هولع في الالنترا ٢٠١٢ وارتاح

عرض للطباعة

08-05-2013, 12:38 PM
mexx9110

هولع في الالنترا ٢٠١٢ وارتاح

بقالي يومين لفيت الحرفيين وشارع دمشق علي فانوسين الانترا md شمال أمامي وخلفي ووجدت الآتي:
١- أما أجيب فانوسين استيراد أمامي ب ٦٥٠ وخلفي ب ٦٠٠ لكن مشكلتهم أن الأمامي مفيهوش لمبة نور واطي والمفروض أني بعد ماأشتري الفانوس أروح عند كهربائي يعمللي فتحة ويزودلي لمبة الواطي وده طبعا أي كلام في الحمادة وأما الفانوس الخلفي فالشكل هو هو لكن المشكلة في وجود تجزيعة في الفانوس بتاع غبور مش موجودة في الخليجي.
٢-كل الموجود في السوق واللي بيقولوا عليه أصلي mobis هو صيني فرز اول ومختوم بختم مضروب صنع في كوريا وده سعره ٦٥٠ للخلفي ومش لاقي الأمامي نهائي ولكن عرفت أن سعره في حدود ١٢٠٠.
٣-طبعا بالنسبة لل depo لم ينزل لها حتي الآن.
٤- أما الوكيل ربنا يعمر بيته فالفانوس الأمامي ٢٢٠٠ جنية والخلفي ١٤٠٠ وده طبعا محتاج أن حماده يرد عليهم لأني لو
علقت علي السعر تعليقي مش هيبقي ظريف. حسبنا الله ونعم الوكيل.

وأخيرا الشبكة الأمامي علوي: كل اللي في السوق صيني ومتصدقش اللي يقولك اصلي واسعارها من ٢٠٠ الي ٤٥٠ حسب إمكانية البياع في النصب. أما الوكيل معندهوش الشبكة المط عنده النيكل بس ب ٥٣٠ وأنا عايز المط. اعمل إيه أولع في العربية واخلص.

أرجو المساعدة.
08-05-2013, 12:47 PM
freeman207

طيب الله يكرمك مشوفتش حد بيبيع مرايات هناك ولو تقدر تدينى ارقام تليفوناتهم لان انا من محافظة الدقهلية
08-05-2013, 01:53 PM
hossam_elwani

استاذ سمير الشهاوى عارف عنوان ورقم تليفون شركه صينيه او وكيل مش فاكر بيبيعو الفانوس بــ 250 جنيه وبيقول ان الجوده 90% زى الاصلى ابحث فى المواضيع وانت حتعرف المعلومه او استنى وهو حيرد عليك
08-05-2013, 02:52 PM
tamerraft

ركبت سوست ايبخ علشان الثبات قالو بتوطى العربية 3سم فقط بعد التركيب العربية ارتفاعها قل 7سم فكتهم فى نفس اليوم وعايز ثبات اعمل ايه
08-05-2013, 02:58 PM
Mohab.Nabil

مش عارف اقول لحضرتك ايه

دا انا قولت مع انتشار العربية القوى ده اكيد هتلاقى قطع الغيار زى الرز و تلاقى الف نوع و نوع و تختار اللى عايزه

مش عارف طيب امتى العربيات يبقى ليها قطع غيار متنوعة .. ديه الالنترا مبيعاتها عالية جدا
08-05-2013, 04:46 PM
hamaka

اقتباس:

المشاركة الأصلية كتبت بواسطة mohab.nabil

مش عارف اقول لحضرتك ايه

دا انا قولت مع انتشار العربية القوى ده اكيد هتلاقى قطع الغيار زى الرز و تلاقى الف نوع و نوع و تختار اللى عايزه

مش عارف طيب امتى العربيات يبقى ليها قطع غيار متنوعة .. ديه الالنترا مبيعاتها عالية جدا

+1111111111
08-05-2013, 07:06 PM
lanos2004

بدل اما تولع فيها هاتها لفه من غير فوانيس انا راضى بيها على عيبها
08-05-2013, 10:26 PM
Samir Elshahawy

كل مشكلة و لها حل , و زي ما العربية بتستحملنا و بتستحمل مشاويرنا و شايلانا لازم أحنا كمان نستحملها و نشيلها وقت أحتياجها لنا

زي مابيقولوا في الصحة و المرض و السراء و الضراء ..... هههههههههههه
08-05-2013, 10:54 PM
hossam_elwani

اقتباس:

المشاركة الأصلية كتبت بواسطة samir elshahawy

كل مشكلة و لها حل , و زي ما العربية بتستحملنا و بتستحمل مشاويرنا و شايلانا لازم أحنا كمان نستحملها و نشيلها وقت أحتياجها لنا

زي مابيقولوا في الصحة و المرض و السراء و الضراء ..... هههههههههههه

قله على تفاصيل الشركه الى شفتها فى المعرض
10-05-2013, 12:31 PM
mexx9110

وأخيرا زست....وبعد مالفيت الحرفيين وشارع دمشق والتوفيقية محل محل وجدتها!!!
المحل اسمه محمد عاصم ورقمه 01149991805 فى الحرفيين وشارع دمشق ومحترم جدا وعنده الفانوس الامامى أصلى مواصفات الوكيل 1250 والخلفى أصلى موبس وبرضه مواصفات الوكيل 700 .... بالنسبة للشبكه الامامية علوى المط مش موجودة حتى عند الوكيل والوكيل عنده 3 أشكال كلهم نيكل سعرهم 500 اما اللى فى السوق كله صينى واسعاره من 250 حتى 450 بالعلامة ولقيها فى التوفيقية عند محل اسمه المتحدة للتجارة والتوكيلات ورقمه 0225796645 ب 160 جنيييه بس بدون العلامة أما الكارتيره فجبتها موبس ب 130 من عندهم برضة وعلى فكرة كان عندهم فانوس امامى صينى ب 700 بس ردىء جدا واصلى موبس بس بتاع الخليجى يعنى من غير نور الواطى ب 1350 والخلفى ب650 بس برضة بتاع الخليجى مش الوكيل.
برضة فى واحد اسمه بدر الدين بالمول الجديد محل 14ورقمه 01225803600-0225789414 عنده الفوانيس الخلفى ليدات ب 2600 كاملين.
وفى نفس المول لقيت واحد اسمه الشركة اليابانية بتاع فوانيس بس ورقمه 01277252605-01002446442 عنده الفانوسين على بعض صينى ب 1100 نوعهم todo حاجة زى depo بس ممسكتهمش بأيدى فمعرفش جودتهم.
أما الوكيل غبور فالفانوس الامامى عنده ب 2200 وبعد الخصم بتاع الحبايب وصل ل 1800 والخلفى 1350 وبعد التظابيط 1050.
أهم حاجة استفدتها من اللفة دى انى اتعرفت على واحد محترم زى م.سمير الشهاوى مدير قسم الهيونداى بالمنتدى بصراحة راجل محترم جداوأخلاق مسابنيش لحظه واحده وكان كل شوية يتصل بيه للاطمئنان والمتابعة واستفدت منه كتييييير.... ربنا يباركلة.
10-05-2013, 12:41 PM
rawhany

