EX Saloon
مانيوال
فرش بيج
العربية جميلة ما شاء الله و والدي مبسوط بيها
هاكتب انطباعاتي عنها بس بعد لما تباركو الاول 8)
عرض للطباعة
EX Saloon
مانيوال
فرش بيج
العربية جميلة ما شاء الله و والدي مبسوط بيها
هاكتب انطباعاتي عنها بس بعد لما تباركو الاول 8)
congratulations 32bal elhammer
الف مبروك ياباشا ...ربنا يديكوا من خيرها ويبعد عنكوا شرها .....
مستني تقريرك الفني .....وان شاء الله يكون خيراااا وبشري للبيفكروا يشتروا نيسان.. :)
الف الف مبروك و ربنا يملاها لكم بركة بإذن الله
الف مبروك, ربنا يباركلكم فيها
اختيار موفق
الله يبارك فيكم جميعا
و الف شكر على المرور و التهنئة
نيجي للجد
العربية ب 85 الف جنيه
قعدنا كتير نفاضل بين الاوبترا و اللانسر 1300و الواجا و الجين تو و السيراتو و الياريس و السيتي 1300
و طبعا الصني
حيث اننا كنا بنحوم حوالين المبلغ ده .... :lol:
المهم
هاقولكم انطباعات سريعة كده عن العربيات التانية من وجهة نظر بابا و نظرة رجل في منتصف الخمسينات الموظف الوقور في سيارات اليوم:
الاوبترا ... شكلها مش حلو من الامام .. صاجها ضعيف بس عجبه الترتيب الداخلي و لقينا قطع الغيار غالية سنه ... ده غير انها بتفكره بالنوبيرا الله ما يرجع ايامها علينا
اللانسر ... 128 العصر الحديث + ان مفيش ضمان لو خليجي (و ده بابا رافضه) و العربية مفيهاش اوبشن كتير بس اروق تابلوه
الواجا .. عجبته جدا جدا جدا ... و كاد ان يشتريها لولا انها بالحجز شهر و نصف .. و قطع الغيار .. استهبال رسمي
الجين تو .. قاللي ايه العربية الاتاري دي... :mrgreen: و طبعا انا رأيي انها حلوة ... و تبقى برضو مشكلة قطع الغيار و التوكيل
السيراتو ... العربية جميلة بجد .. و احسن او تاني احسن عربية بالسعر ده بس التوكيل ... التوكيل
الياريس ... العربية دي غامضة جدا ... ساعات تحسها حلوة و ساعات مبعجرة ... انزعج جدا من كمية البلاستيك بره و جوه و قال بالحرف (ده مهانش عليهم يحطو كسوة قماش او جلد في الابواب) بس عجبته نعومتها
السيتي ... ال 1500 حلوة ... بس الناس في الفطيم عدولنا 13 فرق بينها و بين ال 1300 و علشان كده ما بقتش فرصة ده مع تحفظ بابا على الشكل شوية
اما الصني
العيوب الظاهرية (قبل الشراء):
التابلوه تحس انه الشكل القديم عن تابلوهات اليومين دول سنه
انطباع بانها واطية و خصوصا الشكمان
التقفيل الداخلي عنده مشاكل نفسية و ان كانت مش كبيرة قوي
سماعات الحاج احمد بهجت (جولدي) تفكرك بفيلم العار
المميزات الظاهرية(برضو قبل الشراء):
العربية تقفيلها الخارجي تحفة بالنسبة لانه مصري و بالسعر ده
بجد برافو
و تحس كده انها عربية ليها هيبة و شخصية
الاشادة بالتوكيل و اسعار قطع الغيار
متانة الصاج
تشجيع مالكيها لها (احنا بقينا بنوقف الناس بالعافية في الشارع و نسألهم)
الانتشار المتوسط (مش نادرة تكرهك في الدنيا و لا مرطرطة تحسسك بالملل)
و اشترينا و الحمد لله
من اوتو ايجبت المهندسين
و الصراحة الناس مش قد كده
لا تنظيم و لا اهتمام
بديهم نص عذر لان الضغط كبير بسبب الاقبال المفاجئ بعد خفض السعر
بس برضو في هرجلة
