تنعيم عفشة السيراتو 2013 خليجي الشكل القديم(مهم جدا)

**shrief123** · 08-05-2013 05:31 PM

جزاك الله خيرا

طيب بلاش نقول حلول لتنعيم العفشة تماما بس على الاقل ينعمها شوية بنسبة مثلا 40 % زي تغيير الكاوتش مثلا او مشوا المساعد و السوست عايزين نعرف حد حرب المواضيع دي و فعلا نجحت معاه في تنعييم العفشة ولو بنسبة مش تماما.

نرجو ان الناس تشاركنا الافكار و الحلول يمكن نقدر نوصل لحا أمثل لتنعييم عفشتها انت عارف طبع المصري عمره ما بيغلب لغاية اما يلاقي حل. :):):)

**hamaka** · 08-05-2013 06:47 PM

المشاركة الأصلية كتبت بواسطة ezzeldin1234

يا ا شريف زى ما قلت لحضرتك الموضوع مش موضوع خبرهو لا حاجه الحكايه كلها ان تصميم نظام العفشة بتاعت السيراتو غير مناسب للاجواء المصريه بالمره فاى حلول معاه مش هتنفع لان اساس الموضوع متغيرش
هتبقى عامل زى اللى لبس ترنج لونه احمر عشان بيخليه يجرى اسرع من الترنج اللى لونه ازرق

والله يا باشا هو أنا على قدر معلوماتى الضئيلة فى الموضوع ان مشكلة عفشة السيراتو الأساسية انها نظام تعليق غير مستقل ، بمعنى ان العجلتين الشمال و اليمين متوصلين ببعض بشكل شبه مباشر و ده بيخلى لما العربية تلبس نقرة يمين اللى قاعد شمال يحس بيها و العكس صحيح و خد عندك بقى مراجيح السبتية شمال و يمين فى شوارعنا ، العفشة الناعمة بتبقى نظام تعليق مستقل زى معظم الفرنساوى (خصوصاً الرينو العالى) و الأوروبى عموماً و بعض موديلات الكورى الغالية ، أو شبه مستقل و ده وسط بين الاتنين زى فى بعض الأوروبى الرخيص و الكورى المتوسط.....الفروق بينهم طبعاً فروق تكلفة ، و برضه فى بعض الأوروبى بينزل بنظام غير مستقل لتقليل التكلفة ، المستقل الأعلى تكلفة و الغير مستقل أقل طبعاً...الفكرة بقى هنا ان الحل الوحيد حتى الأن لفيلم السيراتو ده هو تركيب عفشة جديدة تماماً من النوع المستقل ، هو ده اللى هيضمن النتيجة بس المشكلة أكيد التكلفة هتبقى خراب بيوت ، هنا بقى السؤال ، هل فى جزء فى العفشة ممكن يتغير بحيث يحسنها تحسن ملحوظ بس برضه أقل من التعليق المستقل لاكن أفضل من اللى فيها أصلاً و فى نفس الوقت تبقى تكلفته معقولة شوية...و أنا برضه بصراحة مدورتش أوى فى الموضوع بس كان فى واحد صحبى قاللى ان لو عفشجى كويس و جبت قطع غيار استيراد أو جديد لو متوفر من عربية بتنزل أصلاً بتعليق مستقل و تكون حاجتها مهاودة ممكن ينفع ، بس للأسف معرفش حد جرب حاجة زى دى خاصة فى عربية جديدة ناس كتير ممكن تستحرم التعديل فيها...

**Walid_M** · 08-05-2013 08:16 PM

المشاركة الأصلية كتبت بواسطة shrief123

طيب بالنسبة لرد حضرتك ده عن خبرة ان ملهاش حل ولا عن طريق ان حضرتك سمعت بس كلام من الناس
احنا علشان كدا عايزين خبرة حد جرب الموضوع ده و هل فعلا نجح ان هو ينعم عفشة السيراتو يكون حد عنده خبرة عملية بالموضوع بنفسه مش عن طريق سماع كلام من الناس و بس نتمنى ان نلاقي حد يفيدنا ضروري

يا فندم أستاذ عز الدين رد الرد المناسب ...

المشاركة الأصلية كتبت بواسطة ezzeldin1234

يا ا شريف زى ما قلت لحضرتك الموضوع مش موضوع خبره و لا حاجه الحكايه كلها ان تصميم نظام العفشة بتاعت السيراتو غير مناسب للاجواء المصريه بالمره فاى حلول معاه مش هتنفع لان اساس الموضوع متغيرش
هتبقى عامل زى اللى لبس ترنج لونه احمر عشان بيخليه يجرى اسرع من الترنج اللى لونه ازرق

ده تصميم عفشة وأنا شخصياً لا أقتنع بتعديل العفشة ...
وناس كثير أعرفهم حاولوا بلا طائل !!!

