عندى مشكله فى الحراره هتجننى

يا جدعان انا العربيه زى ما انتوا عارفين كانت البطاريه نايمه المهم انا روحت شحنت البطاريه وجيت ودارت الحمد الله وحطيت فى دوره التبريد خل علشان اغلسها ونزلت ميه صفراااااااااااااااااااا وفضلت افضى الميه لغايه ما نزلت بيضه
المشكله دلوقتى العربيه بتسخن انا يوم ما خدت العربيه المؤشر بتاع الحراره مكانشى بيعدى المربع الابيض وكانت المروحه بتشتغل وبينزل المؤشر تانى يعنى بمعنى اصح مكانتشى بتسخن خالص والراجل قالى ده الطبيعى
المهم دلوقتى بعد ما عملت حوار الخل ده العربيه المروحه بتاعتها مبقتشى بتشتغل غير لما المؤشر يجى عند الربع ايه السبب وازاى اعرف ان كانت ككدا سخنت ولا لا وياترى هى مروحه العربيه بتشتغل علسى سرعتين والسرعه الاولى باظت ولا ايه علما بان الريداتير بتاعى 2 مروحه
ودى صوره للى بقوله رقم واحد ده كان الوضع القديم والطبيعى اللى كنت بمشى عليه طول ال 3 اسابيع الى فاتوا ولما بيعدى المئشر النقطه دى كانت المروحه بتشتغل
اما الرقم 2 دى النقطه اللى المروحه بتشتغل عليها دلوقتى ايه اللى خلى ده يحصل يا جدعان

http://nileup.com/up/uploads/nilemotors_13679441921.bmphttp://nileup.com/up/uploads/nilemotors_13679441921.bmphttp://nileup.com/up/uploads/nilemotors_13679441921.bmphttp://nileup.com/up/uploads/nilemotors_13679444811.jpg

ياترى قولولى اعمل ايه وازاى اعرف ايه السبب فى اللى حصل ده

متابع

ياريت لو حد يقولى العربيه عملت كدا ليه مره واحده انا خدتها ولفيت بيها شويه قولت يمكن تعدل بس هى ثابته على كدا
بس الميه اللى فى القربه بلاقيها سخنه جدا وكمان وانا بفضى الميه بعد ما غسلتت دوره الريداتير لاميه كانت مولعه بمعنى مولعه لدرجه انا مكنتش اقدر امسك الازازه بايدى فكنت بمسكها مقماشششه

اللي أعرفة أن الخل غلط جدا وبياكل في الخراطيم والمواسير ,
لازم تروح لحد فني رادياتير كويس وتبريد يكشف لك علي دورة التبريد تاني,

نهار ابيض الخل غلط امال الناس بتقول حطه فى دوره التبريد ليه يادى اليله البيضا
بس هو الصراحه عمل شغل وطلعلى ميه صفرا بمعنى الكلمه ولونى ممشتشى بالعربيه خالص والخل فيها سبتها راكنه بس الى عاوز اعرفه ايه علاقه الخل بتاخير تشغيل المروحه

أول مرة أسمع حوار الخل ده

روح إغسل الريداتير و بعدين حط الماية الأسبانى جركن كامل أو السعودى و شوف الدنيا فيها إيه

ماتحطش ماية حنفية نهائى

أتفضل يا باشا راجع المشاركة دي هتلخص لك الموضوع كله من الأخر
http://www.nilemotors.net/Nile/3873467019-post13.html

اقتباس:

---

المشاركة الأصلية كتبت بواسطة Gelgel2004

يتم الغسيل بالدوره المغلقه و ليست المفتوحه على ضغط مناسب مرتين قبل اضافه المواد المنظفه افضلها الانواع الامريكيه ( سولدر سيل جنك ) و اوعى تحط المياه اللى عاملينها فى المحطة ( بتبقى خليط من الجاز و الرابسو و الخل ) بدون نسب ودى بتهلك الخراطيم .

---

ومبدئيا معظم مؤشر درجة الحرارة ف العربيات بيكون علي النص, ممكن يكون مكنش مظبوط قبل كدا وأتظبط دلوقتي وممكن يكون عندك مشكلة في الحرارة جديدة بسبب موضوع الخل دا.
في حاجة كمان عايزك تكشف عليها الترموستات ممكن يكون الخل بوظة أو أكل الكاوتش والSeal اللي حوالية.
ومالكش دعوة بكلام الناس, دايما أعمل سيرش علي جوجل أو المنتدي هنا قبل ما تعمل أي حاجة في ميكانيكا العربية او دورة التبريد او الكهرباء, عشان فتي الصنايعية والناس كتير.
أقرأ المشاركة كويس, وأبدا في أصلاح ما تم أتلافة عشان لو لسه فيه خل في الدورة أو خلل أو حطيت مية عادية من الحنفية فالرادياتير هتاكلك دورة البريد كلها خراطيم بطرمبة, وهتبقي الأضرار متعبة.

