عرض للطباعة
السلام عليكم ورحمه الله
السيارة بتقف لوحدها على وضع ال d
ببقا ماشي في أمان الله الاقي الماتور صوته على والعربية مش عاوزة تمشي
علما بأن الكلام ده حصل لما غيرت الزيت من ليكوي مولي الى شيل الترا 10 الاف كيلو
وحطيت فلتر زيت علبته زرقاء اول مرة بصراحه اشوفه
هل ممكن تكون المشكلة دي من الفلتر
الموضوع ده حصل معايا مرتين لغايت دلوقتي والموضوع بقاله حوالي 5 أيام
ملحوظة
عشان اواصل المشي بارجع العربية على وضع ال p وانزل مرة تانية على ال D عشان العربية تمشي
لازم حضرتك تروح تكشف على العربية فى التوكيل .. و كل ما يكون بدرى كل ما يكون أحسن عشان الأمر معاك ما يزدش.
هو حضرتك غيرت زيت الفتيس قبل كده .. و هل فيه مشكلة قبل كده واجهتك فى الفتيس أو الضفيرة ؟
إطلاقااااااا
دي مشكلة ضفيرة كهرباء ياريت تلحقها في التوكيل بإذن الله
وربنا يجيبها على خير
لا اعتقد انها مشكلة ضفيرة
ولماذا حدثت بعد تغيير الزيت والفلتر
والعربية قبلها كانت فله شمعة منورة
بص معلش هو الفلتر ده حضرتك جايبه منين ده رقم واحد رقم اتنين هل العربيه بتغيب معاك اثناء الاداره صباحا
خالص ياريس
الفلتر ده جايبه من اسيوط محل كده كنت مسافر الغردقة وحبيت امشي وانا مطمن ومظبط العربية
وبصراحه ياريتنتي كنت جبت العادي اللي علبته بيضاء اللي شبه علبة الفلتر الاصلي
لكن جبت علبة زرقاء مش عارف ماركتها ايه
والعربية لا تغيب إطلاقااااااا ومن حوالي شهر مصلح المارش وكله تماااام
عليك وعلى التوكيل في أسرع وقت
علي فكرة فلتر الزيت ممكن يجيب ماتور
لو الفلتر مش بتاعها او مضروب
هات الاصلي وركبه
مش عارف آه علاقه فلتر زيت المتور حتي لو مش أصلي بالفتيس؟
انا اعتقد ان عمدك مشكله فى حساسات الفتيس او اسوفت وير و الله اعلم
و موضوع الزيت ده و الفلتر مشمقتنع بيه ممكن يكون صدفه او عر العيب ده كان متلصم على الوضع القديم و لما حصل تغير بان العيب
على العموم ﻻزم تروح التوكيل او مركز خدمه يكشف على الكومبيوتر علشان انا شاكك فى مجموعه حساسات الفتيس اعتقد ما بقتش تعمل بكامل جودتها ... و الله اعلم
بعد ما تحل المشكله ان شاء الله يا ريت تقولنا ايه الى حصل و اتحلت ازاى
حاج عمرواقتباس:
المشاركة الأصلية كتبت بواسطة amr2004ibm
ياهلا بيك والله
ان شاء الله حجزت في أوتو يوم الاحد القادم ودعواتك معانااااا
ابقى طمنا بعد الكشف على السياره و ان شاء الله خير
ربنا يهديهالك و تتطلع حاجه بسيطه ان شاء الله
و مستنين ردك ان شاء الله
يا ترا عملت ايه فى التوكيل
احكلنا الى حصل لعلو خير
عمرو باشا
حبيبي والله
بص ياريس اللي حصل بالتفصيل فالتوبيك ده
http://www.nilemotors.net/Nile/35552...00-2010-a.html
دمت بخير
والف شكر على الاهتمام
تمام يعنى العربيه كانت محتاجه الصيانه الدوربه تلشامله علشان تتظبط
الف مبروك و ربنا يبارك فيك و في العربيه
و الف شكر على الموضوع
بس مسالتهمش تحديدا ان السبب فى تخريف الفتيس هو عدم تغير الزيت و ﻻايه؟؟؟
اسف يا خالد باشا ماختش بالى من موضوع تلزيت الزياده
يبقى السبب فى تخريف العربيه انها كانت مخنوقه و سبب خنقتها الزيت الزياده فى الموتور
تمام او علشان كده انا لما بغير زيت بالفلتر بخليه يحط 2.5 لتر و بعد كده بقيس و ازود براح لحد قبل ال h علشان العربيه ما تتخنقش.. طبعا الصنيعى الفزلوك بيتجنن لما تعمل كده و يصمم ان العربيه بتاخد 4 لتر كلهم
فى الحاله دى تسيبه ياكل فى نفسه و اعمل انته الصح لعربيتك
الف شكر يا خالد باشا على الموضوع الجميل المفيد
اقتباس:
المشاركة الأصلية كتبت بواسطة amr2004ibm
ربنا يبارك فيك ياعمرو باشا
والمشكلة اني مخدتش بالي ان الجركن مبقاش فيه غير شوية صغيرين
وانا عارف ان المفروض الزيت بالفلتر حوالي 3 لتر
بس الحمد لله انها مبهدلتش الماتور
والصيانة تمت بدري بدري