محتاج حد بيفهم في كهرباء المنازل

**diablo1231** · 15-05-2013 11:06 AM

اولا انت معندكش 3 فازات عشان توصل عداد 3 فاز , انت عندك فازة واحدة لايف و نيوترال , العداد حاسب استهلاك فازة من ال 3 و لو جبت عداد فازة واحدة يبقي هو هو نفس الاستهلاك , ممكن يكون العيب في العداد نفسه في اخطاء في القراية و ده عادي ومدام حضرتك غيرته يبقي ان شاء الله تمام , تاني حاجة عن الأحمال اللي حضرتك موصلها دي احمال عادية 3 حصان يعني ينتكلم في 2500-2700 وات في الساعة علي حسب يعني بتاع 10-12 امبير وطبعا مع اعتبار ان باقي الأحمال عبارة عن اضاءة و سوكتس عادية تلفيزيون و كلام من ده ف مفيش اي مشاكل ان شاء الله خصوصا ان حضرتك حاطط عداد جديد 80 امبير !

**أشرف العدوي** · 15-05-2013 03:08 PM

هو كدة انا خدت قرايىة العداد القديم قبل ما يتشال
كدة متهيئلي ده هيجي في فاتورة لوحدة و بعد كدة يجي العداد الجديد

**أشرف العدوي** · 15-05-2013 11:37 PM

المشاركة الأصلية كتبت بواسطة d . A .\ ayman

أعتقد إن القراية بتاعة العداد الجديد كدة طبيعية بإذن الله .. وأعتقد كمان إن العداد القديم يا إما كان فيه مشكلة .. يا إما كان المحصل بيستعبط ويعمل حاجة مش تمام

عموما خلي بالك من قراية الاستهلاك في الفواتير الجديدة وقارنها باللي في العداد وشوف المحصل بيسجل القراية مضبوطة ولا لأ .. ولو بيلعب فيها يبقى تقدم فيه شكوى في الشركة

لأن قيمة استهلاك الكهرباء بيتحسب حسب الشرائح المنزلية خلال الشهر فلو حسب استهلاك أعلى من اللى بتستخدمه خلال الشهر هايدخلك في شريحة وتانية وسعر تاني غير اللي المفروض تتحاسب بيه خالص

عموما إنت كدة كدة عندك فازة واحد بس اللى شغالة وما كنتش محتاج عداد 3 فاز ولا حاجة ... بس طالما العداد راكب خلاص مش هايفرق معاك في قيمة الاستهلاك ولا حاجة .. وهايسجل نفس القيمة بإذن الله

وبالنسة للسعر ... سعر الكهرباء بيتحسب بناء على فئة منزلية وفئة تجارية وفئة إنشائية .. وكل فئة لها سعرها بالكيلو وات ... ومالوش أي دعوة بنوع العداد فاز ولا ثلاثة ولا عادي ولا ديجيتال والديجيتال أدق بكتير من العادي

شكراص لحضرتك جداً
طمنتني

**oousaoo** · 16-05-2013 01:47 AM

العداد 3 فاز بيكون 3 فردة كهرباء وواحد ارضي لو انت وزعت احمال الشقة (6 ك وات ) مثلا علي الثلاث فازات بالتساوي يكون نصيب كل فازة 2كيلو وات والعداد سوف يحسب 2ك وات في الساعة
انما لوتم عدم توزيع الاحمال علي الثلاث فيزات وتم تحميل (6 ك وات ) علي فازة واحدة سيقوم العداد بقراءة 6ك وات في الساعة
يعني شركة الكهرباء بتحاسبك علي الفازتين الفاضين الي لم يتم الاستهلاك عليهم زي الي تم التحميل عليها
وعلشان كدة الورش والمصانع الكبيرة بتستخدم لوحات تحسين معامل القدرة لتوزيع الاحمال علي الثلاث فازات اتوماتيك
ارجوا ان اكون افادتك بالمعلومة