من الأخر كده العربية دي موش للبلد دي !!!

تحياتي

**ezzeldin1234** · 09-05-2013 10:53 AM

ده تصميم عفشة وأنا شخصياً لا أقتنع بتعديل العفشة ...
وناس كثير أعرفهم حاولوا بلا طائل !!!

من الأخر كده العربية دي موش للبلد دي !!!

تحياتي
[/quote]

++++++111111

**moha4tec** · 09-05-2013 01:37 PM

السلام عليكم
بعض الحلول:
1- تغسل العفشه من تحت كويس و بعد كده ترش شحم ابيض بتاع شركة ابرو او فالفولين او اى شركه معروفه و موثوق فى منتجاتها هترش على كل جلب العفشه .و هتحس بالفرق بعد اسبوع و لحد شهر كده بعد كده العربيه هتكون نعمت شويه معقوله و لكن مش كتير
2- بعد غسيل العربيه فى الكار كير او البنزينه .بيرشو سائل على كوتش العربيه للتلميع بس هو كمان بيطرى الكوتش كتير
3- لو قللت ضغط الكوتش لحد 29 مثلا هتحس بفرق عن ال 32 بس ابعد عن اى حفر او مطبات .اوعى تاخد اى حفر او مطبات على سرعه عشان الكوتش هيعمل بلونه بسهوله و الضغط بتاع الهوا قليل عن ال 32 خصوصا الجنط ال 17
4- ناس قالولى لما تيجى تغيير المساعدين بتوع العربيه هات نوع اسمه kyb يابانى و دا افضل و انعم و اثبت من مساعدين الفبريكه بشويه .خصوصا الخلفى .
5-تغيير المساعدين الخلفى بمساعدين مشوار اطول و زاويه مختلفه بس صعب جدا جدا جدا تلاقيه اصلا و كمان هتبقى عاوز حد معاك بيفهم فى الاحمال و المساعدين عشان ياكدلك ان المساعدين دى تمشى مع عربيتك اصلا
5-فى عفشه سبور اسمها hsd فيها امكانيه تعليه و توطية العربيه و تنشيف او تنعيمها من راس المساعد .و اتجربت فى امريكا و مصر و فعلا العربيه بقت اثبت كتير عن الفبريكه و ممكن تخليها انعم من الفبريكه كمان بفرق ملحوظ بس غاليه و المساعد الخلفى بتاعها مشواره اطول و زاويته مختلفه و انعم و اقوى .سعر العفشه 1200 دولار غير شامل الشحن و لا الجمارك .
6- تغيير نوع الكوتش لما ياتى ميعاد تغيير عشان مترميش فلوسك فى الارض و ارشح البريدجستون التورانزا ال gr90 تماسك العربيه على الارض و ثباتها زاد و صوت الكوتش ناعم جدا و كمان طرى و العربيه بقت انعم .بس الكوتش دا يابانى و غالى بصراحه .سعره فى المقاس ال 215/45/17 1500 جنيه للفرده تقريبا و يوجد تخفيض لاعضاء نايل موتورز حوالى 5%.
7- الجنوط ال 15 انعم طبعا من ال 17 لان عرض جنب الكوتش اكبر فبالتالى بيمتص الصدمه اكتر .و العكس صحيح مع ال17 .
8-جزء من الاحساس بالنعومه هو العزل الصوتى .و ما شاء الله العفشه بتعمل اصوات حلوه هههه
ليها حل طبعا .http://www.nilemotors.net/Nile/257636-a.html
اقرا الموضوع دا هيفيك شويه و هيقلل او هيلغى اصوات ترزيع العفشه . طبعا لازم تنقى خامه افضل . و اقوى و تستحمل .و تكون مرنه بس قويه و متكونش بتتقطع بسهوله عشان تستحمل رزع المساعدين
9- فى نوع تنجيد للفرش بتاع الكراسى بيبقى ناعم زى اللى بيعمله جينز كار مثلا .الكرسى فعلا ناعم جدا جدا . ركبت عربيه هيونداى النترا 2008 معموله فى جينز كار و لقيت الكرسى ميح جدا على عكس الفرش الفبريكه الجلد اللى نازل فى السيراتو الكرسى بتاع السيراتو ناشف جدا جدا .

