-
مساعدة فى تسعيير لانوس
السلام عليكم ...
ازيكم يا شباب ايه الاخبار انا بقالى مدة بدور على لانوس فى اواخر الخمسينات وفى عربية قدامى
شيفورليه لانوس 2010 نبيتى غامق ماشية 34000 فابريقة دواخل ومن بره وخدا زغدة فى الرفرف اليمين قدام زغدة بسيطة يعنى الخبطة كلها جت فى الاكصدام و الراجل رشة بس اى كلام لأن المعجون قشر وبقية العربية سليمة فيها بس الخرابيش بتاعة المفاتيح بس كلها حاجات صغيرة
الراجل كان بيتكلم فى 60.000 وانا وصلتها معاه ل 58.500 فايه رأيكو يا شباب اخلص فيها ولا ايه؟؟؟؟؟؟
الرخصة قاضل فيها 10 شهور وهوا اول مالك
-
للاسف رأيي مش هايعجبك , بس بلاش (شيفروليه) لانوس , ناس كتير اوي اشتكت منها
الرقم اللي بتتكلم فيه واقل كمان ممكن يجيبلك نوبيرا 2008 محترمه
-
السعر كتير جدا سعرها يعمل 52 بالكتير
-
ال 58 الف دول يجيبولك نوبيرا اوتوماتيك نضيفه وبحاله ممتازه
وبعدين اللي هايخليك تدفع 60 في لانوس مستعمل
ماتجيب الزيرو وقسط العشره الباقيين
.....
-
لو حالتها كويسه فعلا اتكل على الله وألف مبروك مقدما انا لسه شارى واحده 2005 بس دايوا وحاله نضيفه ب 50 الف, السوق غير الحكاوى على القهاوى
-
لو مستعمل 55 الف تجبلك نوبيرا 2007 ممتازه او 60 و ازيد بشويه اوبترا 2007 مانيوال
او تحطهم فى عربيه وتشترى زيرو وهيبقى فاضل ليك 20 او 30 الف تقسطهم
-
الناس الي بتقول السعر غالي تنزل السوق وتشوف الاسعار الفلكية
-
يا جماعة مفيش الاسعار اللى انتوا بتتكلموا عليها خالص دى
انا لفيت كله فى الرنج ده 2010 و ال 2011 فى اول ال 60 الف
-
بص بجد بلاش شيفورلية لانوس انا كانت معايا 2009 وبعتها بعد ما جبتها باسبوعين وجبت 2001
-
توكل علي واشتريها
لانها لا يقل سعرها عن 60ألف جم لو بوية الفابريكة
وعشان هي وخدة خبطة صغيرة
تقل فعلا الي 58500ألف جم
توكل علي الله
لانها كده مناسبة لسعرها
Content Relevant URLs by
vBSEO 3.6.0 PL2