تنعيم عفشة السيراتو 2013 خليجي الشكل القديم(مهم جدا)

**shrief123** · 08-05-2013 11:01 AM

السلام عليكم جميعا يا أهل منتدى كيا

الحمد لله ربنا كرمني بشراء كيا سيراتو 2013 خليجي الشكل القديم الفئة القبل الكاملة بالقسط في اللحظة الاخيرة قبل ما أجيب الصني الجديدة او التيدا يا رب اكون اخترت صح علشان الصني كانت ناعمة جدا فعلا هي و التيدا بس اخترت السيراتو لاسباب تانية كتيير فيه هي احسن من العربيتين دول.
ادعولي ربنا يكرمني و أخلص أقساطها و يحفظهالي.

ندخل في المهم انا اشتريتها جنط 15 علشان تبقى عفشتها انعم شوية عملت بيها لغاية دلوقتي حوالي 2000 كم و عملتلها صيانة ال 1000 كيلو و ظبط الكاوتش نيتروجين على 28 و لسة حاسس ان عفشتها ناشفة و بما ان زوجتي حامل ربنا يرزقنا جميعا ذرية صالحة فهي بتحس بكل زلطة في الطريق و دة طبعا بيتعبها جدا جدا وبالنسبالي انا كل يوم بروح شغلي من مدينة نصر للقرية الذكية عن طريق الدائري فبوصل متململ .

كان عندي في السعودية فلوانس قبل ما ارجع مصر وكانت ناعمة جدا طبعا.

السؤال بقى لاهل الخبرة في السيراتو ما هي الحلول العملية لتنعيم عفشة السيراتو علشان انا سمعت كلام كتير زي تغيير السوست بسوست اكبر شوية علشان المشوار بتعاها يكون أكبر و في ناس قالت تغيير المساعديين بمساعديين هوا و في ناس قالت بما انها جنط 15 فهي حاتنعم لوحدها بعد 5000 كم و في ناس قالت تغيير الكاوتشات تبقى بمقاس اكبر.
رجاء افيدوني الموضوع مهم جدا بالنسبة لي .

وشكرا مقدما لكل من يريد المساعدة .

**ezzeldin1234** · 08-05-2013 11:46 AM

المشكله يا اخى الفاضل انك كنت راكب عربيات ناعمه جدا عن السيراتو فهتحس بفرق كبير
ويئسفنى انى اقولك ان السيراتو مش خشنه لا العكسهو اللى صح يعنى هما اخترعوا الخشونه والترزيع فى العربيات وبعدين ركبو عليه السيراتو ههههههههههه
انا اسف لو هتحبط من كلامى بس لازم تكون عارف امكانيات العربيه اللى انت راكبها

**memo823000** · 08-05-2013 11:52 AM

مبدائيا بيع الكوتش وركب بريدجستون يابانى وبكرر يابانى ﻻاندونيسى وﻻ تايﻻندى العفشه قتفرق 40 % وعن تجربه فى اﻻفيو بس انا فرقت معايا 60 % وانا متوقع نفس النتيجه

روح توكيل بريدج ستون وخلص فى اربع فرد يابانى ومتغلطش غلتطى وتنتظر لحد مالكوتش الكورى ااناشف جدا خﻻنى اربط عفشه كل 5 اﻻف كبلو دا غير الرزع والرجرجه

وبيع الاربعه اللى انت هتفكهم ولف على كام واحد لحد متجيب سعر كويس ﻻن اللى هياخدهم هيغسلهم ويبعهم كانهم لسه جداد

**shrief123** · 08-05-2013 12:36 PM

جزاك الله خيرا حاحول اعمل موضوع الكاوتش ده بس سؤال اغيرو بنفس المقاس اللي راكب ولا مقاس مختلف و بالسبة للاربع فرد يتباعو على كام دي حاجة .
الحاجة التانية في أي حاجة تانية ممكن تتعمل ؟

**ezzeldin1234** · 08-05-2013 12:54 PM

المشاركة الأصلية كتبت بواسطة memo823000

مبدائيا بيع الكوتش وركب بريدجستون يابانى وبكرر يابانى ﻻاندونيسى وﻻ تايﻻندى العفشه قتفرق 40 % وعن تجربه فى اﻻفيو بس انا فرقت معايا 60 % وانا متوقع نفس النتيجه

روح توكيل بريدج ستون وخلص فى اربع فرد يابانى ومتغلطش غلتطى وتنتظر لحد مالكوتش الكورى ااناشف جدا خﻻنى اربط عفشه كل 5 اﻻف كبلو دا غير الرزع والرجرجه

وبيع الاربعه اللى انت هتفكهم ولف على كام واحد لحد متجيب سعر كويس ﻻن اللى هياخدهم هيغسلهم ويبعهم كانهم لسه جداد

مع كامل احترامى لكلام حضرتك انا مركب اربع فرد بريدج ستون يابانى بقالى سنه ومفرقوش كتير لان المشكله فى تصميم العفشه بتاعت العربيه مش فى الكاوتش زى ما حضرتك بتقول
لكن بقول للاخ صاحب الموضوع لو حضرتك حابب تجيبهم انا جبتهم من توكيل بريدجستون اللى فى شارع مراد امام عمر افندى جنب الكنيسه اللى فى اول شارع مراد هو ده المكان اللى هيبيعهم مضمونين وبسعر من الاخر

**shrief123** · 08-05-2013 02:43 PM

متابع

**hamaka** · 08-05-2013 04:38 PM

متابع التنين ، حوارات العفشة بتاعة السيراتو دى بقت قضية رأى عام ياريت يكون ليها حل..

**Walid_M** · 08-05-2013 04:56 PM

من الأخر كده ... ومن غير لف ودوران وحوارات ...
عفشة السيراتو هو ده نظامها وهو ده أخرها !!!

جميع الحلول مسكنات ولا تتتناسب مع الفلوس اللي حتندفع فيها !!!
وفي الأخر حتفضل عفشتها ناشفة !!!

تحياتي

**shrief123** · 08-05-2013 05:06 PM

طيب بالنسبة لرد حضرتك ده عن خبرة ان ملهاش حل ولا عن طريق ان حضرتك سمعت بس كلام من الناس
احنا علشان كدا عايزين خبرة حد جرب الموضوع ده و هل فعلا نجح ان هو ينعم عفشة السيراتو يكون حد عنده خبرة عملية بالموضوع بنفسه مش عن طريق سماع كلام من الناس و بس نتمنى ان نلاقي حد يفيدنا ضروري

**ezzeldin1234** · 08-05-2013 05:23 PM

المشاركة الأصلية كتبت بواسطة shrief123

طيب بالنسبة لرد حضرتك ده عن خبرة ان ملهاش حل ولا عن طريق ان حضرتك سمعت بس كلام من الناس
احنا علشان كدا عايزين خبرة حد جرب الموضوع ده و هل فعلا نجح ان هو ينعم عفشة السيراتو يكون حد عنده خبرة عملية بالموضوع بنفسه مش عن طريق سماع كلام من الناس و بس نتمنى ان نلاقي حد يفيدنا ضروري

يا ا شريف زى ما قلت لحضرتك الموضوع مش موضوع خبرهو لا حاجه الحكايه كلها ان تصميم نظام العفشة بتاعت السيراتو غير مناسب للاجواء المصريه بالمره فاى حلول معاه مش هتنفع لان اساس الموضوع متغيرش
هتبقى عامل زى اللى لبس ترنج لونه احمر عشان بيخليه يجرى اسرع من الترنج اللى لونه ازرق