http://www.imgall.org/images/770_2i89i7n.gif
عرض للطباعة
شكرا لاجمل بشمهندس طارق وانا لي استفسار صغير كنت عايز اعرف اسعار الاكصدام الامامي و الخلفي للماتسوبيشي الشاكل الجديد والكشافات الاماميه و الخلفيه والمرايات واسعار الفلاتر و كنت عاوز توضيح كنت حضرتك كاتب صيانه الاربعين مافيهاش تغير سير كاتينه هو في الشكل الجديد سير الكاتينه حديد زي مثلا بيجو 504 و لو جلد تمنه كام و بيتغير علي كام كيلو
ثانيا انا اريد ان اشتري الشكل الجديد الكامل من الداخل بس مانويل يعني ازاز و سنتر الكامليات العاديه و مانويل و من هنا اسمع ان المانويل في الموديل ده بيجيب ديسك و اسطوانه علطول وحاجه كامان انا اسمع ان الموديل ده كان في عيوب في العافشه واركز علي النقطيتين دول مع العلم اني ساكن من الشرقيه و الطريق صعب جدا
ثالثا ماهي اعلي التجهيزات في المانويل و اريد اسعار المانويل بكل انواعها و ماهو موضوع اقلام اللون و من اين اشتريه
شكرا يا استاز طارق علي النصيحه الغاليه التي سوف تنصحها بي ولكني ارجو منك الشرح المفسر بكل شئ من فضلك فأنا اريد ان اقني هزه العربيه عمر طويل بأزن الله تعالي فأريد ان اعرف العيوب و المميزات لانك تعرف اننا طافحين الكوته وكمان ماحدش جابها يقدر ينصحني من قلبه و ربنا نجدني بيك و عز الاخوه يا استاز طارق لو تسمح طبعا وخايف و انت عارف ان تمنها بأه يعدي120 جنيه مصر اسف علي الاطاله و شكرا للجميع ا
العضو الجديد اخوكم سيمون:vctry::k4:
لو تسمح زياده يا استاز طارق هل يوجد في المانويل اير باجز و هل يوجد فيها abs abd نظام الامان في الفرامل
أهلا يا استاذ سيمون
بخصوص اللانسر الشارك المانوال فاسعارها كالتالي
اللانسر 1500 EX (الشارك)
- GLX مانوال 2008 : 119000 جنيه
- GLX أوتوماتيك 2009 : 135000 جنيه الكماليات :
تكييف - باور ستيرنج - سنتر لوك مع ريموت كنترول - ايموبيليزر - زجاج كهرباء - مرايات كهرباء - عفشة خدمة شاقة - راديو كاسيت و 4 سماعات واريال سقف - ايرباج سائق - فرامل ABS , EBD - جنوط عريضة 16 بوصة
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
- GLS مانوال 2008 : 122000 جنيه
الكماليات :
تكييف - باور ستيرنج - سنتر لوك مع ريموت كنترول - ايموبيليزر - زجاج كهرباء - مرايات كهرباء - عفشة خدمة شاقة - راديو كاسيت و 4 سماعات واريال سقف - ايرباج سائق - فرامل ABS , EBD - جنوط عريضة 16 بوصة
نظام عازل للصوت - غطاء محرك - جهاز انذار أصلي - اعتاب جانبية
ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ
انما GLS 2009 فهي اوتوماتيك فقط وكذلك السبورت والهاف سبورت 2009 اوتوماتيك فقط
نيجي للعربية نفسها فالعربية ممتازة طبعا وكل فئاتها بمحرك مايفك 1500 سي سي 109 حصان اي قدرة اعلى من البومة 106 حصان وتحتاج بنزين 90 فأعلى انما يفضل بنزين 92
ومفيش موضوع ان المانوال بيجيب ديسك واسطوانة دي اشاعة غريبة او ان عفشتها وحشة
وعموما العربية لها ضمان 3 سنوات او 100 ألف كيلو متر لو حصل حاجه للعفشة خلالها بتتصلح في الضمان سواء مساعد او غيره وفيه كتير من ملاك العربية هنا في المنتدى وقالوا رأيهم في العربية ومحدش اشتكى من كده خالص