أنصحك بقراية المواضيع بكل ما شاركة فيها مش اول مشاركة بس دي قبل ما تشوف سبب مشكلتك فين.
http://www.nilemotors.net/Nile/328203-gelgel2004.html
http://www.nilemotors.net/Nile/328901-1400.html

ودا الموضوع اللي عملت لك منه الأقتباس
http://www.nilemotors.net/Nile/217131-a.html

بالتوفيق, وأبقي عرفنا عملت أيه..

انا لما ده حصل معايا روحت للميكانيكى اللى كان معايا وانا بشترى العربيه قولتله العربيه الاول مكانتشى بتجيب الربع ولما كانت بتجيب الربع كنت بععتبرها سخنت دلوقتى العربيه لازم تجيب الربع علششان المروحه تشتغل وسالته ايه السبب قالى الربع ده عادى وقالى انها كانت بتجيب الربع الاول مش فاهم ازاى يعنى انا كنت اعمى انا يوم ما جابت منى الرربع قبل كدا كانت بتولع
دلوقتى المشكله ان العربيه العداد بتاعى لازم يجيب الربع علشان المروحه تشتغل ولون الاول كان المروحه بتشتغل اول ما المؤشر بيعدى العلامه البيضا يعنى على الثمن لدرجه ان واحد صاحبى لما شافها قالى انن عربيتى عمرها ما تسخن بسبب الحوار ده
دلوقتى ايه السبب اللى يخيى المروحه تتاخر فى التشغيل زى ما يكون هى اتبرمجت كدا لوحدها وياترى كدا احسن ولا الاول احسن انا خدت العربيه ومشيت بيها شويهه على السلانسيه قولت يمكن ترجع طبيعيه بس برده المروحه بتاعه الريداتير مبتشغلشى الا لما يجيب الربع ويعديه بسنه صغيرهطيب حتى لو ده احسن طيب اعرف هى عملت كدا لوحدها ليه
وبالنسبه لموضوع الخل انا معملتوش غير لما لاقيت واحد فى المنتدلا عمله وحاطت فيديو ليه والصراحه هو طلع معايا بنتيجه حلوه ولنى ممشتشى بالعربيه خالص وهالخل جواها انا دورتها وهو جواها وبدات افضى فعلا الميه اللى كانت طلعه كانت صفرا جداااا كانها مليانه تراب

اقتباس:

---

المشاركة الأصلية كتبت بواسطة nesr6060

انا لما ده حصل معايا روحت للميكانيكى اللى كان معايا وانا بشترى العربيه قولتله العربيه الاول مكانتشى بتجيب الربع ولما كانت بتجيب الربع كنت بععتبرها سخنت دلوقتى العربيه لازم تجيب الربع علششان المروحه تشتغل وسالته ايه السبب قالى الربع ده عادى وقالى انها كانت بتجيب الربع الاول مش فاهم ازاى يعنى انا كنت اعمى انا يوم ما جابت منى الرربع قبل كدا كانت بتولع
دلوقتى المشكله ان العربيه العداد بتاعى لازم يجيب الربع علشان المروحه تشتغل ولون الاول كان المروحه بتشتغل اول ما المؤشر بيعدى العلامه البيضا يعنى على الثمن لدرجه ان واحد صاحبى لما شافها قالى انن عربيتى عمرها ما تسخن بسبب الحوار ده
دلوقتى ايه السبب اللى يخيى المروحه تتاخر فى التشغيل زى ما يكون هى اتبرمجت كدا لوحدها وياترى كدا احسن ولا الاول احسن انا خدت العربيه ومشيت بيها شويهه على السلانسيه قولت يمكن ترجع طبيعيه بس برده المروحه بتاعه الريداتير مبتشغلشى الا لما يجيب الربع ويعديه بسنه صغيرهطيب حتى لو ده احسن طيب اعرف هى عملت كدا لوحدها ليه
وبالنسبه لموضوع الخل انا معملتوش غير لما لاقيت واحد فى المنتدلا عمله وحاطت فيديو ليه والصراحه هو طلع معايا بنتيجه حلوه ولنى ممشتشى بالعربيه خالص وهالخل جواها انا دورتها وهو جواها وبدات افضى فعلا الميه اللى كانت طلعه كانت صفرا جداااا كانها مليانه تراب

---

معلهش طب ما تبص علي ساعة الحرارة!!!