احنا كنا مضطرين بس علشان اللون
بس الحقيقة انا مش برشحهم (اوتو ايجيبت) للي عاوز يشتري
بعد الاستلام بقى
عيوب تانية اكتشفناها:
ريموت واحد بس (اخص على كده)
الموتور صوته بيعلا عند التعجيل ... و لكن عند السرعات الثابتة سكتم بكتم و لا تسمع له حتى همسة
حلية الباب (عتبة الباب البلاستيك) ضعيفة شوية
مميزات:
ايه الموتور ده ... ما شاء الله وحش مختبيء تحت الكبوت .. مع ملاحظة ان العربية تقيلة تقيلة
جير بوكس عشرة على عشرة ... و نسب تخفيض مدهشة
ثبات جامد فعلا ... ما تحسش بمشاكل على اي سرعة (انا جبت 120 للتجربة بس لان العربية في التليين و بعدين هديت بس ممتازة)
تكييف كان اصلا ... ديب فريزر .. و غير مسار :mrgreen:
حاجات عادية
الكراسي ... مش عظمة و لكن مش جربانة ... تمشي يعني
الزجاج فاتح شوية
ايريال يدوي
الاضاءة ... ادائها مش مبهر ... و بادور على لمبات اقوى
الفرامل معقولة ... بالنسبة لوزن السيارة .
الباور ... معقول
الكاسيت ... كويس مش وحش اوي زي ما قالو عليه بعض الناس في المنتدى هنا بالعكس ظريف بس محتاج سماعات كويسة
الخلاصة
ممكن تشتري واجا او سيراتو حلوين بس انت و حظك مع اسنان التوكيل اللي هتتعامل مع رقبتك بشراهة .. او متلاقيش قطع غيار في حالة الكيا
او
ممكن تجيب الصني و تاخد اداء 90 في ال 100 او اكتر من اداء الياباني ب 75 في ال100 من السعر او اقل ( باستثناء السيفيك :D )
برستيج حلو و عربية حمالة اسية
و لو في جديد هاقولكم
ملاحظة بسيطة ... اشكر الاستاذ خالد (سبعاوي) على تقييمه المفيد جدا للسيارة و اللي افادني كتير في قرار الشراء
مبروك يا باشا
الف الف مبروووووووووووك
ربنا يباركلك فيها
مبروك يا باشا على الصنى و اختيار موفق ان شاء الله :D :D
ألف مبروك يا باشا وعقبال لما تركب اليابانى الأصلى بس أنا عايز رأيك فى الأتى
هل السيارة بتحك فى المطبات ولا لأ وأيضا ما هو الفرق بينها وبين الماتريكس من حيث القوة والمتانة :roll:
ربنا يخليكو و يكرمكم يا جماعة :D :D :D
للي بيسأل عن الماتريكس و الصني
الماتريكس تكسب في الارتفاع عن الارض و الاتساع و اعادة البيع
الصني تكسب موتور و جير و صاج و برستيج و شنطة
الاتنين مش بعاد عن بعض في التقفيل و الباور و الفرامل و العزل و سعر قطع الغيار
الصني ماحكتش في مطبات حتى الان بس ده من سواقة بابا الهادية (حتى و هي شايلة 4 افراد)بس انا متأكد ان في حالة لو انا اللي سايق هتكون الحياة اصعب كتير :mrgreen:
و اي خدمة
ألف مبروك يا باشا و أختيار موفق إن شاء الله
الف ميروك وربنا يباركاقتباس:
EX Saloon
مانيوال
فرش بيج
العربية جميلة ما شاء الله و والدي مبسوط بيها
الف مبروك
ربنا يبارك لكم فيها ان شاء الله
:)
الف مبروك
ربنا يبارك لكم فيها
مبروك يا حبي وربنا يباركلك فيها
وعقبالك تجيب كرولا 1600 2008
الف الف الف مبروك
وعقبال البي ام كدة :mrgreen:
مبروك يا باشا على الصنى و اختيار موفق ان شاء الله
السلام عليكم
الف مبروك و ربنا يبارك لكم فيها
الف مبروك وربنا يباركلك فيها يارب
الف شكر يا جماعة بجد شعور جامد جدا الناس الحلوة اللي بتبارك بحب و اهتمام دي الواحد يلاقي زي كده فين