اقتباس:

المشاركة الأصلية كتبت بواسطة freeman207

طيب الله يكرمك مشوفتش حد بيبيع مرايات هناك ولو تقدر تدينى ارقام تليفوناتهم لان انا من محافظة الدقهلية

انزل الحسنية (المنصورة) في ناس كتيير مقطعينها شفت منها ابيض وفيراني واسود
10-05-2013, 01:22 PM
freeman207

اقتباس:

المشاركة الأصلية كتبت بواسطة rawhany

انزل الحسنية (المنصورة) في ناس كتيير مقطعينها شفت منها ابيض وفيراني واسود

شكرا ربنا يخليك هنزلهم
10-05-2013, 10:53 PM
Samir Elshahawy

اقتباس:

المشاركة الأصلية كتبت بواسطة mexx9110

وأخيرا زست....وبعد مالفيت الحرفيين وشارع دمشق والتوفيقية محل محل وجدتها!!!
المحل اسمه محمد عاصم ورقمه 01149991805 فى الحرفيين وشارع دمشق ومحترم جدا وعنده الفانوس الامامى أصلى مواصفات الوكيل 1250 والخلفى أصلى موبس وبرضه مواصفات الوكيل 700 .... بالنسبة للشبكه الامامية علوى المط مش موجودة حتى عند الوكيل والوكيل عنده 3 أشكال كلهم نيكل سعرهم 500 اما اللى فى السوق كله صينى واسعاره من 250 حتى 450 بالعلامة ولقيها فى التوفيقية عند محل اسمه المتحدة للتجارة والتوكيلات ورقمه 0225796645 ب 160 جنيييه بس بدون العلامة أما الكارتيره فجبتها موبس ب 130 من عندهم برضة وعلى فكرة كان عندهم فانوس امامى صينى ب 700 بس ردىء جدا واصلى موبس بس بتاع الخليجى يعنى من غير نور الواطى ب 1350 والخلفى ب650 بس برضة بتاع الخليجى مش الوكيل.
برضة فى واحد اسمه بدر الدين بالمول الجديد محل 14ورقمه 01225803600-0225789414 عنده الفوانيس الخلفى ليدات ب 2600 كاملين.
وفى نفس المول لقيت واحد اسمه الشركة اليابانية بتاع فوانيس بس ورقمه 01277252605-01002446442 عنده الفانوسين على بعض صينى ب 1100 نوعهم todo حاجة زى depo بس ممسكتهمش بأيدى فمعرفش جودتهم.
أما الوكيل غبور فالفانوس الامامى عنده ب 2200 وبعد الخصم بتاع الحبايب وصل ل 1800 والخلفى 1350 وبعد التظابيط 1050.
أهم حاجة استفدتها من اللفة دى انى اتعرفت على واحد محترم زى م.سمير الشهاوى مدير قسم الهيونداى بالمنتدى بصراحة راجل محترم جداوأخلاق مسابنيش لحظه واحده وكان كل شوية يتصل بيه للاطمئنان والمتابعة واستفدت منه كتييييير.... ربنا يباركلة.

بداية أنا بأشكرك بالنيابة عن كل أعضاء قسم هيونداي و خاصة مالكي الجميلة ألنترا md
بأستأذن حضرتك في تغيير عنوان الموضوع ليكون ضمن فهرس الألنترا md في الجزء الخاص بقطع الغيار

ثانيا.. أنا لم افعل سوي واجبي في متابعة كل مايتعلق بمشاكل الاعضاء و حقيقي أشعر بتقصير شديد تجاهكم جميعا بسبب ظروف عملي التي تأخذ كل وقتي حاليا لكني بأحاول علي قدر المستطاع
10-05-2013, 11:57 PM
MuhamedNabil

اتفق مع الفى الحرفيين على ان انت تديلو الكشاف اليمين بتاعاك و تاخد منه اتنين زى بعض و كدة مكسب ليك و ليه لان بصراحة قطع الغيار اسعارها عبيطة على عربيات دخلت مصر و اكتسبت سمعته انها عربيات اقتصادية.
11-05-2013, 01:20 AM
mhkorayem

الحمد لله انك لاقيت حلول
وكل مشكله وليها حل :S_thum1[1]:
11-05-2013, 02:50 AM
Formulator

اقتباس:

المشاركة الأصلية كتبت بواسطة tamerraft

ركبت سوست ايبخ علشان الثبات قالو بتوطى العربية 3سم فقط بعد التركيب العربية ارتفاعها قل 7سم فكتهم فى نفس اليوم وعايز ثبات اعمل ايه

هو بصرف النظر عن الـOff-Topic :alien42:
- انت متأكد انها بتاعة عربيتك (إلانترا md بالموتور ده 1.6 و specs ميدل-إيست)؟؟!!

عشان: لو هى بتاع إلانترا فعلا - بس دول تانية غير الوكيل/الخليجى.. المواصفة بتاع العفشة فيها إختلاف!

أولها الـground-clearance
وحصلت معانا فـ كذا عربية (و أوروبى) نجيب الـEibach/Bilstein أو كيتات Coilover و محددين الرينج والموديل: انها توطى 25/30 أو 40 مللى بالكتير..

ونلاقيها وطيت 70 مللى (7سم زى ماحصل معاك)؟!! وفـ الآخر إكتشفنا ان العربيات عندهم أوطى -عشان الطرق أنظف- وطبعا Eibach بتقول الأرقام على أساس عندهم فـ أوروبا؟!!

بس عموما: لو عايز تحسن الثبات -- هتضطر تغير دامبرات/مساعدين مش سوست بس!
لأن كل عربيات هونضاى-قيا اللى نزلت مصر.. دايما كان فيها مشاكل فـ الـDamping: ناشف بزيادة أو طرى والـrate بتاعه أعلى من اللازم؟!! :grin54:
الـRB: المساعدين اللى ورا - السيراتو: السوست والمساعدين!! فـ الإلنترا ماعتقدش هتبقى إستثناء؟!!

فيه كذا واحد مجنطين 17 وكاوتش عريض، ومغيرين عفشة كاملة (بس tein/cusco و Apex ميرويد مش إيباخ وبليشتين).. والثبات إتحسن بس نشفت أوى!

