رجالة اللانسرممكن اعرف في صيانة 5 الف ولا مفيش

السلام عليكم /ممكن اعرف في صيانه 5 ولا لا وايه اللي بيحصل فيها بالظبط علشان اعرف ولا بلاش اوديها

مفيش صيانة 5
هتروح هيشتغلك ويقولك كشف علي كذا وكذا والحساب كذا وممكن يغير لك الزيت عشان ياخد حق الزيت والفلتر والمصنعية.
أنت لو عندك مشكلة ممكن تروح عشان تكشف, لكن لو مفيش مشاكل روح علي ال 10 علي طول.
وراقب مستوي الزيت بنفسك ولزوجته.

الف شكر لحضرتك هيه العربيه الحمد لله تمام ومفيش حاجه خالص

ان شاء الله تكون زي الفل دايماً وربنا يبارك لك فيها.

عندي نصيحتين ليك متفتحش غطاء الرادياتير ابداً.
بس لو حبيت تزود مية ودا نادرا ما هيحصل تكون مية مقطرة او من فلتر مية والتزويد يكون ف الاربة فقط. عشان تحافظ علي دورة التبريد تعمل بكامل كفائته وما يدخلهاش هوا وتعيش معاك اطول فترة ممكنة.

والتانية عشان العربية لسه جديدة راجع بس علي منسوب الزيت ولونه كل اسبوع او كل الف كيلو من باب الاحتياط لحد ما تغيرة لاول مرة وتغير معاه الفلتر. عشان لو في شوائب هتتحبس ف الفلتر وتنزل فيه.
انا ف خلال ال ٣ سنين اللي كان معايا الانسر فيهم عمري ما زودت لها نقطة مية ولا الحرارة زادت ف يوم عن النص. ولا حتة كنت ببص علي الزيت لانها كانت دايما مظبوطة مكنتش بحط لها غير بنزين ف خلال ٣ سنين وبغير الزيت مع الفلتر ف معاده وبس.
ممكن تبقي تقرا الموضوع دا لو عندك وقت فيه معلومات عن الزيوت اللي بتنزل ف العربيات
http://www.nilemotors.net/Nile/328721-5000.html

التوكيل مع صيانة الالف كيلو بيحط زيت 10000 وميعاد الصيانه عند العشر تلاف بس احترس من نقص المياه والزيت كما افاد الاصدقاء السابقين وربنا يكرمك ويكفيك شر الطريق