ابص عليهاا ازاى مش فاهم

صحييح نسيت اقولكوا عربيتى فيها سخان بيعلى الاربى لما بدورها اول مره علشان العربيه تسخن بسهوله
المفروض ان الاربى كان بينزل بسرعه انهرده لا طولت فى التسخين زى ما يكون الععربيه حلفت انها الربع يعنى الربه وقولى صحيح ازاى ابص على ساعه الحراحه اعرف ان كانت مظبوطه ولا لا ازاى
وهل المروحه بتشتغل على ساعه الحراره اللى فى التابلو ولا هى المفروض ليها مقياس حراره لوحدها
اعتقد ليها مقياس حراره لوحدها لان قبل كدا العربيه وهى مفيهاش ميه كانت ساعه الحراره جابت الربع والعربيه مولعه والمروحه ما اشتغلتشى غير لما حطيت الميه

الطبيعى الى أنتا عليه
الخل لازم يكون بنسبه بسيطه لانه مش كويس على كوتش الخراطيم
وعمتا روح بنزينه نضيفه وإغسل دورة التبريد وحط مياه مبرد g12 الموصى بها

يعنى كلوا بيايد كلام الميكانيكى
بس انا متاكد ان المروحه الاول كانت بتشتغل بدرى وكانت الحراره عمرها ما جابت الربع قبل كدا

السلام عليكم
أولا مش طبيعي الحالة الاولي ولا الثانية و المفروض العربية بترفع حرارة حتي المنتصف و بتفضل ثابتة علي كده مع تشغيل و فصل المروحة علي المنتصف لأن المروحة بتفصل و تشتغل علي فرق حوالي 5 درجات (92 و 87) و الفرق ده حضرتك مش بتلاحظه قوي في المؤشر قدامك
ثانيا اول مره اسمع عن موضوع اضافة الخل ده و لكن انا مبحبش احط اي شيء ممكن يؤثر علي دورة المياة و مكوناتها و لما بغسل بغسل بمياة عادية ثم مقطرة ثم أملأ بالمياة الموصي بها ثم اضيف و اكمل الدورة بمياة مقطرة و افضل ازود منها فيما بعد
المهم من الواضح ان الخل أثر علي ثرموستات الحرارة (المسئول عن تشغيل و فصل مروحة التبريد) و حساس الحرارة (المسئول عن رفع درجة الحرارة امامك كمؤشر في العدادات)
ممكن يكون التأثير ايجابي و ده ما اتوقعه انه ازال طبقة الصدأ و الرواسب اللي كانت عليهم فبقي حساسيتهم للحرارة افضل فبقيت تشوف الحرارة كما هي قدامك كده و ده كويس
موضوع التأثير السلبي عليهم استبعده و لكن ممكن يكون فيه تأثير علي اولسيهات او خراطيم و دي كبر دماغك منها لحد ما تشوفها بعينك و تتأكد ان فيه تسريب و هنا ابقي غير الجزء اللي باظ

موضوع احساسك بحرارة المياة فده خطأ لأنك مش هتقدر تحسها بايدك لأن المحركات داخلها درجات حرارة عالية جدا بسبب الحريق اللي بيحصل مع دوران المحرك و معه بتكون درجة حرارة المياة تصل الي درجة الغليان .... بمعني ان ايدك و احساسك مش مقياس ابدا و مينفعش اساسا تفتح الدورة و العربية سخنه او بعد مشوار غير لظروف قصوي لأنه لابد تكون محكمة الغلق لأن بيكون جزء من المياة متبخر و عامل ضغط داخل الدورة و ممكن تنفجر و تبهدلك لو فتحتها بدون تنفيث الضغط ده

رأيي الشخصي : تأكد ان الدورة مافيهاش اي تسريب و مستوي المياة راجعه كل يوم و العربية بارده و حط مياة مقطرة لفترة و نزل مياة الحنفية عشان متوسخش الدورة تاني و حتي تتأكد ان مافيش تسريب ولا مشكلة حط المياة الموصي بها و زود بمياة مقطرة و بس