- ممكن تسأل (عـ الفيس حتى) فـ power-zone مينا صبرى، أو حمادة غزى، وممكن عند Enzo كريم سالم، أو Doos-banzin فـ السابع؟
وعندك عادل وجدى TPS وميدو فـ الحرفيين -ومحمد عثمان Go فـ شيراتون أو ألماظة!

دول هتلاقى عندهم كل حاجة -ان شاء الله

اقتباس:

المشاركة الأصلية كتبت بواسطة Samir Elshahawy

كل مشكلة و لها حل , و زي ما العربية بتستحملنا و بتستحمل مشاويرنا و شايلانا لازم أحنا كمان نستحملها و نشيلها وقت أحتياجها لنا
زي مابيقولوا في الصحة و المرض و السراء و الضراء ..... هههههههههههه

lol
انت هترتبط بكورية؟؟!!! :verygood: هههههههههههههههههههه
يابشمهندس إيه الأسعار دى؟؟ هى دى العربيات الرخيصة اللى حاجتها منتشرة؟!!
فانوس أيه (mando-Hella :grin54:) كورى اللى بـ 2200؟!! أو صينى بـ1200؟!!

أمال الفانوس الـBosch/AL أو الـDelphi/Philips أو حتى الـDenso اليابانى يتباع بكام؟!!

أزعلك دلوقتى: وأقولك أسعار فوانيس عربيات ألمانى/أوروبى (وكمان بـlens/Projector وليدات أو DRL أوريجينال من التوكيل) بكام؟؟
- مش بقى فانوس هيونداى من غير بروجيكتور/عدسات ولا ليدات؟؟!!! وكورى!! :alien42:
ههههههههههههههه تهريج وإشتغالات! :grin54::grin54:
11-05-2013, 08:14 AM
Walid_M

اقتباس:

المشاركة الأصلية كتبت بواسطة formulator

يابشمهندس إيه الأسعار دى؟؟ هى دى العربيات الرخيصة اللى حاجتها منتشرة؟!!
فانوس أيه (mando-hella :grin54:) كورى اللى بـ 2200؟!! أو صينى بـ1200؟!!

أمال الفانوس الـbosch/al أو الـdelphi/philips أو حتى الـdenso اليابانى يتباع بكام؟!!

أزعلك دلوقتى: وأقولك أسعار فوانيس عربيات ألمانى/أوروبى (وكمان بـlens/projector وليدات أو drl أوريجينال من التوكيل) بكام؟؟
- مش بقى فانوس هيونداى من غير بروجيكتور/عدسات ولا ليدات؟؟!!! وكورى!! :alien42:
ههههههههههههههه تهريج وإشتغالات! :grin54::grin54:

شوف يا كبير ....

أنا عاوز أقول حاجة ...
أنا لما أشتريت عربيتي ال hd ما كونتش مقتنع نهائي إني أدفع ايامها اكثر من 100 الف جنيه في عربية كوري !!!

واشتريتها لأني كنت مزنوق ومحتاج عربية !!!

وواحد صاحبي تاجر سيارات قالي اركبها كام شهر وانا حبيعهالك وموش حخسرك أكثر من 2000 جنيه ...
فقلت ماشي كأني ماجرها ..

وبالفعل ركبتها بصفة مؤقتة ... ولكن !!!

لقيت العربية مشاء الله حاجة ثانية خالص ...
صالون واسع وتكييف جامد جداً وموتور محترم جدا ( أوتو ) , أنا باركب أوتو من أكثر من 20 سنة مفيش عربية اوتو حسستني بطعم المانويل غير الالنترا وقبلها السيفك طبعاً
الثبات حلو ومعقول بالنسبة للكورولا 2007 اللي كنت عاوزها ايامها ...

نيجي لقطع الغيار

كان الفانوس الأمامي في التوكيل ايامها حوالي 2800 جنيه على ما أذكر , الفاتوس الخلفي تقريباً 2300 جنيه موش فاكر صراحة بس أعتقد الاسعار كانت كده ...
قطمة الدريكسيون 16,000 جنيه لوحة الكومبيوتر 26,000 جنيه ...
أسعار بصراحة تحرق الدم ... !!!

بعد سنتين ثلاثة ...
الفانوس الأمامي ديبو لا تفرقه عن الأصلي كثير 170 جنيه أو ما شابه
علبة الدريكسيون ( الاسكترا ) 1000 جنيه جديدة 300 جنيه استعمال !!!
لوحة الكومبيوتر 1200 أو 1500 استعمال ... وهكذا
الاكصدام الأمامي تايواني 160 جنيه ... الخ

الكلام ده لا يمكن تلاقيه لا في اوروبي ولا ياباني وأنا كنت راكبهم ....

أنا عربيتي معايا مشاء الله ماشية 60 الف كم لم أصرف عليها سوى البنزين والصيانات الدورية ...

وأحمد الله لم تتعطل مني مرة واحدة ... ومازال أدءها مشاء الله كالزيرو
وأنا كنت دائماً حريص على الصيانة بالتوكيل وقطع الغيار الأصلية !!!

يعني عربية إعتمادية بأقل مصاريف تشغيل ...

لو خيرتني ما بينها وبين عربية أوروبي ...
حقولك أوروبي طبعاً .... ولكن لازم أغير الفئة السعرية اللي حاشتغل عليها !!!

أخيراً تقبل فائق الشكر والتقدير

تحياتي
11-05-2013, 12:59 PM
Formulator

قد يكون عندك حق ياوليد بيك :)
يمكن الإلنترا md لما تقدم شوية قطع الغيار تنتشر أكثر بأسعار أقل؟!!

- أما الإلنترا hd فـ دى كانت أكثر عربيات هيونداى value-for-money فـ وقتها (2009-2010)!!

وفعلا قطع الغيار replacement بالأسعار دى -- صعب تتوفر فـ أوروبى أو يابانى!
للأسف: حتى القطع الـAftermarket بيبقى ليها specs وسعر مابتنزلش عنه؟!! :pffft:

Rgds،
11-05-2013, 01:26 PM
khaabas

اقتباس:

المشاركة الأصلية كتبت بواسطة Walid_M

شوف يا كبير ....

أنا عاوز أقول حاجة ...
أنا لما أشتريت عربيتي ال hd ما كونتش مقتنع نهائي إني أدفع ايامها اكثر من 100 الف جنيه في عربية كوري !!!

واشتريتها لأني كنت مزنوق ومحتاج عربية !!!

وواحد صاحبي تاجر سيارات قالي اركبها كام شهر وانا حبيعهالك وموش حخسرك أكثر من 2000 جنيه ...
فقلت ماشي كأني ماجرها ..

وبالفعل ركبتها بصفة مؤقتة ... ولكن !!!

