عرض للطباعة
الى اهل الخبره اصحاب الامانه فى الكلمه
انا معايا 100000 جنيه ومحتار اشترى جين2 سبورت (مع العلم انى سالت ناس قالوا خليك فى حاجه ماشيه ومتجربه فى السوق علشان لما تحب تبعها تلاقى زبون ) ولا اشترى اى عربيه من 80000 الف ل90000 الف زى اللانسر 1300 والياريس 1300 والاوبترا 1600 والماتريكس الشكل الجديد وعربيات كتير بس دول اشهرهم مع العلم انى بسوق مانيوال فقط
ياريت اللى يرد على الموضوع ميكونش متحيز لاى ماركه
ومع الشكر لجميع اعضاء المنتدى اللى هيرد واللى مش هيرد
معلش انا ليا تعقيب صغير
هو حضرتك بتشترى بالفلوس اللى معاك و لا باحتياجك
يعنى عايز عربية عائلية و لا عربية رياضية ؟
وبعدين بتختار مابين عربيات 1300 و 1600
انا شايف ان المهم الاول تحدد احتياجاتك من العربية و بعدين تقرر
من وجهة نظرى البحتة علشان ابقى بساعدك
عربية رياضية : تبقى الجين 2 بلا اى منازع
عربية عائلية : عندك اختيارات كتير جدا
بتسوق داخل البلد كتير يبقى عربية 1300 طبعا الميتسوبيشى و التويوتا اليارس و اخيرا الهوندا السيتى و هى من وجه نظرى افضلهم
بتسوق طرق مفتوحة و غير مزدحمة عندك : الصنى و الاوبترا و النيو اكسنت و الماتريكس و اللانسر 1600 و الافيو و حاجات كتير
لاانصحك بالنيو واجا لانها ماعجبتنيش خالص
وانا رايى لو معاك 100 ماتجيبش بيهم كلهم اشترى فى حدود الـ 90000 و اعمل تامين على العربية و خلى معاك مبلغ على جنب لزوم اى اضافات تحب تعملها فى العربية او لقدر الله لزوم تصليح اى حاجة
ربنا يوفق ان شاء الله
اولا شكرا يا استاذ احمداقتباس:
المشاركة الأصلية كتبت بواسطة ahmedsiyam
ثانيا انا شاب عايز عربيه فيها جميع الكماليات على قد فلوسى هى دى احتياجاتى عربيه مريحه وامان مش مهم اجرى واشد والكلام الفادى ده اللى كله شر حتى لو فى يوم اشتريت احسن واغلى عربيه فى العالم عمرى ماهفكر اشد مع حد لانى بصراحه اتقرصت من الشد والجرى وربنا ستر
ثالثا انا فى الشتاء جزء كبير من حركتى جوه البلد و فى الصيف جزء كبير على الطرق السريعه فصح ورحلات
رابعا انا زى مقولت لك فى الاول عايز عربيه على قد فلوسى بس اهم حاجه كمالياتها و المكانيكا بتعتها لان لو فيها اى مشاكل هسمع كلام وحش من والدى وانت ميردكش اتهزق من الاخر عايز عربيه full option وبسعر معقول
وشكرا
الهوندا السيتى او التويوتا اليارس هم الافضل من وجهة نظرى
و موفرة للبنزين و حاجة جميلة على الاخر و طبعا مراكز خدمة محترمة
عندك تويوتا فى صلاح سالم و هوندا عند اكاديمية مبارك
مراكز قريبة و ناس فاهمة و توكيلات محترمة بجد و اعتمادية كويسة موش كل شوية هايطلعلك عيب موش مفهوم و ان كان اى عربية فيها عيوب بس دول من وجهة نظرى اقلهم
وبعدين السيد الوالد هايستريح لاختيارك و انك بتبص لقدام و سعر اعادة البيع يبقى كويس برضه
اقتباس:
المشاركة الأصلية كتبت بواسطة ahmedsiyam
ممكن يا استاذ / احمد تقولنا ليه مع ان شكلها عجبني وكنت عايز انزل اشوفها
جين2 بلاش ياريس ولاا لاانسر اقسم بالله عربيات مووت فرامل مفيش مفيش ثباتت واسال مجرب
أنا أرجح الجين الجديدة
الياريس سيارة مدينة ممتازة و لكنها على الطريق مش قد كده
و اللانسر ...مش عارف أقوللك ايه هي سيارة لا يختلف عليها الكثير لأنها اعتمادية جدا و مناسبة داخل المدينة و على الطريق بس مش تحفة يعني و غير رياضية
يميزها طبعا سعر اعادة البيع
ارجح الجين 2 الجديده
+100000000000اقتباس:
أرسل أصلا بواسطة ahmedsiyam http://www.nilemotors.net/Nile/image...s/viewpost.gif
لاانصحك بالنيو واجا لانها ماعجبتنيش خالص
ممكن يا استاذ / احمد تقولنا ليه مع ان شكلها عجبني وكنت عايز انزل اشوفها
انا ماعجبنيش الخامات بتاعة الصالون نهائيا و تقفيلها من وجهة نظرى اقل من المتواضعاقتباس:
اقتباس:
أرسل أصلا بواسطة ahmedsiyam http://www.nilemotors.net/Nile/image...s/viewpost.gif
لاانصحك بالنيو واجا لانها ماعجبتنيش خالص
ممكن يا استاذ / احمد تقولنا ليه مع ان شكلها عجبني وكنت عايز انزل اشوفها
فتحت غطاء الموتور وجدت انهم استرخصوا على الاخر فى كل حاجة حتى غطاء فتحة الزيت شكله مقرف اوى
العربية فى مجملها ممكن تبقى حلوة ككماليات انما صالون هى سيئة و ماركبهاش بس للعلم انا عجبتنى جدا موديل 2007 و شايفها افضل من الجديدة
برضه انا احب اوضح انى شوفت الموديلين فقط و ماسوقتش العربية كل كلامى على الصالون فقط