الموضوع: تحذير من البلي الالماني (الخلفي) للانوس

المشاركة الأصلية كتبت بواسطة محمد الشامي

في بلي الماني موجود في السوق اسمه optimal , هل هو ده اللي حضرتك تقصده ؟
طمني لاني شاري بليتين وهاركبهم يوم الجمعه :) عشان لو طلع هو ده النوع اللي حضرتك بتحذر منه يبقا الحق ارجعه وماركبهوش

المشاركة الأصلية كتبت بواسطة mitsukero

الاوبتيمال اللي ابوالحسن بيديه لأي حد يطلب بلي

الله يسامحك يا باشا , لو كنت قولت من بدايه الموضوع النوع اللي بتحذر منه كان زماني لحقت نفسي

عالعموم انا ركبت البليه دي يوم الجمعه والحمد لله

وبالمناسبه عايز احذر الزملاء الكرام من الإهمال في تغيير بلي العجل (خاصه الخلفى) في حاله ظهور خشونه او صوت
انا كنت مركب بلييتين خلفي فايكو من سنتين تقريبا ومن فتره ظهر صوت خشونه في البليه اليمين والعفشجي كشف عليها واكدلي انها وحشه
وانا فعلا بعدها بيومين كنت اشتريت بليتين جداد (اوبتيمال) ونويت اروح الجمعه اغيرهم عند الميكانيكي وكمان اعمل شويه شغل كمان
والمنظر اللي رعبني بجد ان الميكانيكي ولمجرد انه فك الصاموله بتاعت البليه الخلفيه وبدأ يمسك البليه بصوابعه عشان يخرجها لقيت البليه اتفرطت في ايده والرولمان بلي خرج منها !!!

واظن ان البليه دي لو اتفرطت وانا ماشي كان زمان العجله ماشيه لوحدها جنب العربيه !
ربنا يستر طريقنا جميعا ان شاء الله

المشاركة الأصلية كتبت بواسطة محمد الشامي

الله يسامحك يا باشا , لو كنت قولت من بدايه الموضوع النوع اللي بتحذر منه كان زماني لحقت نفسي

عالعموم انا ركبت البليه دي يوم الجمعه والحمد لله

وبالمناسبه عايز احذر الزملاء الكرام من الإهمال في تغيير بلي العجل (خاصه الخلفى) في حاله ظهور خشونه او صوت
انا كنت مركب بلييتين خلفي فايكو من سنتين تقريبا ومن فتره ظهر صوت خشونه في البليه اليمين والعفشجي كشف عليها واكدلي انها وحشه
وانا فعلا بعدها بيومين كنت اشتريت بليتين جداد (اوبتيمال) ونويت اروح الجمعه اغيرهم عند الميكانيكي وكمان اعمل شويه شغل كمان
والمنظر اللي رعبني بجد ان الميكانيكي ولمجرد انه فك الصاموله بتاعت البليه الخلفيه وبدأ يمسك البليه بصوابعه عشان يخرجها لقيت البليه اتفرطت في ايده والرولمان بلي خرج منها !!!

واظن ان البليه دي لو اتفرطت وانا ماشي كان زمان العجله ماشيه لوحدها جنب العربيه !
ربنا يستر طريقنا جميعا ان شاء الله

والله العظيم انا مدخلتش علي النت غير امبارح معلش والله

و علي فكرة انا كمان ركبت البلية اليمين خلفي اوبتيمال لما لقيت ال skf خشنة و كده بقي هقارن بين النوعين في كل عجلة و اشوف

بالنسبة مرجعتش البلية ليه ؟ لان الموزع بتاع البلي ال skf في شارع رمسيس و طلع عيني علشان اروح اجيب منه اول مرة و انا كنت بركب البلي عند محمد هاشم قدام ابوالحسن لان محمد عبده و الصنايعي اللي عنده مكانوش بيردوا علي التليفون فمعرفتش اروح ليهم لان الساعة كانت 12 الضهر و من ستر ربنا اني كنت بغير البلي قدام ابوالحسن لان اللي طلعت خشنة جبت غيرها

البلي ال skf الجنب ب 90 و الجنب عبارة عن بليتين زي ما انت عارف

و بيجي من غير اويل سيل ولا طاسة بلي ولا تيلة ولا اي حاجة البلي بالظرف بتاعة بس و بتجيب الباقي من ابوالحسن

و انا مش شاكك في الجنب بصراحة لان العربية مكانتشي نزلت علي الارض اساسا كانت لسه فوق و بنلف العجلة نجرب بأيدنا يعني ممشيتشي ولا متر حتي !!!

ربنا يستر بقي

المشاركة الأصلية كتبت بواسطة mitsukero

والله العظيم انا مدخلتش علي النت غير امبارح معلش والله

يا باشا ولا في أي مشكله :) انت كتر خيرك انك حذرت الناس
وقدر الله وما شاء الله

البلي لو بايظ بتلاقي صوته خشن وانت ماشي على سرعه ما بعد 60 كم

ويمكن الكشف على البلي عن طريق انك ترفع كل عجله وتجرب تلفها بإيدك بأقصى سرعه تقدر عليها
وبعد كده قرب من العجله على اد ما تقدر بودنك , او حط ودنك على الرفرف فوق العجله
لو سمعت صوت هادي والعجل بيلف بنعومه الى حد ما يبقا بإذن الله مفيش عندك مشكله في البليه دي
لو سمعت صوت خشونه او زنه او ونه او اي اصوات تعكنن يبقا كده البليه وحشه
وكرر نفس العمليه مع باقي العجل عشان تعرف حاله البلي كله

وفي كشف افضل وادق
وهو تكرار نفس الخطوات السابقه بس بدل ما تلف العجله بإيدك تلفها بالموتوسيكل بتاع الترصيص
لان في الحاله دي بيكون الكشف على سرعه عاليه وخشونه البلي تبان اكتر

وفي كشف كمان وهو انك لما تكون ماشي بالعربيه على سرعه (وليكن 100 كم) افصل الغيار واطفى المكنه (بس خلي بالك الدريسكيون يقفل) وشوف صوت العربيه وهي ماشيه عامل ايه , ولو في خشونه او اصوات اكيد هاتحس بيها ويبقا في عندك بليه او اكتر خشنه , ولتحديد البليه البايظه هاتتبع احد الخطوات الطرق السابقه