السلام عليكم يا شعب
كيف الحال بعد الفسيخ :-)
الاخ الصغير للزعيم بيتجوز :-)
وعايز بدل
مش عارف انا نصحتة كتير :-)
بس هو مصمم
ايه احسن واشيك مكان يجيب منه بدلة فرح دلوقتي
عشان انا مسحول في الشغل وبقالي بتاع سنة مانزلتش اجيب بدل جديدة ومقضيها كاجوال
عرض للطباعة
السلام عليكم يا شعب
كيف الحال بعد الفسيخ :-)
الاخ الصغير للزعيم بيتجوز :-)
وعايز بدل
مش عارف انا نصحتة كتير :-)
بس هو مصمم
ايه احسن واشيك مكان يجيب منه بدلة فرح دلوقتي
عشان انا مسحول في الشغل وبقالي بتاع سنة مانزلتش اجيب بدل جديدة ومقضيها كاجوال
حامد عبد الخالق شارع جامعه الدول والف مبروك
فيه محلات اسمها coin
البدل بتاعتها حلوه ..
وفيه موستاج في روكسي جنب سينما نورماندي
البدل تبدأ من 150 جنيه لحد ما شاء الله تدخل في 5 الاف .. خليه في المعقول لأن البدلة بتتلبس مرة او مرتين في العمر كله وتتركن هههه
خليك في المصري وبلاش المستورد .. واشهر تجمع بياعين البدل في ميدان الاوبرا تقريبا اللي خلف العتبة انا مش فاكر الإسم تحديدا
التفصيل احسن يا كيمو
وهو يختار القماشه
وخليه يعمل تفصيله تنفع انه يلبسها في مناسبات بعد كده
وفيه ناس بتعمل تعديل في بدله الفرح بحيث انها تنفع يتحضر بيها مناسبات برضه
فلو حيفضلها بدله متنفعش غير لعريس
يشوف تفصيله ينفع تتعدل مستقبلا علشان تبقي بدله عاديه
لان التفصيل لوحده حيعدي 500 جنيه + تمن القماش
فحرام تتلبس يوم واحد وتتشال في الدولاب
عقبــــــــــال ماتجيب لعم بيـــــدو *يارب*
هــــــوة فيــــة محليــــن فى الكــــوربة *بس مش فاكر اسماء*
وفيــــة واحد فى وسط البلد قبل ماك وفيـــــة بيللى وجولد مان او جولدن فى شبرا ..
أنا كنت بدور على تصميم معين برضة بس ملقتوش غير فى zara :nemoflow:
ممكن يشوف في Sarar بيبقي عندهم موديلات حلوه و في حاجات مخصوصه للمناسبات و هو موجود في المهندسين و سيتي ستارز و ٦ اكتوبر و الف مبروك مقدما و دي صفحتهم علي الفيسبوك
https://www.facebook.com/pages/Sarar...ation=timeline
فى محلات فى شارع البطل المهندسين
و100000مبروووووك
موريس حنا
و ممكن يركب له الساتان عالياقة و يشيله بعد الفرح بحيث البدلة تنفع بدلة عادية بعد كده
بيرلوتى فى المهندسين. . . و فعلا ألياقة بيركب عليها ساتان و ترجعها بعد كده للمحل يشيلوه و تبقى بدلة عادية
ألف مبروك يا كريم باشا. لمفروض الزفه دي يكون فيها عربيات المنتدى كله وتبقى أكبر زفه في تاريخ مصر. جمد قلبك انت بس واعمل بانر العزومه في هيدر المنتدى :p
لو هاتتكلم في المستورد يبقى الميزانية هاتكون من 3000 وانت طالع ومالهاش ليمت بعد كدة ممكن تدخل في 50 - 60 الف كمان ... وأبو 3000 ده مش هايكون رائع كمان وهايكون متواضع جدا
إبعد عن السوري ...
التركي حاليا لسة مستواه مش كويس
...
