حد يعرف مكان او رقم احمد عز اللى فى مدينة نصر بتاع البرمجة و الكنترولات و كده
شكرا مقدما
عرض للطباعة
حد يعرف مكان او رقم احمد عز اللى فى مدينة نصر بتاع البرمجة و الكنترولات و كده
شكرا مقدما
في الحي السادس جمب مستشفي اليوم الواحد لو انت جاي من الاوتو ستراد خش شارع الطيران حتلاقي ترام في تقاطع مصطفي النحاس حتخش يمين مع الترام علي طول وحتعدي الترام لانه داخل يمين حتمشي حوال ٢٠٠ متر. تقريبا تاني ملف حتخش في الشارع الي قصد الملف واسال عاليه حتلاقي جمبه بنوع قطع غيار اوبل
رقمه ٠١٠٠٤١٦٨٠٣٨
الف شكر مرتين
مرة عشان رديت عليا و فدتنى
و مرة عشان انت الوحيد اللى رديت :)
خلي قسم مدينه نصر علي يمينك
كمل كانك رايح السابع
هاتعدي بوابه جامعه الازهر
وبعديها كشري هند
هو في الشارع اللي بعد كشري هند امام الملف
اتعاملت معاه مره
معجبنيش اسلوبه
الف شكر
طب يا ريت يا جماعة تقوللنا ايه المواقف اللى حصلت معاكم عشان نستفيد كلنا و ناخد حذرنا
الموقف حصل امامي
مش معايا
كان عندي مشكله في كنترول عربتي ال 516
وروحت له وحصل امامي ان واحد معاه عربيه فيكترا
كان بيعمل له شغل والكنترول كان فيه مشكله في تشغيله
الراجل رجع له تاني
احمد عز مسك الراجل بهدله في الشارع
مع ان صاحب العربيه وانا شاهد علي الحوار من اوله
كان في غايه الاحترام
غير ان شكله بيدي علي مهندس
لكن اسلوبه قمه في الانحطاط
شتيمه في الصنايعيه زالعربيات وناقص يشتم اصحابها
يعني ماعجبنيش نهائي
انشاء الله اتصرف من غير ما احتجله الف شكر
روحت اضبط عنده التاتش بوينت بتاع الفتيس .... بيتعمل فى اى مكان من ٣٠ الى ١٠٠ جنيه بحد اقصى ... وبعد ما خلص فى عشر دقايق طلب ٢٠٠ جنيه ،،،، دفعتهم وقررت انى مش حتعامل معه مره اخرى.
وفعلا اسلوبه تحس انه متعالى ومتعجرف.
وكمان معندوش الجهاز الاصلى بتاع التوكيل اللى هو تيك تو.
يااااه كل ده؟ انا مش بس مش هروحله انا مش هعدى من الشارع اللى هو فيه :)
مش عارف اه اللي بيحصل للناس دي والله !!! انا فاكر لما استقبلناه في التوكيل زمان اول ما كان جاي جديد !
سبحان مغير الاحوال
200 جنيه توتش بوينت .... مش قادر هقول كلام قبيح قوي قوي
هو كاتب المستشفي التخصصي للاعطال باين ؟
انا كنت في منصور الطيران زمان و مشيت سنه 2008 و سبت مجال العربيات خالص
احمد كان مجتهد جدا و اخلاقه كويسه
سبحان مغير اﻷحوال
ربنا يهدي
بصراحة انا قرأت ردود الناس وكنت متردد جدا في التعامل مع المهندس احمد عز
لكني كنت مضطر لتصليح الكنترول لان العربية جابت اخرها مع الكنترول
روحتله بعد ما صليت استخارة .. خاصة وانه كان نصيحة من الباشمهندس حسام اوبل اللي في طنطا ونصيحة اخ هنا في المنتدي
كلمته في التليفون وكان اسلوبه راقي جدا جدا
ولحد ما خلصت موضوعي معاه
مكنش ليا اي تعليق على معاملته
يمكن عشان مفيش مشاكل ظهرت بينا
وموضوع انه غالي .. انا برضوا مش حقدر احكم على الموضوع ده
وده قصتي باختصار اثناء تغيير الكنترول بتاع العربية
http://www.nilemotors.net/Nile/385927-2005.html