و بالتوفيق لك و للجميع

ممكن يكون كلامك صح لان فعلا انا حاسس ان العربيه دلوقتى طبيعيه على عكس المؤشر بيقول كلام عكس الاول بس حوار الخل ده انا حطيته فى العربيه نص لتر خل 5% والباقى كله ميه لمده 3 ايام وممشتشى بالعربيه ولاحظت ان الميه اللى نزلت كانت وسخه بطريقه غبيه امال لو شيت بالعربيه زى ما بيقولوا 100 كم ايه اللى هيحصل
وحوار الخل ده انا كنت لاقيته هنا على المنتدى بس سؤال هو ازاى الخل اثر على الثرموثتات بالرغم ان فى الحالتين العربيه بتشغل المروحتين عادى بس التاثير ده عمل ايه يعنى غير برمجه الترموثتات ولا ايه
مع العلم انا عندى فى العربيه ريداتير 2 مروحه كبيره وكل حاجات التكيف معادا الكمروسور الرجل خده قبل ما يدينى العربيه وانا قولت مش مهم
صحيح فى عندى مشكله تانيه انا عندى عداد الكيلو تر كلوا مش شغال وباقى العدادات شغاله فى حل ممكن اعمله علشان اشغله من غير ما اغير العدادات ماهو حرام اغير العدادات كلها علشان واحد بس

اقتباس:

---

المشاركة الأصلية كتبت بواسطة nesr6060

ممكن يكون كلامك صح لان فعلا انا حاسس ان العربيه دلوقتى طبيعيه على عكس المؤشر بيقول كلام عكس الاول بس حوار الخل ده انا حطيته فى العربيه نص لتر خل 5% والباقى كله ميه لمده 3 ايام وممشتشى بالعربيه ولاحظت ان الميه اللى نزلت كانت وسخه بطريقه غبيه امال لو شيت بالعربيه زى ما بيقولوا 100 كم ايه اللى هيحصل
وحوار الخل ده انا كنت لاقيته هنا على المنتدى بس سؤال هو ازاى الخل اثر على الثرموثتات بالرغم ان فى الحالتين العربيه بتشغل المروحتين عادى بس التاثير ده عمل ايه يعنى غير برمجه الترموثتات ولا ايه
مع العلم انا عندى فى العربيه ريداتير 2 مروحه كبيره وكل حاجات التكيف معادا الكمروسور الرجل خده قبل ما يدينى العربيه وانا قولت مش مهم
صحيح فى عندى مشكله تانيه انا عندى عداد الكيلو تر كلوا مش شغال وباقى العدادات شغاله فى حل ممكن اعمله علشان اشغله من غير ما اغير العدادات ماهو حرام اغير العدادات كلها علشان واحد بس

---

انا قلتلك رأيي فوق ... كل القصة ان الخل اكل نسبة الصدا و الترسيبات اللي كانت علي ثرموستات الروحة و حساس الحرارة فبقي احساسهم بدرجة الحرارة افضل لسهولة التبادل الحراري و ازالة الطبقة البينية اللي كانت علي وش الحساس

قديما قبل التنظيف كانت الحرارة مثلا 90 و بيحسها الثرموستات و الحساس 87 مثلا يعني كان فيه فرق بين القيمة الحقيقية و الواقع بسبب طبقة الصدأ و الترسيبات اللي مقللة احساسهم
حاليا اصبحت الحرارة مثلا 90 و الثرموستات و الحساس حسينها 90 بعد ازالة الصدأ و الترسيبات

موضوع عداد السرعة ده هيحتاج كهربائي بيفهم او ميكانيكي فولكس هيراجع علي حالة ماكينة السرعه (حساس السرعه ) اللي راكب في الفتيس و يشوفه سليم ام لا و يراجع علي فيشته و كابله .... بالتأكيد ياهو بايظ يا فيشته بايظة او مهزوزة يا كابلة فيه مشكلة يا وصلته في فيشة العدادات فيها مشكلة هيراجع علي كل ده و يتأكد انه سليم و ان شاء الله هتشتغل معاك و لو طلع كله سليم يبقي تجرب طقم عدادات أخر محتمل يكون فيه مشكلة

و بالتوفيق ان شاء الله

هو ممكن اثر بس متهيالى على مؤشر الحراره مش الترموثتات لان الترموثتاات كانت بتشتغل عادى فى وقتها بس مؤشر الحراره مثلا الاول كان بيقرا وقت ما الترموثتات تشتعل على حراره 30 دلوقتى بيقرا وقت شغل الترموثتات على 50 تقريبا بس انا لو عاوز اتاكد ان الحراره مظبوطه اكشف عليها عند كهربائى ولا ميكانيكى لانها بردهه مش النورمل اللى انتوا بتقولوا عليه خالص

