ثلاثة مشاكل في اللانوس بتاعتي .

**abo_lamar** · 07-05-2013 09:18 PM

السلام عليكم و رحمه الله يا شباب

عندي كذا مشكلة في العربية ياريت تدلوني اعمل ايه ؟؟

اول مشكلة :

مؤشر البنزين بيخرف خالص يعني ممكن افول العربية مثلا الاقي المؤشر بيرفع لفوق واول ما اتحرك واجري العربية المؤشر ينزل لتحت ويعدي الشرطة الحمراء كمان , شوية و يرتفع تاني مثلا للنص .... ولو وقف بالعربية و هي دايرة شوية الاقيه يرجع لفوق تاني .... بصراحة قرفني و مش عارف ده من العوامة ولا من العداد (مع ملاحظ ان المؤشر لما بينزل تحت الشرطة الحمراء والتانك اساسا مليان بنزين اللمبة بتاعة نقص البنزين مش بتنور ) .

تاني مشكلة :

العربية مش بتدور الا لما ادوس على دواسة البنزين ....

المشكلة الثالثة :

تنك البنزين بجد قرفني اوي .... اشتريت واحد استيراد وركبته وبعديها بشهرين لقيت فيه خرمين وبعدين لحمتهم لحام نحاس , بعديها بشهر لقيته بينقط تاني من ناحيه اللحامات ... فتنصحوني اجيب واحد استيراد تاني ولا اجيب واحد جديد , ولو نصحتوني بالجديد ياترى حيكون سعره كام تقريبا .

وشكرا

**محمد الشامي** · 07-05-2013 09:59 PM

المشاركة الأصلية كتبت بواسطة elakawy

اول مشكلة :

مؤشر البنزين بيخرف خالص يعني ممكن افول العربية مثلا الاقي المؤشر بيرفع لفوق واول ما اتحرك واجري العربية المؤشر ينزل لتحت ويعدي الشرطة الحمراء كمان , شوية و يرتفع تاني مثلا للنص .... ولو وقف بالعربية و هي دايرة شوية الاقيه يرجع لفوق تاني .... بصراحة قرفني و مش عارف ده من العوامة ولا من العداد (مع ملاحظ ان المؤشر لما بينزل تحت الشرطة الحمراء والتانك اساسا مليان بنزين اللمبة بتاعة نقص البنزين مش بتنور ) .

ده عيب عوامه البنزين , العوامه بتهييس

المشاركة الأصلية كتبت بواسطة elakawy

تاني مشكلة :

العربية مش بتدور الا لما ادوس على دواسة البنزين ....

دي كده مشكله رشاشات بتسييل

المشاركة الأصلية كتبت بواسطة elakawy

المشكلة الثالثة :

تنك البنزين بجد قرفني اوي .... اشتريت واحد استيراد وركبته وبعديها بشهرين لقيت فيه خرمين وبعدين لحمتهم لحام نحاس , بعديها بشهر لقيته بينقط تاني من ناحيه اللحامات ... فتنصحوني اجيب واحد استيراد تاني ولا اجيب واحد جديد , ولو نصحتوني بالجديد ياترى حيكون سعره كام تقريبا .

انا بصراحه مش عارف ايهما افضل الجديد ام الاستيراد , لكن اظن الاستيراد هايكون افضل