سير الكاتينة في الشارك معدن وبيتغير كل 80 الف كيلو متر
موضوع قلم اللون انتهى من سنين طويلة ومعدش ينزل مع العربية (يمكن آخره كان اوائل التسعينات)
العربية في رأيي تكنولوجيا متطورة عن البومة في كل حاجه واكبر حجما كمان منها وبالتالي هي افضل من البومة انما سبب انتشار البومة اكتر منها هو ان سعرها اغلى بس كويس ان حضرتك عاوز مانوال علشان لو اشتريت 2008 هتستفيد بالخصم الموجود على موديلات 2008
بخصوص اسعار قطع الغيار هي الشارك سعر قطع غيارها متقاربة جدا مع البومة وعموما دي بعض الأسعار :
اكصدام أمامي 1892 ج
اكصدام خلفي 1650 ج
مراية جانبية 578 ج
فانوس امامي 1815 ج (ده المصري العادي لأن الخليجي بحوالي 5000 ج لأنه عدسات وبه جزء متحرك مع الدركسيون)
اسعار الفلاتر والسيور زي البومة
وبشكل عام لو العربية متأمن عليها فالتأمين هيتحمل اي مصاريف حوادث لا قدر الله يعني اكصدامات فوانيس مرايات رفرف وخلافه
انما حضرتك هتتحمل فقط مصاريف الصيانات الدورية وهي زي البومة تقريبا
:36_3_10[1]:شكرا و تحياتي يا اجمل بشمهندس في الدنيا و علي فكره انا كنت بحب العربيه دي جدا بس بعد ما اتعرفت علي حضرتك انا حبتها اكتر و هيا لازم تبقي عربيه تمام علشان من وش حضرتك الجميل و تمنياتي بلتوفيق اخوك سيمون
مفيش جديد؟؟
باشمنهدس طارق كل سنه وحضرتك طيب بمناسبه رمضان ولو انها جات متاخره
انا كنت اتكلمت مع حضرتك من فتره عن الشارك وكنت فعلا نازل وناوي الشرا بس قولت استحمل شويه واصبر شهرين او تلاته لحد شهر 12 وتكون مموديلات 2010 نزبت ويمكن ترخص 2009
عموما انا لفيت كتير عالمعارض وبلاقي العربيه عند كل واحد بسعر وبشكل تاني
يعني مثلا انا لقيت موديل glx عند سمير ريان الاقي فيها جنوط اسبور وبسال الموظف قالي اه ودي خليجي وفي نفس الوقت لقيت هناك واحده gls من غير جنوط ودي بسعر ودي بسعر والموضوع من غير ظوابط ولا اي حاجه وبيشيل من هنا ويحط هنا
عموما واضح ان موضوع الشراء ده صعب شويه ولازم الواحد يفتح عينه شويه انها لقيت اول ليفل اتوماتيك عنده 114 الاف وفيها جنوط ونور شبوره خليجي
مهندس طارق ليا سوءال وحيد ومحدد بس ياريت حضرتك تجاوبني عليها بالتفصيل والشرح مع امثله واكون شاكر جدا لحضرتك
ازاي انا كمشتري عادي افرق بين الانسر شارك الخليجي عن بعضها زي الاماراتي او السعودي او الكويتي والفرق بينهم وبين الاردني ... وفي الاخر ايه الفرق بين دول كلهم عن المصري؟؟
وتقبل مني فائق الاحترام والتقدير
http://www.nilemotors.net/Nile/nile/misc/progress.gif http://www.nilemotors.net/Nile/nile/buttons/edit.gif http://www.nilemotors.net/Nile/nile/buttons/quote.gif http://www.nilemotors.net/Nile/nile/...iquote_off.gif http://www.nilemotors.net/Nile/nile/...quickreply.gifmsds_eg عرض الملف الشخصي العام إرسال رسالة خاصة إلى msds_eg زيارة الرئيسية للمستخدم msds_eg! البحث عن كافة المشاركات بواسطة msds_eg Add msds_eg to Your Contacts