اهو انا عداد الحراره الاول كان زى اللى فى الفيديو ده مبيجبشى الربع
seat ibiza glx 1.3 1994 60cv - YouTube


ودلوقتى بقى عامل ززى الفيديو ده على الربع يعنى مش عربيتى لوحدى
Seat Ibiza 1.4i 60km 160 km/h - YouTube

وده بردو الوضع القديم للحراره عندى كانت كدا بالظبط صفر
Seat Cordoba speeding -fail- xD - YouTube

انا شفت الموضوع من اوله...
مبدئيا انا هقول رأيي الشخصي المتواضع...

إضافة الخل لدورة التبريد مش غلط ولا حاجة!!
وعمر الخل ما بياكل في الخراطيم ولا اي حاجة!!
كل اللي بيعمله ابخل انه بيذوب الترسبات الملحيه المتراكمه في دورة التبريد.... فلو الترسبات دي ساده خروم او تشققات هتتفتح وده يخلي الواحد يقول ان اللي شقق او فتتح الحاجات دي هو الخل نفسه في حين انه وراك عيوب دورة التبريد عشان تتصلح....
بالمناسبه مش بس الخل اللي بيتحط...
ملح الليمون بيتحط وعن نفسي استخدمت الاتنين...


هنيجي على نقطة الحراره....
في كل العربيات في نقطه بيتوقف عندها المؤشر (في حالة ان ثيرموستات الكوع سليم).. والنقطه دي غالبا بتبقى قبل النص بسنه صغيرة..
ممكن كان عندك ثيرموستات الكوع معلق مفتوح بسبب انه عليه ترسبات وصدا ولما حطيت الخل ذابت الترسبات ورجع يشتغل وعمل وظيفته....


ده رأيي الشخصي المتواضع

تحياتي

Sent from my LT18i using Forum Runner

اقتباس:

---

المشاركة الأصلية كتبت بواسطة nesr6060

وده بردو الوضع القديم للحراره عندى كانت كدا بالظبط صفر
Seat Cordoba speeding -fail- xD - YouTube

---

العربيه دي ترموستات الكوع مش شغال ويا اما متشال يا اما معلق مفتوح...
هل قبل متعمل الموضوع ده كان المؤشر بيوطا لما تاخد طريق مفتوح؟؟؟
تحياتي

Sent from my LT18i using Forum Runner

زى ما قالك المهندس ايهاب بالظبط
الوضع الطبيعى للابيزا ان الحرارة تبقى على المنتصف بالظبط والمروحة تبتدى تشتغل لو الحرارة هتزيد عن كدة بحيث يظل مؤشر الحرارة على المنتصف ... دة الطبيعى

اللى بيتحكم فى كدة ثرموستات الكوعة ودى ثرموستات بتبقى راكبة فى شجرة المياه بتتحكم فى احتفاظ المحرك بدرجة حرارة التشغيل ( لا تزيد ولا تنقص ) بحيث تغلق دورة التبريد حتى يصل المحرك لدرجة التشغيل المثلى واول ما يسخن تفتح لدورة التبريد لتبريد المحرك واول لما يصل للدرجة المثلى تقفل تانى وهكذا

وشوف الموضوع دة هيفيدك
http://www.nilemotors.net/Nile/345790-98-2.html

علي فكرة يا جماعه ثرموستات الكوعه ده منفعش لما حبيت اركبه في ابيزا 94 ولا هو ولا الكوعه و كوعه موديل المحرك ده مافيهاش حاجه جواها للتثبيت ولا نفع تغيير الكوعه بأخري اللي ينفع يركب فيها الثرموستات
محتمل يكون ليها ثرموستات كوعه أخر ؟؟؟؟ !!!!!!!!!!! معرفش الصراحة


تعديل :-
لقيت الثرموستات ده هو اللي ينفع يركب ليها لكن طريقة تركيبه ؟؟؟ الله اعلم محتاج مراجعة واقعية للموضوع
http://www.onlinecarparts.co.uk/car-...hermostat.html

http://i.ebayimg.com/t/SEAT-IBIZA-TH...f)!~~60_35.JPG

اقتباس:

