تهوية السيارة بالطاقة الشمسية

**amagroup** · 08-05-2013 12:51 PM

جهاز يعمل بالطاقه الشمسيه بسعر 140 جنيه مصري لاغير يوصلك لحد البيت
انا مش عاوز احط الموقع اللي بيجاب منه عشان متكونش دعايه وعلي فكرة انا مليش أي مكسب من الموضوع ده

**Lifz_Good** · 08-05-2013 01:52 PM

طب بتحنثنا بأه وللا إيه ؟؟؟؟؟؟؟

تاني حاجة

دا مش بيهوي السيارة

دا وظيفته انه بيطرد الهواء الساخن خارج السيارة سواء انت راكنها أو سايقها ودا عن طريق مروحة تعمل بالطاقة الشمسية

يعني عامل زي الشفاط بتاع المطبخ

ويفيد في منع العزل الحراري داخل السيارة أثناء ركنها في الشمس

**blazer** · 08-05-2013 03:14 PM

وانت سايق ملوش لازمه ما انت لما تفتح الشباك هيدخل ها جامد
او يأما هتقفل الشباك عشان تشغل المكيف
وانت راكن استحاله تسيب الشباك مفتوح!!!!
ملوش لازمه خالص

**michohat** · 08-05-2013 03:40 PM

المروحه بيجي معاها جوان كاوتش بيركب ف حافه زجاج الشباك بحيث اننا لما نقفل الشباك عالمروحه الجوان يرشق في حلق الباب ويسد الفراغ الموجود بين زجاج الشباك وحلق الباب

شوفت له اعلانات ع امازون بس في تقارير بتقول انه فاشل في تحقيق التغير المطلوب في درجه الحرارة يعني مش بينزل الحرارة بالقدر الكافي
لدرجه اني فكرت اني اشتري واحد واشوف امكانية تغيير المروحة اللي فيه بمروحه اكبر واقوى
او اني اصمم واحد من الاول واشوف هل هيكون مفيد ولا لآ
وانت لقيته ع موقع ايه جوه مصر علشان لو ممكن اجرب المنتج قبل ما اشتري

**El Prince** · 08-05-2013 04:25 PM

فى الصيف بس - لما العربية تكون مركونة فى الشمس -
بسيب الازاز اللى ورايا مفتوح من 1 الى 2 سم و بيكون مش باين من الشماسه البلاستيك

النتيجه معقولة - يعنى مش بتشوى اول ما ادخل العربية
طقم الشماسات للاربع ابواب حوالى من 50 الى 60 جنيه من التوفيقية
آى خدمة و ووفر فلوس حاجة مش مضمونه