دعواتكم بقى
الف مبروك
ألف ألف مبروك على الصانى النبيتى ومبرحبا بك فى نادى الصنى (اللى واضح انه هايبقى زحمة اوى بعد الأسعار الجديدة :o مصلحة علشان قطعا الغيار ترخص)
على فكرة انا قبت على الخمسة آلاف، والملحوظة الهامة اللى لاحظتها ان صوت الموتور اتحسن كتير عن الأول، مبيقيشت اسمعه لا فى سحب ولا سرعة ثابتة، مش بسمعه إلا لو حرقت جامد على سرعة بطيئة (لو مثلا طالع من إشارة وعايز اكسب الطريق الفاضى او عايز اعدى من تاكسجى رخم قافل الطريق وماشى 40 مثلا)
اما الثبات على الأرض فكما قلت انت هو من احلى مميزات هذة السيارة، عجبة ، لاصقة فى الأرض بغراء على ايه سرعة
انا على فكرة اشتريت من السبع وهو برضه موزع معتمد وكان منظم جدا فى التعامل، بس دة طبعا قبل تخفيض الأسعار الأخير وممكن تكون الدنيا عنده زحمة ديلوقتى،
بس عموما انا متأكد انك مع الوقت هتحب العربية اكثر واكثر ، لأن ده اللى حصر معايا، كل ما الوقت بيعدى بحس اكثر واكثر ان العربية بقت على مقاسى وانها بقت تقرأ افكارى وتنفذها بسلاسة، وقربنا نصل الى حالة الصداقة بين الإنسنا والآلة التى تتحول فيها الآلة الى طرف خامس من اطراف الإنسان ينفذ افكاره بسلاسة الآطراف الأربعة الأخرى
الف شكر محمد الشيخ
و شكرا على المرور سبعاوي باشا ... و ربنا يكتر الاعضاء علشان قطع الغيار زي ما بتقول
و بكرر شكري على تقييمك الممتاز للعربية و اللي ساعدني على الاختيار
و شكرا لكل الناس اللي باركت او اللي مسمحتش ظروفهم يباركوا
و ربنا يكرمنا جميعا ببركته
الف مبروك وربنا يباركلك فيها
المرايات كهرباء ولا لا الاير باج اخباره ايه نور التابلوه شكله كويس ولا لا شنطة العربية واسعة ولا لا و شكل ازرار التطيف شكلها حلو ولا لا ----------- هو ده المطلوب قولنا عليه
المرايات كهرباء ولا لا الاير باج اخباره ايه نور التابلوه شكله كويس ولا لا شنطة العربية واسعة ولا لا و شكل ازرار التكيف شكلها حلو ولا لا ----------- هو ده المطلوب قولنا عليه --- والف كبروك يا باشا
اقتباس:
المشاركة الأصلية كتبت بواسطة الريس
هههههههههههههههههه
ده كان فعلا رأيي لما جربتها مع واحد صاحبي
و هيا عربية كويسة بتمن معقول
اه نسيت اقولك الف الف مبروك يا ريس
الف مبروك
ياه
دي بقالها معانا شهرين دلوقتي
tmz9111
modux
و الله فيكو الخير
و الف شكر على المرور من هنا
بس استنى انت و هو
انت مش لابس الحزام
فين رخصك
الف مبروك ياباشا ...ربنا يديكوا من خيرها ويبعد عنكوا شرها
انا حاجر صني اكس صالون ((( نبيتي ))) و من جوا بيج
المفروض انشاء الله استلم الاسبوع دا من مودرن موتورز
اهم حاجة يا لؤي باشا
تاخد كتيب الضمان
و تركب فرش فورا
و ربنا يباركلك فيها
مبروك يا باشا مع انها جت متأخرة بس أنا لما شفت الموضوع قلت لازم أبارك
ألف مبروك يا باشا و أختيار موفق إن شاء الله
و انا من وجهة نظري انك وفقت و الحمد للة لسيارة ممتازة و توكيل ممتاز
و مازالت التهانى متدفقة الف مبروك بس عايزين شوية حكاوى عن تجربتك لها وكل سنة وانت طيب
الف مبروك،
ربنا يباركلك فيها ويكفيك شرها.
الف شكر يا جماعة