وانتظر رأي الزملاء

**swimmer25** · 07-05-2013 10:29 PM

أنا هقولك علي اللي اعرفه وهو تنك البنزين
أنا عندي اتقطع من الجنب ونزلت اشتريت واحد من الحرفيين ... بيتفك من عربيات متقطعة وعادة مش استيراد...ممكن تكون عربيات في مصر كانت مستعملة
وطبعا التانك ظاهر وهو راكب في العربية وبيبان
هتلاقي المصدي والمتطبق...استنضف واحد وخده علي ضمان وركب واملاه للاخر بعد التركيب بحيث انك تبقي مطمن...اللف هيكون في شارع واحد أول الحرفيين...خده من أوله لأخره لأن الأسعار هتتفاوت كتير
ممكن تلاقي تنك طالع عينه ويقولك 400 جنيه وفيه هيقولك 300 و350 ..انا اشتريت من واحد قرب أخر الشارع وفاصلت معاه وصلته ل 275 جنيه...بس كان شاب محترم بصراحة
التنك كان مطبق شوية من تحت وده هتلاقيه في كل التانكات لانهم بيعرضوا نص العربية من غير عجل فبتكون راكزة علي التانك
المهم ميكنش مصدي والزور بتاعه مش متني ولو لقيت واحد مش مطبق يبقي تمام لأن المتطبق هيفرق معاك في قراية عداد البنزين

بالتوفيق

**abo_lamar** · 08-05-2013 07:24 AM

المشاركة الأصلية كتبت بواسطة محمد الشامي

ده عيب عوامه البنزين , العوامه بتهييس

طيبيا ياباشا ايه الحل بتاع العوامة دي ؟؟
ممكن تتغير ولا لازم اغير الطرمبة كلها ؟؟

**a_arazik** · 08-05-2013 09:10 AM

اول مشكلة حلها ان شاء الله تغيير العوامة وهتتظبط (العوامة بتتغير لوحدها )
تاني مشكلة احتمال يكون الايدل عاوز يتنضف او الرشاشات مش عارف صراحة
تالت مشكلة هات واحد استيراد بس استنضف واحد من عندهم ....
شكرااااااااااا

**محمد الشامي** · 08-05-2013 10:05 AM

المشاركة الأصلية كتبت بواسطة a_arazik

تاني مشكلة احتمال يكون الايدل عاوز يتنضف او الرشاشات مش عارف صراحة

الايدل كنترولر وظيفته ضبط عدد لفات الموتور (على السلانسيه) مع الأحمال (اضاءه , تكييف , كاسيت , الخ) وبدون الأحمال :)

**tarek_2005** · 08-05-2013 11:09 AM

اختلف مع الزملاء في موضوع عوامة البنزين
العيب عندك في المؤشر زاته الفرملة بتاعته باظت
لانك بتقول بينزل للاحمر وبعدين يطلع تاني وده ناتج عن سرعة تاثره باهتزاز عوامة البنزين بالتنك وده يدل علي ان العوامة تعمل بكفاءة وان العيب بفرملة المؤشر

**swimmer25** · 08-05-2013 12:01 PM

المشاركة الأصلية كتبت بواسطة محمد الشامي

الايدل كنترولر وظيفته ضبط عدد لفات الموتور (على السلانسيه) مع الأحمال (اضاءه , تكييف , كاسيت , الخ) وبدون الأحمال :)

ما هو ممكن بردو يا محمد بيه
معني السلانسيه...إنك مش دايس بنزين...والواحد بيدور وهو مش دايس بنزين
بالتالي الهوا بيدخل للماكينة في حالة إنك بتدور من غير ما تدوس إكسلاتير من فتحة الأيدل ولو مسدودة مش هيدخل هوا ولو دوست إكسلاتير..هتتفتح البوابة ويدخل هوا
أنا بصراحة معرفش حل المشكلة بالظبط بس بتخيل معاك...

بس معني كدا كمان إن العربية تبطل وهي دايرة سلانسيه ولازم تديها دوسة إكسلاتير

بس ايه علاقة الرشاشات بتسيل بدوسة الإكسلاتير...يعني إشمعني بتدور لما يدوس ؟

-

الموضوع: ثلاثة مشاكل في اللانوس بتاعتي .

LinkBack

أدوات الموضوع

عرض

-

-

-

-

-

المواضيع المتشابهه

عايز اعمل اضاءة لدرج تابلوه اللانوس بتاعتي

ثلاثة مشاكل فى الماروتى

مشاكل اللانوس الغريبة

3 مشاكل في اللانوس

مشاكل فى اللانوس

الكلمات الدلالية لهذا الموضوع

المفضلات

المفضلات

ضوابط المشاركة