لقيت العربية مشاء الله حاجة ثانية خالص ...
صالون واسع وتكييف جامد جداً وموتور محترم جدا ( أوتو ) , أنا باركب أوتو من أكثر من 20 سنة مفيش عربية اوتو حسستني بطعم المانويل غير الالنترا وقبلها السيفك طبعاً
الثبات حلو ومعقول بالنسبة للكورولا 2007 اللي كنت عاوزها ايامها ...

نيجي لقطع الغيار

كان الفانوس الأمامي في التوكيل ايامها حوالي 2800 جنيه على ما أذكر , الفاتوس الخلفي تقريباً 2300 جنيه موش فاكر صراحة بس أعتقد الاسعار كانت كده ...
قطمة الدريكسيون 16,000 جنيه لوحة الكومبيوتر 26,000 جنيه ...
أسعار بصراحة تحرق الدم ... !!!

بعد سنتين ثلاثة ...
الفانوس الأمامي ديبو لا تفرقه عن الأصلي كثير 170 جنيه أو ما شابه
علبة الدريكسيون ( الاسكترا ) 1000 جنيه جديدة 300 جنيه استعمال !!!
لوحة الكومبيوتر 1200 أو 1500 استعمال ... وهكذا
الاكصدام الأمامي تايواني 160 جنيه ... الخ

الكلام ده لا يمكن تلاقيه لا في اوروبي ولا ياباني وأنا كنت راكبهم ....

أنا عربيتي معايا مشاء الله ماشية 60 الف كم لم أصرف عليها سوى البنزين والصيانات الدورية ...

وأحمد الله لم تتعطل مني مرة واحدة ... ومازال أدءها مشاء الله كالزيرو
وأنا كنت دائماً حريص على الصيانة بالتوكيل وقطع الغيار الأصلية !!!

يعني عربية إعتمادية بأقل مصاريف تشغيل ...

لو خيرتني ما بينها وبين عربية أوروبي ...
حقولك أوروبي طبعاً .... ولكن لازم أغير الفئة السعرية اللي حاشتغل عليها !!!

أخيراً تقبل فائق الشكر والتقدير

تحياتي

أستاااااااااااااااااااااا ااااااااااااااااااااااااا ااااااااااذ
وكبيييييييييييييييييييييي يييييييييييييييييييييير
اوووووووووووووووووووووووو ووووووي
:verygood:
11-05-2013, 05:21 PM
ENG\AHMED

اقتباس:

المشاركة الأصلية كتبت بواسطة walid_m

شوف يا كبير ....

نيجي لقطع الغيار

كان الفانوس الأمامي في التوكيل ايامها حوالي 2800 جنيه على ما أذكر , الفاتوس الخلفي تقريباً 2300 جنيه موش فاكر صراحة بس أعتقد الاسعار كانت كده ...
قطمة الدريكسيون 16,000 جنيه لوحة الكومبيوتر 26,000 جنيه ...
أسعار بصراحة تحرق الدم ... !!!

بعد سنتين ثلاثة ...
الفانوس الأمامي ديبو لا تفرقه عن الأصلي كثير 170 جنيه أو ما شابه
علبة الدريكسيون ( الاسكترا ) 1000 جنيه جديدة 300 جنيه استعمال !!!
لوحة الكومبيوتر 1200 أو 1500 استعمال ... وهكذا
الاكصدام الأمامي تايواني 160 جنيه ... الخ

تحياتي
[/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size][/size]

سؤال بس معلش
هى دى اسعار ايه ؟؟؟!!!!!!
الانترا 2007 !!!!!!!!!!!!!!!
11-05-2013, 05:31 PM
Samir Elshahawy

اقتباس:

المشاركة الأصلية كتبت بواسطة formulator

قد يكون عندك حق ياوليد بيك :)
يمكن الإلنترا md لما تقدم شوية قطع الغيار تنتشر أكثر بأسعار أقل؟!!

- أما الإلنترا hd فـ دى كانت أكثر عربيات هيونداى value-for-money فـ وقتها (2009-2010)!!

وفعلا قطع الغيار replacement بالأسعار دى -- صعب تتوفر فـ أوروبى أو يابانى!
للأسف: حتى القطع الـaftermarket بيبقى ليها specs وسعر مابتنزلش عنه؟!! :pffft:

rgds،

المشكلة حتي في العربيات الاوروبية أو اليابانية أن أسعار قطع الغيار مبالغ فيها و انا بأقولك الكلام ده عن ثقة لأني كنت بأشتغل في أحد التوكيلات الاوروبية الشهيرة و كان المكسب بلا مبالغة 10 اضعاف

المشكلة يا عزيزي أن التوكيلات كلها بتشتغلنا
11-05-2013, 05:46 PM
Walid_M

اقتباس:

المشاركة الأصلية كتبت بواسطة eng\ahmed

سؤال بس معلش
هى دى اسعار ايه ؟؟؟!!!!!!
الانترا 2007 !!!!!!!!!!!!!!!

أيوه يا فندم !!!

تحياتي
11-05-2013, 05:56 PM
SGH

الحمد لله على حل المشكلة
11-05-2013, 05:57 PM
ENG\AHMED

اقتباس:

المشاركة الأصلية كتبت بواسطة Walid_M

أيوه يا فندم !!!

تحياتي

على فكرة انا مش بكدبك انا مستغرب
لما دى اسعار الالنترا فى التوكيل يبقى الفوكاس جنبها 128 وفكرى " توكيل فورد " دا راجل نايل موتورز - NileMotors.net[1].gif

كشاف الفوكاس الامامى لما غلى 700 جنية
والخلفى 300
علبة الدريكسيون لما حبيت اسأل على سعرها من باب العلم بالشئ ولقيتها 8000 بعد لما غليت وبيقولى كانت بـ 5500 كنت عايز اقولهم كلمة مش تمام

وبيقولوا اسعار الفورد ناااااااار " الاسعار دى توكيل"
دا فكرى ده طلع غلبااان
11-05-2013, 09:54 PM
Walid_M

اقتباس:

المشاركة الأصلية كتبت بواسطة eng\ahmed

على فكرة انا مش بكدبك انا مستغرب
لما دى اسعار الالنترا فى التوكيل يبقى الفوكاس جنبها 128 وفكرى " توكيل فورد " دا راجل نايل موتورز - nilemotors.net[1].gif

كشاف الفوكاس الامامى لما غلى 700 جنية
والخلفى 300
علبة الدريكسيون لما حبيت اسأل على سعرها من باب العلم بالشئ ولقيتها 8000 بعد لما غليت وبيقولى كانت بـ 5500 كنت عايز اقولهم كلمة مش تمام

وبيقولوا اسعار الفورد ناااااااار " الاسعار دى توكيل"
دا فكرى ده طلع غلبااان

حضرتك أسعار التوكيل دي كانت من 5 أو 6 سنين لما كانت لسه العربية جديدة !!!
أعتقد الكلام ده دلوقتي اتغير .... ولكن حتلاقيه برضه مبالغ فيه جداً !!!