---

المشاركة الأصلية كتبت بواسطة dr.hazem

العربيه دي ترموستات الكوع مش شغال ويا اما متشال يا اما معلق مفتوح...
هل قبل متعمل الموضوع ده كان المؤشر بيوطا لما تاخد طريق مفتوح؟؟؟
تحياتي

sent from my lt18i using forum runner

---

ايوه فعلا انا فعلا الحراره كانت بتقل معايا لما باخد طريق مفتوح لدرجه ان انا كنت بحس ان الحراره صفر والمروحه كانت بتشتغل اول ما المؤشر يعلى بسيط وقبل ما ييجيب الربع بكتير فكان المؤشر عمره مجاب الربع

بس دلوقتى الحراره عندى بتجيب الربع علشان المروحه تشتغل ياترى اعمل ايه علشان ترجع زى الاول ولا كدا احسن ولا ايه الصح

وازاى اعرف ترموثتات الكوعه متشاله ولا لا وازاى اعرف ان كانت شغاله ولا معلقه ياريت حد يفدنى بالحوار ده خاصه ان انا لما روحت للميكانيكى مرضاش يبص على العربيه وقالى طالما مجابتشى النص متخافشى
طيب ازاى وانا قبل كدا العربيه سخنت منى نار لما كنت بلحم الشكمان والميه كلها فضيت من العربيه وكان المؤشر ساعتها قبل الربع بس دلوقتى المؤشر بتاعى بيجيب الربع علشان المروحه تشتغل ياترى اعرف ازاى حوار ترموثتات الكوعه دى
على فكره انا فعلا برده بعانى من حوار نقص الميه ده بس مش كل يومين انا تقريبا كدا كل 200 كيلو بزودلها بتاع حوالى لتر او لتر الا ربع ماء

أنا مع راى الدكتور
بس الخل يتحط بنسبه بسيطه كل مره بس كده
ونا قلتلك بس كان ردى مختصر بدون تطويل وبدون الدخول الى التفاصيل ( الطبيعى الى أنتا عليه )
وتغسل الدوره فى بنزينه محترمه بالرغم من ان انتا غسلتها تمام كده بس عشان تصدق وتحط المياه الموصى بها بس كده

موضوع عداد الكيلو ده تخصص كهربائى وفى ناس متخصصه عدادت فقط وفى واحد فى المنيل


بالتوفيق

ياريت لو حد يقولى طريقه اقدر بيها اعررف ان كان مؤشر الحراره بتاعى بيقرا الحراره صح فى العربيه ولا بيقراها غلط لان انا لاحظت حاجه غريبه انا العربيه تقريبا بتفضل شغاله لمده 3 دقايق او 5 علشان المؤشر يبتدى يتحرك من مكانه ويطلع بفوق فممكن يكون المؤشر قرايته للحراره غلط ازاى اعرف ده ولو كدا ازاى اقدر اظبوطه ده اولا
ثانيا ياترى مكان ترموثتات الكوعه ددى فين ياريت حد يقولى
تالت حاجه هى كل الناس اللى معاها ابيزا 94 عندها سخان فى العربيه لما بتدورها يسخنها اصل انا لما باجى ادور العربيه اول مره وهى راكننه وبارده الار بى بتاعى بيبقى على 15 او 13 تقريبا والراجل قالى وانا بشتريها العربيه فيها سخان بيخلى الاربى عالى لغايه ما العربيه تسخن وبعدين بيفصل وده فعلا بيحصل اول ما المؤشر يبتدى يتحرك لفوق شويه بلاقى الاربى بتاع العربيه طبيعى ونزل ل 8 او 9 تقريبا او 7 مش فاكر بس صوت الموتور بيقل شويه ده تقريبا بسبب حوار الار بى ده
انا بس اللى عاوزه ضرورى حد يقولى ازاى اتاكد ان عداد الحراره بيقرا صح بس ياريت بسرعه علشان انا رايح الكليه بكره بالعربيه الصبح بدرى فى التجمع الخامس وهرجع تانى العصر يعنى همشى بيها تقريبا 100 كيلو او اكتر

http://www.nilemotors.net/Nile/355448-a.html
الموضوع دة فى صورة قيها مكان ثرموثتات الكوعة
وحاجة تانية انا عملت موضوع الخل دة والعربية سخت والمؤشر عدى النص بحاجة بسيطة
بس لما غيرت المياة واتأكدت من ان الدورة مفيهاش هوا من خرطوم الفايظ ركبتة وقفلت القربة والحمد لله اتظبتط