الحقوني يا جماعة عشان ظهري اتبهدل

**NOMAD** · 08-05-2013 01:13 PM

السلام عليكم يا رجاله

تحية جامدة ليكو كلكم والله على المجهود الرائع اللي انتم بتعملوه و جزاكم الله خير

دلوقتي انا فى كام مشكلة بسيطة كده بس مقرفة بصراحة و عايز رائيكم

دلوقتي انا مركب جنوط 14 في العربية و الحمد لله دايما ايدي فيها و مش بتاخر عليها بالذات العفشة.يمكن بربطها و اراجع عليها كل اسبوعين و ساعات والله كل اسبوع.المهم من كم شهر كده الظروف اضطرتني انا اسوق في مدق و مليان بقى حصى صغير و طريق غير ممهد.بعد فترة ظهرت المشكلتين دول

- صوت خبط بسيط اكتشفت بعد كده انه صوت تيل الفرامل بيخبط في الطنبورة لان مفيش حاجة حاكماه.حاولت اشوف اعالج الموضوع ازاي.كل ميكانيكي يشتغلني شوية.اللي يقوللي الكاليبرات كلها عايزة تتغير لان مش عارف بنز ايه كده اللي سايب.اللي يقوللي اظبط زوايا.واحد يمكن اقتنعت بيه قاللي الصفيحة او السوستة تقريبا.المهم ايه الحل بقى.

المشكلة التانية بقى ان لما بقيت امشى في المدق ده.بصراحة والله العربية بتصعب عليا لاني بحس انها هتتخلع من بعضها.تتهزززززز و تترج كلها.مع ان ركبت قبل كده في عربية لانوس بتاعت زميل ليا.مكانش الموضوع كده.بحس ان كل زلطة و كل طوبة في العربية و منها في جسمي و ظهري.بجد يا جماعة مش قادر اوصف ليكو.العربية تفضل تتهز كده و يا سلام بقى لو معايا كباية شاى.يا لهووووي

و مربط على العفشة كلهااااااااا.كلها والله و مربط علبة الدريكسيون و مشحم البطاحات.

هل عشان جنوط 14 يكون ده السبب.مش عارف

افيدوني يا جدعان افادكم الله

**NOMAD** · 08-05-2013 01:24 PM

معلش نسيت حاجة اخيرة بقى.هو سعر الطنابير دلوقتي كام و ايه احسن ماركات او انواع موجودة

**MITSUKERO** · 08-05-2013 01:26 PM

ده عيب مساعدين يا اما جايب نوع ناشف يا اما بايظين

بالنسبة لصوت الحكة : يا صاجة التراب اللي جنب طنابير الفرامل يا سوسته تيل الفرامل

والله اعلي و اعلم

**towfeq** · 08-05-2013 03:19 PM

اولا سلامة ضهرك يا معلم و الف سلامة.
الموضوع مش هيخرج عن جلب و كاوتشات و كده و ممكن المساعدين
موضوع سعر الطنابير مش عارف.ممكن حد من الرجالة
هو صحيح يا رجالة سعر الطنابير بكام اليومين دول

**Ahmed_selmy** · 08-05-2013 03:29 PM

فعلا موضوع الشعور بكل نقره وكل زلطه دا مساعدين.

**ZOoOoMA** · 08-05-2013 04:38 PM

انا كان عندي نفس مشكله حضرتك كنت اعدي من على نقره مثلا ولا حاجه احس ان الدنيا اتقلبت في العربيه

و كان عندي المساعدين خفاف بعد ما غيرتهم و جبت جديد مبقتش احس ب الموضوع ده خالص خلي ميكانيكي امين يبصلك على المساعدين يعرفك سلام و لا لا

**memo2000soft** · 08-05-2013 04:47 PM

انا فعلا كنت بحس بكل نقرة صغيرة اعدي عليها بس بعد ما غيرت المساعدين بقت ما شاء الله الاختلاف بان

**NOMAD** · 08-05-2013 06:41 PM

جزاكم الله خير يا جماعة.هشوف حوار المساعدين ده.
بس هما الاربع مساعدين جداد تقريبا يعملوا كام.
وكمان الطنابير جديدة تعمل كام
شكرا يا رجاله

**ZOoOoMA** · 08-05-2013 07:33 PM

حظك حلو لقيت الفاتوره بتاعت الحاجه
انا اشتريت 2 مساعد امامي اصلي ب 480 جنيه يعني الواحد ب 240 جنيه الكلام ده كان يوم 23-4-2013
الطنابير معرفش

**a_arazik** · 08-05-2013 08:09 PM

متابع لمعرفة السبب

الموضوع: الحقوني يا جماعة عشان ظهري اتبهدل

LinkBack

أدوات الموضوع

عرض

-

-

المواضيع المتشابهه

الحقوني يا جماعة ضروري

الحقوني يا جماعة ( بقعة زيت تحت عربيتى )

يا جماعة الحقوني عندي مشكلة

الحقوني يا جماعة قطع غيار 2110

الحقوني يا جماعة

الكلمات الدلالية لهذا الموضوع

المفضلات

المفضلات

ضوابط المشاركة