يعني فلتر البنزين أول ما اشتريت العربية كان ب 400 جنيه تقريباً أو يمكن أكثر ... صراحة موش متذكر !!!

لما غيرته على 30 الف كم كان سعره في التوكيل برضه حوالي 200 جنيه ...
بره في محلات قطع الغيار 120 جنيه ...

الميزة في الهيونداي انك ممكن تلاقي مثلاً فانوس ب 600 جنيه أصلي في التوكيل ...
تلاقيه بره في محلات قطع الغيار برضه اصلي ب 350 جنيه ... تلاقيه تايواني ب 150 جنيه ... تلاقيه صيني ب 90 جنيه ...... وهكذا !!!

ده غير إن الموديل كل ما ينتشر تلاقي قطع غياره عند أي حد .... وأي حد بيفهم يشتغل فيها ....

بعكس الأوروبي تلاقي اللي بيشتغل فيه الفراوده بس !!! ومعروفين بالاسم !!!

يعني تلاقي ميكانيكي سكودا , وتلاقي ميكانيكي bmw , وميكانيكي فولكس .... وهكذا

إنما هات لي ميكانيكي هيونداي ...................... مفيش !!!
أي حد بيشتغل ....

عذراً على الاطالة ....

تحياتي
11-05-2013, 10:57 PM
Walid_M

اقتباس:

المشاركة الأصلية كتبت بواسطة samir elshahawy

المشكلة حتي في العربيات الاوروبية أو اليابانية أن أسعار قطع الغيار مبالغ فيها و انا بأقولك الكلام ده عن ثقة لأني كنت بأشتغل في أحد التوكيلات الاوروبية الشهيرة و كان المكسب بلا مبالغة 10 اضعاف

المشكلة يا عزيزي أن التوكيلات كلها بتشتغلنا

أنا مع حضرتك يا باشمهندس إن التوكيلات بتشتغلنا وهامش ربحهم كبير جداً ....
خلي بالك أنا بقول هامش ربحهم .... موش ربحهم !!!

لماذا ؟

تعالى نحسبها من وجهة نظر صاحب التوكيل !!!

مركز صيانة زي اللي حضرتك عملت فيه الصيانة الأخيرة تتخيل ثمنه كام ؟
بلاش دي لو افترضنا ان التوكيل بيأجره حيكون إيجاره كام ؟
طبعاً رقم ذو 6 أصفار محترم ...

طيب المركز ده فيه كام فرد أمن , وكام عامل , وكام فني , وكام مهندس , وكام مشرف . وكام مدير .................... الخ
مرتبات الناس دي السنوية كام بمكافأتهم والحوافز وخلافه كام ؟

عنده كام مركز صيانة ؟ ومصاريف المراكز دي كلها كام ؟
عنده كام منفذ بيع بموظفينهم ؟
عنده إدارات عمومية وميديرين عموم .... وعلى فكرة دول موش ترفيه !!!
الناس دي الشغل من غيرهم يقع !!!

الضرائب العامة وضرائب المبيعات بتحاسبه سنوياً على كام ؟
الجمارك والمستخلصين والشحن والدولار .......... الخ بيكلفوه كام ؟
المخازن بموظفينها وعمالها ومديرينها وتأمينها بيتكلفوا كام ؟
الدعاية والاعلانات وما شابه تكلفتها كام ؟

الراجل ده بيستثمر فلوس قد إيه للكلام ده كله ؟ !!!
وتكلفة الفلوس دي كام ( قروض واعتمدات مستندية وخلافه )

الراجل ده لو معملش كده يتخرب بيته والبيت اللي جنب بيته كمان ولا يمكن يلتزم بسداد الأموال المطلوبة منه !!!

عشان كده مستوردي قطع الغيار بيبقى أسعارهم أقل .... عشان مصاريفهم أقل ...

دي وجهة نظر متواضعة ..... للوضع داخل التوكيلات عموماً ...

تحياتي
12-05-2013, 05:32 AM
mhkorayem

اقتباس:

المشاركة الأصلية كتبت بواسطة Walid_M

أنا مع حضرتك يا باشمهندس إن التوكيلات بتشتغلنا وهامش ربحهم كبير جداً ....
خلي بالك أنا بقول هامش ربحهم .... موش ربحهم !!!

لماذا ؟

تعالى نحسبها من وجهة نظر صاحب التوكيل !!!

مركز صيانة زي اللي حضرتك عملت فيه الصيانة الأخيرة تتخيل ثمنه كام ؟
بلاش دي لو افترضنا ان التوكيل بيأجره حيكون إيجاره كام ؟
طبعاً رقم ذو 6 أصفار محترم ...

طيب المركز ده فيه كام فرد أمن , وكام عامل , وكام فني , وكام مهندس , وكام مشرف . وكام مدير .................... الخ
مرتبات الناس دي السنوية كام بمكافأتهم والحوافز وخلافه كام ؟

عنده كام مركز صيانة ؟ ومصاريف المراكز دي كلها كام ؟
عنده كام منفذ بيع بموظفينهم ؟
عنده إدارات عمومية وميديرين عموم .... وعلى فكرة دول موش ترفيه !!!
الناس دي الشغل من غيرهم يقع !!!

الضرائب العامة وضرائب المبيعات بتحاسبه سنوياً على كام ؟
الجمارك والمستخلصين والشحن والدولار .......... الخ بيكلفوه كام ؟
المخازن بموظفينها وعمالها ومديرينها وتأمينها بيتكلفوا كام ؟
الدعاية والاعلانات وما شابه تكلفتها كام ؟

الراجل ده بيستثمر فلوس قد إيه للكلام ده كله ؟ !!!
وتكلفة الفلوس دي كام ( قروض واعتمدات مستندية وخلافه )

الراجل ده لو معملش كده يتخرب بيته والبيت اللي جنب بيته كمان ولا يمكن يلتزم بسداد الأموال المطلوبة منه !!!

عشان كده مستوردي قطع الغيار بيبقى أسعارهم أقل .... عشان مصاريفهم أقل ...

دي وجهة نظر متواضعة ..... للوضع داخل التوكيلات عموماً ...

