العين السخنة والمصيف .. تقرير كامل بالتفاصيل والصور

**romieh** · 07-05-2013 11:42 PM

والله تقرير رائع وفتحت نفس الواحد للسفر

عندى فكرة لو اتنظمت هيبقى يوم جبار

ايه رايك لو ترتب على يوم من ده لاعضاء المنتدى

هيبقى يوم جامد جدا جدا، وكمان علشان الناس تتعلم منك اساسيات السنوركل

**youssef_u** · 07-05-2013 11:43 PM

تقرير رائع و ممتاز و فتحت نفسي عالمصيف والله اللللف شكر

انا مشكلتي في النفس بخاااف جدا وانا تحت الميه و بعوم نص نص او احسن شوية

**hossam_elwani** · 08-05-2013 12:06 AM

موضوع روووووووووووووعه

تحياتى على وتقديرى على المجهود فى اعداده

ان شاء الله اول طلعه لميصف حتكون السخنه

**RAPID** · 08-05-2013 12:32 AM

ايه الجمال ده
تقرير تحفة ومتكلف من بتوع زمان :)

**ghostmido** · 08-05-2013 12:32 AM

ايه الموضوع الجامد ده......
بصراحة انا ماشوفتش حد فى الزمن ده بيعامل الناس كده....
يعنى عازم صحابك وجايبلهم الادوات كلها ومخليهم يختاروا كمان وبتديهم تدريب ساعة ونص و بتصورهم وبعدين تعمل تقرير بالحلاوة دى ....
والله اعلق واصفق على راى الشوالى ....انا حاولت اعمل اعجاب وشكر بس للاسف مش ينفع ياريت تعتبرها وصلت ...
هههههههههه.

**ghostmido** · 08-05-2013 12:35 AM

طلب بقى كده على السريع....
لو انت طالع طلعة زى دى قريب ياريت تعرفنا فى المنتدى يمكن نعرف نظبط ونطلع.
بس ياريت تكون فى فترة الامتحانات علشان الهدوووووء.
معلش حاجة كمان الادوات المستخدمة واماكن شرائها واسعار تقريبية لها يبقى كده انت عملت الصح....

**buddha** · 08-05-2013 12:52 AM

الله يبارك لك
وتسلم ايدك يا باشا

"العين السخنة من اجمل الاماكن على الاطلاق وحتى الطريق بداية من الادبية الى اخر العين السخنة اكثر من رائع"

**matrix_it** · 08-05-2013 12:59 AM

ممكن اعرف الكاميرا اللى بتصور تحت المية جبتها منين و بكام
تقرير اكثر من رائع ! حاسس انى كنت معاكم

**sting_2010** · 08-05-2013 01:05 AM

بجد بجد بجد ..تسلم الايادى ..موضوع رائع وصور اكثر من رائعة .!

**Ahmed_Adham** · 08-05-2013 02:56 AM

موضوع ممتاز خصوصا على دخله الصيف. انا كان ليا تجربه على الناحيه الشمال في قريه "ستيلا دي ماري" على ما أتذكر كانت حوالي 1-3 كيلو ناحيه الشمال من نهايه طريق السخنه . المكان عائلي جدا ومكنش فيه أي مسخره وقله أدب من بتوع القرى التانيه وكان فيه بسين منفصل لكل مجموعه فيلل ده غير شاطىء خاص بياخدك قطر كده من بتوع الملاهي لحد البحر شاطيء خاص بالقريه فيه شمسيات وشازلونجات جاهزه وبتستلم فوط وبشاكير مجانا وترجعها لما ترجع الفندق والمسافه بين كل شمسيه والتانيه مش أقل من 10 متر (لما رحت هناك مكنش فيه غير 7-10 شماسي مشغولين في الشط كله وده كان في أول اسبوع للمدارس في 2012.

كان تكلفه اليوم 400 جنيه للفرد في الفندق 4 نجوم (فيه فندق تاني جوه القريه برضه 5 نجوم) شامل فطار وعشا بوفيه مفتوح (اللي يعتبر غدا لأن تقديمه بيبدأ الساعه 6 مساءا وكله منيو غدا من مشويات لحوم وفراخ وأسماك ورز وخبز واكتر من نوع طبيخ وكذا نوع سلطه) وفيه بالليل عروض انيميشن مسليه وبتضيع وقت المساء والمده اللي قضيتها هناك 3 أيام استمتعت بكل لحظه فيهم ومنصحش اي حد يحجز اكتر من يومين تلاته عشان القريه أخرها كده الا اذا كان عندك برنامج تقضي وقت فيه بره القريه.

الصور دي مش بتاعتي بس حبيت أنقلها لتوصيل صوره المكان

ريسبشن الفندق

شكل احد حمامات السباحه

الطفطف اللي بينقل نزلاء الفندق للشاطىء

المطعم

أحد الغرف