كل دى حلول و فى الاخر القرار لك .
و الله اعلم .
ان اخطات فهو منى و ان اصبت فبفضل الله على

**moha4tec** · 09-05-2013 01:54 PM

السلام عليكم
بعض الحلول:
1- تغسل العفشه من تحت كويس و بعد كده ترش شحم ابيض بتاع شركة ابرو او فالفولين او اى شركه معروفه و موثوق فى منتجاتها هترش على كل جلب العفشه .و هتحس بالفرق بعد اسبوع و لحد شهر كده بعد كده العربيه هتكون نعمت شويه معقوله و لكن مش كتير
http://www.nilemotors.net/Nile/334205-a.html
http://www.nilemotors.net/Nile/344608-a.html
2- بعد غسيل العربيه فى الكار كير او البنزينه .بيرشو سائل على كوتش العربيه للتلميع بس هو كمان بيطرى الكوتش كتير
3- لو قللت ضغط الكوتش لحد 29 مثلا هتحس بفرق عن ال 32 بس ابعد عن اى حفر او مطبات .اوعى تاخد اى حفر او مطبات على سرعه عشان الكوتش هيعمل بلونه بسهوله و الضغط بتاع الهوا قليل عن ال 32 خصوصا الجنط ال 17
4- ناس قالولى لما تيجى تغيير المساعدين بتوع العربيه هات نوع اسمه kyb يابانى و دا افضل و انعم و اثبت من مساعدين الفبريكه بشويه .خصوصا الخلفى .
5-تغيير المساعدين الخلفى بمساعدين مشوار اطول و زاويه مختلفه بس صعب جدا جدا جدا تلاقيه اصلا و كمان هتبقى عاوز حد معاك بيفهم فى الاحمال و المساعدين عشان ياكدلك ان المساعدين دى تمشى مع عربيتك اصلا
5-فى عفشه سبور اسمها hsd فيها امكانيه تعليه و توطية العربيه و تنشيف او تنعيمها من راس المساعد .و اتجربت فى امريكا و مصر و فعلا العربيه بقت اثبت كتير عن الفبريكه و ممكن تخليها انعم من الفبريكه كمان بفرق ملحوظ بس غاليه و المساعد الخلفى بتاعها مشواره اطول و زاويته مختلفه و انعم و اقوى .سعر العفشه 1200 دولار غير شامل الشحن و لا الجمارك .
http://i1169.photobucket.com/albums/...1/IMAG0223.jpg
http://www.forteforums.com/forums/at...te-5-rears.jpg
http://www.turbokits.com/Images/Part...bokitslogo.png
http://i1169.photobucket.com/albums/...1/IMAG0223.jpg
http://www.forteforums.com/forums/at...rear-right.jpg
http://www.forteforums.com/forums/at...adjustment.jpg
http://www.forteforums.com/forums/at...rear-wrong.jpg
6- تغيير نوع الكوتش لما ياتى ميعاد تغيير عشان مترميش فلوسك فى الارض و ارشح البريدجستون التورانزا ال gr90 تماسك العربيه على الارض و ثباتها زاد و صوت الكوتش ناعم جدا و كمان طرى و العربيه بقت انعم .بس الكوتش دا يابانى و غالى بصراحه .سعره فى المقاس ال 215/45/17 1500 جنيه للفرده تقريبا و يوجد تخفيض لاعضاء نايل موتورز حوالى 5%.
http://farm5.static.flickr.com/4117/...c2c67568b2.jpg
7- الجنوط ال 15 انعم طبعا من ال 17 لان عرض جنب الكوتش اكبر فبالتالى بيمتص الصدمه اكتر .و العكس صحيح مع ال17 .
8-جزء من الاحساس بالنعومه هو العزل الصوتى .و ما شاء الله العفشه بتعمل اصوات حلوه هههه
ليها حل طبعا .http://www.nilemotors.net/Nile/257636-a.html
اقرا الموضوع دا هيفيك شويه و هيقلل او هيلغى اصوات ترزيع العفشه . طبعا لازم تنقى خامه افضل . و اقوى و تستحمل .و تكون مرنه بس قويه و متكونش بتتقطع بسهوله عشان تستحمل رزع المساعدين
9- فى نوع تنجيد للفرش بتاع الكراسى بيبقى ناعم زى اللى بيعمله جينز كار مثلا .الكرسى فعلا ناعم جدا جدا . ركبت عربيه هيونداى النترا 2008 معموله فى جينز كار و لقيت الكرسى ميح جدا على عكس الفرش الفبريكه الجلد اللى نازل فى السيراتو الكرسى بتاع السيراتو ناشف جدا جدا .

كل دى حلول و فى الاخر القرار لك .
و الله اعلم .
ان اخطات فهو منى و ان اصبت فبفضل الله على