تحياتي

كلام حضرتك في جزء من الصحه وفعلاً محدش بيفكر في الحاجات دي
بس للاسف مش كله صح ويظل الوكلاء في مصر (من وجهت نظري حراميه كبار) ليه بقى
عشان
1- كل التكاليف دي اللي بيتحملها الوكيل في مصر موجوده في كل الدنيا وبيبقى عندهم كل الكلام ده واكتر على الرغم من كده مش بتلاقي المغالاه في الاسعار زي هنا

2- بره اللي بتدفعه بتاخد بيه خدمه محترمه بجد هنا أعذرنا استهبال جداً وممكن تدخل العربيه عشان تصلحها من عيب تطلع بعيبين (ده حصل معايا فعلاً مش عن سمع)

3- الوكلاء المحترمين مش ممكن يبيع عربيه مخبوطه ومرشوشه على انها زيرو على الاقل بينزل ربع تمنها هنا عادي رش وبيع ومحدش هياخد باله (الكلام ده شوفتوا بعيني محدش قالي)

4- في اي حته محترمه موديل السنه القديمه بينزل عليها عروض رهيبه عشان تتباع هنا بقى بيغلي الجديده جداً عشان يحسسك ان القديمه لقته وتنزل تجري تلحق تشتريها قبل ما تغلى

5- في اي حته في الدنيا السعر بيتحدد على حسب قيمه العمله المحليه بالنسبه للعمله المستخدمه للشراء من الخارج هنا بقى الدولار يغلى يرفعوا السعر اليورو يزيد يرفعوا تاني ويقولك أصل اليورو الين يرتفع يقولوا اصل الين زاد (ودي بقى كانت قمه الكوميديا لما سمعتها من مسؤول مبيعات عربيه اوربي مش فاكر بصراحه كانت ايه بس على ما اتذكر يا فيات يا سيات يا فولكس بصراحه مش فاكر عشان مش عاوز اظلم) بس ده كلام حماده بالجنزبيل

6- لما العمله المحليه قيمتها بتقل في اي حته مش بتزيد تمن العربيات غير على الشحنات الجديده هنا بقى صباح النصب هما بس يسمعوا ان في احتمال الدولار يزيد يروحوا رافعين الاسعار عندهم على طول وش حتى قبل ما يزيد بجد ومبيفرقش معاهم حتى لو كنت حاجز (هيكلموك عادي جداً ويقولولك السعر زاد موافق ولا نلغي الحجز وتيجي تاخد فلوسك)

7- هو مش المفروض الدولار لما يقل السعر كمان يقل ولا هو السعر مش بيتأثر بالدولار إلا في حاله الزياده طيب خد عندك المثال ده ودي حاجه لسه جديده طازه
لما الدولار ارتفع كل التوكيلات رفعوا السعر مره ومرتين وتلاته واربع وخمسه كمان وكانوا كل لما السعر يزيد يقولوا اصل الدولار زاد واصل احنا مش لاقينه واصل وصل في السوق السوده 7 جنيه لأ بقى ب 8 جنيه لأ أصله وصل ب 9 جنيه
طيب يعني انت رفعت السعر عشان وصل ل 9 و 9.5 كمان مش كده
طيب ليه بقى السعر مانزلش تاني لما الدولار بقى متوفر وسعره بقى في البنك زي السوق السوداء تقريباً في حدود ال 7 جنيه ولا هو السعر علق عندهم عند ال 9.5 ومخدوش بالهم من النزول اللي حصل . معلش برضوا الغلط غلطنا كان لازم نقولهم ان السعر نزل وبقى ب 7 جنيه وحشين احنا

8- اسعار السيارات بالفعل مبالغ فيها والتوكيلات دايما بترمي الموضوع على الجمارك (قال يعني هما خضره الشريفه) طب انا هدي 3 امثله هنا على الموضوع ده عشان نشوف هل الجمارك فعلاً هي السبب ولا لأ (على الرغم من اني شايف ان الجمارك فعلاً مبالغ فيها)
المثال الاول: كان في موضوع هنا مفتوح من يومين بيتكلم عن العربيه الهيونداي السنتافي وسعر اول فئه في السعوديه 85.700 ريال سعودي
يعني لو حولناها مصري وبعد ارتفاع سعر العمله تعمل 167.000 جنيه مصري
لما يبقى سعر اول فئه في مصر 590.000 جنيه ده يبقى اسمه ايه بالظبط . مع ملاحظه ان الوكيل في السعوديه بيبيعها بالسعر ده وهو كسبان برضوا وده السعر الرسمي مش عرض ولا حاجه ولا عندوا استوك وعاوز يخلص منه ولا الكلام ده هل بقى ممكن أصدق ان الجمارك على عربيه تمنها 167000 (ده سعرها بعد ما الوكيل ضاف مكسبه يعني هي كمان جايه من المصنع اقل من كده) هيبقى 423000 جنيه !!!!!! جايز
عموما ده الموضوع اللي قلتلكم عليه وهتلاقوا سعرها في السعوديه في اخر الفيديو وبنصحكم بشكل عام تتفرجوا على الفيديو ده وتستمتعوا بالعربيه (مش هيبقى ولا ركوب ولا شوف حتى)
http://www.nilemotors.net/Nile/355488-a.html
المثال الثاني: هو قبل الثوره مش كان سعر الدولار ثابت طيب. هو مش كان في تخفيض جمركي على السيارات الاوربي بنسبه 10% من نسبه الضريبه المقرره يعني (4% للسيارات الـ 1600 سي سي فما أقل ) بدأت تنفذها من قبل الثوره بفتره يعني كانت الامور مستقره . ليه بقى اول ما اتنفذ التخفيض الاول معظم الوكلاء رفعوا الاسعار مش قللوها ولا ثبتوها حتى .وفي السنه اللي بعدها برضوا اتكرر نفس السيناريو زي ما يكون عِند مع المستهلك المصري مش المفروض كانت السعار تقل برضوا ولا انا مش واخد بالي. طب بلاش دي خلينا في المثال التالت وده بقى اوضح مثال وهيجيب من الأخر
المثال الثالث: هي مش برضوا العربيه الرينو اللوجان نازله مصر بأعفاء ضريبي كامل تنفيذاً لبنود أتفاقيه أغادير (طيب انا مش هتكلم كتير في الموضوع ده بس أنا هسأل سؤال واحد. يا تري لو العربيه دي مش واخده اعفاء جمركي تتباع بكام بقى ؟؟؟؟ )
على فكره في الوقت اللي كانت فيه الرينو اللوجان (اللي معفيه من الجمارك تماماً ) بتتباع بحاجه وسبعين وواصله لـ 80.000 كانت رينو برضوا بتبيع السيمبول ب 87.000 على ما اتذكر وبتبيع الرينو سكالا ب 97.000 جنيه (على الرغم من ان الاتنين فئه اعلى من اللوجان وكان بيدفعلهم جمارك عادي جداً) هل بقى لو اللوجان كان عليها جمارك كان سعرها هيتساوى ده اذا ما كنش هيعدي الفئات الاعلى منها ولى بقى الوكيل هو اللي حرامي والجمارك بريئه من نصبهم

انا هكتفى بالنقاط دي كلها اللي بتبين ان الوكلاء في مصر حراميه حراميه حراميه من هنا للسنه الجايه على الرغم من اني لسه عندي ادله تانيه كتير بس بصراحه تعبت وعاوز اقوم انام لكن لو مصممين ولسه مش مصدقين انهم حراميه ممكن اكملكم الموضوع في مره تانيه
معلش طولت عليكم بس كله عشان خاطر البشوات اللي ناهبنا باسم الوكاله :00020140:
12-05-2013, 04:26 PM
Walid_M

بدايةً أنا بشكر حضرتك جداً على المشاركة الجميلة دي ...
وقبل أي شيء أنا متفق مع حضرتك ومع الجميع إن التوكيلات في مصر بينهبونا !!!
وموش توكيلات السيارات بس .... لا كل التوكيلات تقريباً إلا من رحم ربي...

