أى منطقة (شاطئ) تكون أفضل من حيث الموقع والنظافة والشاطئ
وايه الخروجات فى مطروح
ولو حد معاه رقم سمسار يكون كويس يبقى تمام وخصوصا لو حد قعد فى شقة نظيفة وتكون على البحر (مباشرة) يبقى نقول للسمسار عاوزين الشقة دى على طول
هل لو نزلنا بالباص من غير ما نحجز حيكون الموضوع متعب لحد ما نلاقى شقة
شكرا لكم جميعا
افضل مكان تنزل فيه قرية اندلسية خصوصا لو مع العيلة وفية اولاد ..الاسعار حسب الوقت ..بس مش هتزيد عن 200 جنية فى اليوم للشالية وفى العاب مائية وحمامات سباحة ادام كل مجموعة شاليهات..تبعد عن وسط البلد حوالى 5 دقايق بالعربية ..بس مطروح فى شهر 6 بيكون الجو احسن عشان دلوقتى ممكن تلاقى الجو برد شوية بالليل..الخروجات فى مطروح عبارة عن سينما والكورنيش بالليل ومجموعات كافيهات ومطاعم وملاهي كدة شعبية وساعات على ما افتكر بيكون فى سيرك ..بس هية الميزة فى شواطئ كتير وكويسة ..افضلهم على ما افتكر بتاع القوات المسلحة ودة شاطئ خاص بس بتدخل بتذاكر
مصيف مطروح أكثر من رائع ..ولو معاك عربية يبقى افضل ..جميع شواطئها رائعة وخلابه ..1- شاطئ الغرام على بعد حوالى 5 كم غربا ..2- شاطئ الأبيض على بعد حوالى 10 غربا وياريت تدخل نادى القوات المسلحة هناك نظافة وأمان واحترام وكمان ةرخيص .....3- شاطئ عجيبه وهو اسم على مسمى ويبعد حوالى 15 كم غربا ,,والطريق المؤدى الى جميع هذه الشواطى طريق واحد ومايتوهش خالص ..بس لازم يوم لكل شاطئ ..وأتمنى لك مصيف سعيد ان شاء الله ,,وابقى احكى لنا ...نسيت أقول لك بالليل اعتقد مفيش غير شارع الأسكندرية هتلاقى فيه كل حاجة ..عيب المدينه دى الوحيد ان مافيهاش ملاهى للأطفال كويسة علشان بالليل ...ونصيحة هامه ..اوعى تاكل هناك فى بيتزاهت منتهى الأستهبال وعدم الجوده وبيبيعوا لك هناك الهوا والمياه ...
متابع باهتمام و عايز اعرف القرى السياحية اللي عالبحر لاني عايز انزل اسبوع او ١٠ ايام في قرية يكون الشاطئ بتاعها حلو و اسعارها معقوله
بالنسبة لقرية اندلسية فيها مواصلات منها الي مدينة مطروح ولا لا
يعنى أنتو رأيكو اروح أأجر شالية على البحر ولا أنزل على فندق (مثلا البوسيت) .