دردشة !

**moh19227** · 08-05-2013 02:03 AM

اسم الموضوع غريب شويه علشان الموضوع غريب شويتين
اول حاجه سؤال
واحد صاحبى اشترى عربيه بومه اتوماتيك 2008 والعربيه بتعمل شوية حاجات غريبه كده
مش ملاحظين كل حاجه غريبه ف الموضوع ده
1- ف بعض الاحيان واثناء تشغيل العربيه الكونتاكت شغال تمام واللمبات تنور بس العربيه متدورش كأن الفتيس على الـ D او الـ R
يقفل الكونتاكت ويفتح تانى تشتغل تمام
ممكن الحركة دي تحصل مرة يوميا مع العلم ان الكونتاكت بيعلق تعليقه خفيفه كده في اخر مرحله من القفل وانت بتشيل المفتاح
2- العداد بتاع البنزين كان مفول العربيه والعداد مرة واحد لاقاه على الـ E ولمبة البنزين نورت وبعد شويه العداد رفع شويه وبعد فترة رفع على الـ F
ايه التفسير ؟
----------------------------------------
استفسار !
مقاس كاوتشات الاوكتافيا والفولكس بصفه عامه والكورولا
205-55 R16
اشمعنا المقاس ده
والمقاس ده لو على جنط 15 او 17 مثلا هيبقى فى فرق ؟!!
وهل لو الجنط بقى اكبر مع نفس مقاس الكاوتش يفرق ف الثبات ولا لا ؟
يعنى ايه الفرق في الاداء بين المقاسات دي - دا لو المقاسات دي موجوده اصلا -
205-55 R16
205-55 R17
205-55 R18

--------------------------------
في حركة بشوفها في بعض العربيات لما تكون مركبه جنط كبير شويه
وهوا ان الجنط بيبقى مايل شويه ناحيه العربيه واخر حته ف الكاوتش حوالى 3 سم مبتبقاش لامسه الارض اصلا
فهل ده معناه ان الجنط مش مناسب للعربيه ؟
ولا الحركة دي - الجنط يبقي مايل ناحيه العربيه شويه - بتدى ثبات اكتر للعربيه ولا ايه ؟
الحركه دي شفتها كتير في الفيكترا ال 97 : 2003
الحركة دي بتبقى في الكاوتشات الخلفيه فقط

وشكرااااااااااااااااااااا ااااا

**د.محمدعبدالعال** · 08-05-2013 04:33 AM

أولا بالنسبة للعربية اللانسر واضح ان فيه لخبطة في ضفيرة العربية .. نصيحة يروح التوكيل يكشف كومبيوتر على العربية ولو الضفيرة فعلا مهيسة يغيرها في التوكيل مش بره

ثانيا بالنسبة للكاوتشات اللي بتشوفها مايلة .. لو لاحظت ان الكاوتشات الخلفية للعربية الفولكس بتبقى مايلة بس لبرة .. الفكرة في ميل الكاوتشات دي انها بتخلي ثبات العربية أحسن مع الجري وده دايما هتلاقيها في العربيات الألماني .. المرسيدس لما بتجري الكاوتشات بتميل لجوه .. والفولكس نفسها لما بتجري الكاوتشات اللي كانت مايلة لبره دي بتقلب وتميل لجوه ف تخلي ثبات العربية احسن لأنها بتعرض قاعدة العجل

**moh19227** · 09-05-2013 10:53 PM

المشاركة الأصلية كتبت بواسطة د.محمدعبدالعال

أولا بالنسبة للعربية اللانسر واضح ان فيه لخبطة في ضفيرة العربية .. نصيحة يروح التوكيل يكشف كومبيوتر على العربية ولو الضفيرة فعلا مهيسة يغيرها في التوكيل مش بره

ثانيا بالنسبة للكاوتشات اللي بتشوفها مايلة .. لو لاحظت ان الكاوتشات الخلفية للعربية الفولكس بتبقى مايلة بس لبرة .. الفكرة في ميل الكاوتشات دي انها بتخلي ثبات العربية أحسن مع الجري وده دايما هتلاقيها في العربيات الألماني .. المرسيدس لما بتجري الكاوتشات بتميل لجوه .. والفولكس نفسها لما بتجري الكاوتشات اللي كانت مايلة لبره دي بتقلب وتميل لجوه ف تخلي ثبات العربية احسن لأنها بتعرض قاعدة العجل

شكرااا يا محمد على المشاركة
وبالنسبه للقاسات دي

205-55 r16
205-55 r17
205-55 r18
ياترى ايه الفرق ف الاداء بينهم ؟