اقتباس:

المشاركة الأصلية كتبت بواسطة mhkorayem

كلام حضرتك في جزء من الصحه وفعلاً محدش بيفكر في الحاجات دي
بس للاسف مش كله صح ويظل الوكلاء في مصر (من وجهت نظري حراميه كبار) ليه بقى
عشان
1- كل التكاليف دي اللي بيتحملها الوكيل في مصر موجوده في كل الدنيا وبيبقى عندهم كل الكلام ده واكتر على الرغم من كده مش بتلاقي المغالاه في الاسعار زي هنا

معاك طبعاً بس متنساش كمية الفساد اللي عندنا بصورة مبالغة !!! , ودي ليها تكلفة كبيرة !!!

2- بره اللي بتدفعه بتاخد بيه خدمه محترمه بجد هنا أعذرنا استهبال جداً وممكن تدخل العربيه عشان تصلحها من عيب تطلع بعيبين (ده حصل معايا فعلاً مش عن سمع)

دي يا فندم مشكلة رهيبة بتعاني منها مصر كلها وأعتقد محتاجة موضوع لوحده ... الناس هنا بتسرق بعضها .... شوف مرتب العامل هنا إيه ومرتبه في نفس التوكيل بره مصر ايه ؟
وبالتالي الشركات في مصر عموماً بيعين الناس اللي توافق على المرتبات الموضوعة بغض النظر عن الكفاءة , لأن الكفاءة كتكلفه فلوس أكثر !!!
وده في رأيي المتواضع سبب رئيسي إن الناس في مصر ما بتشتغلش بضمير ولو طلع بره بيبقى مميز ...

3- الوكلاء المحترمين مش ممكن يبيع عربيه مخبوطه ومرشوشه على انها زيرو على الاقل بينزل ربع تمنها هنا عادي رش وبيع ومحدش هياخد باله (الكلام ده شوفتوا بعيني محدش قالي)

انا اشتغلت فترة من حياتي في شركة كبيرة للسيارات في مصر وفاهم الكلام ده كويس ... وأحياناً بتبقى بدون علم الادارة .... ده غير إن العقلية المصرية للعمالة متخيل إن اللي بيعمله كده صح ( واد فتك يعني , ولبس الزبون السلطانية ) .......... وده طبعاً خطأ كبير في تدريبهم وتأهيلهم !!!

4- في اي حته محترمه موديل السنه القديمه بينزل عليها عروض رهيبه عشان تتباع هنا بقى بيغلي الجديده جداً عشان يحسسك ان القديمه لقطه وتنزل تجري تلحق تشتريها قبل ما تغلى

مع حضرتك إن ده من ضمن منظومة نهب المواطن المصري ....

5- في اي حته في الدنيا السعر بيتحدد على حسب قيمه العمله المحليه بالنسبه للعمله المستخدمه للشراء من الخارج هنا بقى الدولار يغلى يرفعوا السعر اليورو يزيد يرفعوا تاني ويقولك أصل اليورو الين يرتفع يقولوا اصل الين زاد (ودي بقى كانت قمه الكوميديا لما سمعتها من مسؤول مبيعات عربيه اوربي مش فاكر بصراحه كانت ايه بس على ما اتذكر يا فيات يا سيات يا فولكس بصراحه مش فاكر عشان مش عاوز اظلم) بس ده كلام حماده بالجنزبيل

طالما الناس بتشتري حيعملوا فينا أكثر من كده !!! , وحرجع أكرر الكلام ده موش في مجال السيارات بس ... مع الأسف كل التجار والمستوردين بيعملوا فينا كده .

6- لما العمله المحليه قيمتها بتقل في اي حته مش بتزيد تمن العربيات غير على الشحنات الجديده هنا بقى صباح النصب هما بس يسمعوا ان في احتمال الدولار يزيد يروحوا رافعين الاسعار عندهم على طول وش حتى قبل ما يزيد بجد ومبيفرقش معاهم حتى لو كنت حاجز (هيكلموك عادي جداً ويقولولك السعر زاد موافق ولا نلغي الحجز وتيجي تاخد فلوسك)

لا تعليق ............ معاك قلباً وقالباً

7- هو مش المفروض الدولار لما يقل السعر كمان يقل ولا هو السعر مش بيتأثر بالدولار إلا في حاله الزياده طيب خد عندك المثال ده ودي حاجه لسه جديده طازه
لما الدولار ارتفع كل التوكيلات رفعوا السعر مره ومرتين وتلاته واربع وخمسه كمان وكانوا كل لما السعر يزيد يقولوا اصل الدولار زاد واصل احنا مش لاقينه واصل وصل في السوق السوده 7 جنيه لأ بقى ب 8 جنيه لأ أصله وصل ب 9 جنيه
طيب يعني انت رفعت السعر عشان وصل ل 9 و 9.5 كمان مش كده
طيب ليه بقى السعر مانزلش تاني لما الدولار بقى متوفر وسعره بقى في البنك زي السوق السوداء تقريباً في حدود ال 7 جنيه ولا هو السعر علق عندهم عند ال 9.5 ومخدوش بالهم من النزول اللي حصل . معلش برضوا الغلط غلطنا كان لازم نقولهم ان السعر نزل وبقى ب 7 جنيه وحشين احنا

شرحه !!! :s_thum1[1]:

8- اسعار السيارات بالفعل مبالغ فيها والتوكيلات دايما بترمي الموضوع على الجمارك (قال يعني هما خضره الشريفه) طب انا هدي 3 امثله هنا على الموضوع ده عشان نشوف هل الجمارك فعلاً هي السبب ولا لأ (على الرغم من اني شايف ان الجمارك فعلاً مبالغ فيها)
المثال الاول: كان في موضوع هنا مفتوح من يومين بيتكلم عن العربيه الهيونداي السنتافي وسعر اول فئه في السعوديه 85.700 ريال سعودي
يعني لو حولناها مصري وبعد ارتفاع سعر العمله تعمل 167.000 جنيه مصري
لما يبقى سعر اول فئه في مصر 590.000 جنيه ده يبقى اسمه ايه بالظبط . مع ملاحظه ان الوكيل في السعوديه بيبيعها بالسعر ده وهو كسبان برضوا وده السعر الرسمي مش عرض ولا حاجه ولا عندوا استوك وعاوز يخلص منه ولا الكلام ده هل بقى ممكن أصدق ان الجمارك على عربيه تمنها 167000 (ده سعرها بعد ما الوكيل ضاف مكسبه يعني هي كمان جايه من المصنع اقل من كده) هيبقى 423000 جنيه !!!!!! جايز
عموما ده الموضوع اللي قلتلكم عليه وهتلاقوا سعرها في السعوديه في اخر الفيديو وبنصحكم بشكل عام تتفرجوا على الفيديو ده وتستمتعوا بالعربيه (مش هيبقى ولا ركوب ولا شوف حتى)
http://www.nilemotors.net/nile/355488-a.html
المثال الثاني: هو قبل الثوره مش كان سعر الدولار ثابت طيب. هو مش كان في تخفيض جمركي على السيارات الاوربي بنسبه 10% من نسبه الضريبه المقرره يعني (4% للسيارات الـ 1600 سي سي فما أقل ) بدأت تنفذها من قبل الثوره بفتره يعني كانت الامور مستقره . ليه بقى اول ما اتنفذ التخفيض الاول معظم الوكلاء رفعوا الاسعار مش قللوها ولا ثبتوها حتى .وفي السنه اللي بعدها برضوا اتكرر نفس السيناريو زي ما يكون عِند مع المستهلك المصري مش المفروض كانت السعار تقل برضوا ولا انا مش واخد بالي. طب بلاش دي خلينا في المثال التالت وده بقى اوضح مثال وهيجيب من الأخر
المثال الثالث: هي مش برضوا العربيه الرينو اللوجان نازله مصر بأعفاء ضريبي كامل تنفيذاً لبنود أتفاقيه أغادير (طيب انا مش هتكلم كتير في الموضوع ده بس أنا هسأل سؤال واحد. يا تري لو العربيه دي مش واخده اعفاء جمركي تتباع بكام بقى ؟؟؟؟ )
على فكره في الوقت اللي كانت فيه الرينو اللوجان (اللي معفيه من الجمارك تماماً ) بتتباع بحاجه وسبعين وواصله لـ 80.000 كانت رينو برضوا بتبيع السيمبول ب 87.000 على ما اتذكر وبتبيع الرينو سكالا ب 97.000 جنيه (على الرغم من ان الاتنين فئه اعلى من اللوجان وكان بيدفعلهم جمارك عادي جداً) هل بقى لو اللوجان كان عليها جمارك كان سعرها هيتساوى ده اذا ما كنش هيعدي الفئات الاعلى منها ولى بقى الوكيل هو اللي حرامي والجمارك بريئه من نصبهم

الجمارك دي بقى .... بلوى من بلاوي الزمن ابتلى بها الله الشعب المصري عن طريق حكوماته !!!

الجمارك بتحاسب على 200 % من جمارك العربيات ال اقل من 1600 سي سي للعربيات اللي أكثر من 1600 سي سي , ويا ريت كده وخلصنا لا ....

يجي ياخد جمارك إضافية على كل رفاهية .... والكارثة إيه الحاجات الرفاهية ؟

حنقول بعضها للذكر فقط وليس الحصر ...
- ال abs ده رفاهية , الايرباج رفاهية , الباور رفاهية السنتر رفاهية لمبة الولاعة رفاهية .
- مخرج ال usb رفاهية , الزجاج الملون رفاهية
- الهاتش باك رفاهية ... وعشان كده الهاتش باك في مصر أغلى من السيدان بعكس العالم كله !!!
- الجنوط الاسبور رفاهية
-المرايات الكهرباء رفاهية , مرايات الضم رفاهية
- ريموت العربية رفاهية

- الايموبليزر رفاهية !!! , والانذار رفاهية !!!
أي مسمار زيادة جوه العربية رفاهية وعليه جمارك !!!

أقول كمان ولا كفاية ؟ !!! :36_2_49[1]:

بصراحة حاجة تحرق الدم , والوكلاء بينفضوا العربية ... يوفروا ثمنها من المصنع ويهربوا من جشع الجمارك ....

انا هكتفى بالنقاط دي كلها اللي بتبين ان الوكلاء في مصر حراميه حراميه حراميه من هنا للسنه الجايه على الرغم من اني لسه عندي ادله تانيه كتير بس بصراحه تعبت وعاوز اقوم انام لكن لو مصممين ولسه مش مصدقين انهم حراميه ممكن اكملكم الموضوع في مره تانيه
معلش طولت عليكم بس كله عشان خاطر البشوات اللي ناهبنا باسم الوكاله :00020140:

شكراً لحضرتك على مجهودك ....

تحياتي
14-05-2013, 01:38 AM
mhkorayem

اقتباس:

المشاركة الأصلية كتبت بواسطة Walid_M

بدايةً أنا بشكر حضرتك جداً على المشاركة الجميلة دي ...
وقبل أي شيء أنا متفق مع حضرتك ومع الجميع إن التوكيلات في مصر بينهبونا !!!
وموش توكيلات السيارات بس .... لا كل التوكيلات تقريباً إلا من رحم ربي...

شكراً لحضرتك على مجهودك ....

تحياتي

يبقى احنا كده متفقين تماماً باستثناء نقطتين
الاولى فكره ان مصر فيها فساد وده له تكلفته لأن الرد عليها من الفقره التانيه اللي حضرتك بتقول فيها انهم مش بيتفعوا مرتبات عدله للموظفين فاللي بره بيوفروه من قله الفساد بيدفعوه وازيد منه كمان مرتبات للموظفين
النقطه التانيه اللي بتفق معاك في جزء منها وهي ان الجمارك مصيبه ابتلينا بيها بس لازم نكون واضحين ان مش هي السبب الرئيسي في زياده الاسعار بالشكل الجنوني ده بدليل مثال اللوجان اللي انه وضحته (ودي بقى عربيه مفيهاش اي حاجه خالص تقريباً فاضيه كويس اوي انها نازله ب 4 كوتشات واستبن والحمد لله على كده)
وعموماً احنا نعتبر متفقين بنسبه كبيره في الرأي وحتى لو مش متفقين خالص فأنا بشكرك برضوا كفايه ان حضرتك تعبت نفسك وقريت الرد الطويل اوي ده (بصراحه انا كاتبه مش عشان حد يقراه انا كتابته عشان مغلول من الوكلاء :C_laugh[1]:)