لو هاتتكلم في المصري ... التشكيلة كبيرة بقى
بس إبعد عن محلات وسط البلد كلها ... إلا لو عايز بدلة لبضع لبسات فقط وتترمي بعد كدة
بعد ما لفيت على كذا ماركة مصرية ... مابقتش أجيب غير من لورينزو ... Lorenzo italy ... ماركة وتصنيع وخامات مصرية بتصميمات من لورينزو إيطاليا بس متأخرة شوية في خطوط الموضة عنهم .. وجودة جيدة للغاية وأسعار معقولة جدا ... ممكن البدلة حاليا تكون بتتكلم في رينج الألف جنيه ... فوق أو تحت حسب التصميم والجودة ... لكن مش هاتقل عن 700 تقريبا ... والكلام ده حسب أسعار السنة اللى فاتت معرفش السنة دي أسعارهم زادت ولا لأ
موجود في البطل أحمد عبد العزيز بعد الإشارة اللى بعد منزل كوبري أكتوبر على اليمين وانت رايح على جامعة الدول
وفي ميدان روكسي على الميدان مباشرة في الكيرف اللى بعد الشبراوي على اليمين وانت مدي ظهرك لشارع وإشارة الميرغني ورايح ناحية شارع الأهرام ... تقريبا ... لأني ماروحتوش كتير الفرع ده .. بصراحة بنزل الفرع بتاع البطل أحمد عبد العزيز في معظم الأحيان
وفي ميدان الأوبرا ... بس إبعد عن الفرع بتاع ميدان الأوبرا عشان هاتحس إنك داخل محل قماش في الموسكي أو الغورية أو الوكالة حاجة زي كدة آخر مرة كنت عندهم ... برغم إنه أكبر فرع فيهم
بعد كدة بقى في btm ... وحاجتهم كويسة برضه بس سعرهم أغلى شوية من لورينزو .. لأن موديلاتهم أحدث شوية
وفي فييستا viesta في شارع شهاب تصميماته كويسة وجودته معقولة
فيه كمان بقى شوية المحلات اللى في عمارات العبور في صلاح سالم أمثال كونكريت والكلام ده بس محتاجة شوية لف وتدوير ... زملائي بيقولوا إن بيكون عندهم حاجات كويسة بس عمري ما جربتهم
محل SaRAR هايل فى سيتى ستارز و موديلاته هايلة فى البدل و ربنا يتمم على خير
Sarar city stars
Sarar City Stars
Uturn اسعاره مناسبة وخاماته ممتازة
الف مبروك يا كريم باشا
و مش معقول انك تسأل هاتجيب منين
سلكها حته فى حته مع كل اوردر :)
على العموم انا عازم
Amazon.com: Wedding Vest Set . Silver Gray Paisleys . Tuxedo Vest with Tie and Accessories: Clothing
ربنا يبارك له و يرزقه الذريه الصالحه
انا جيبت من عند تيد لابيدوس عمارات العبور
بدلتين وقت الخطوبة والجواز كانوا تحفة
والقمصان عنده رائعة
البدلة والقميص كلفوا 1500 من سنة ونص تقريبا
إيه ده يا كريم انا أتخضيت أول لما قرأت إسمك على الموضوع ... قلت فى نفسى معقول كريم ناوى يعملها تانى ... بس إيه الجرأه و الشجاعه دول علنى كده على صفحات المنتدى
بس الحمد لله إطمنت عليك
مليون مبروك و ربنا يتمم بخير يارب و يرزقهم الذريه الصالحه
البدل عند لورينزو ممتازه فعلا و فى كمان تيد لاموند برده بدله ممتازه جدا
كريم باشا ربنا يتمم على خير
انا كنت جايب الفرح من SARAR كتنت بدلة عريس بال Accessories الحزام و البيبيون و الورده بص هو تحفة بس المشكلة ان Design البدلة مينفعش تتلبس في مناسبات بعد كده و اهي مرمية في الدولاب :(
Lorenzo italy ليه محلين فى مصر الجديدة واحد فى ميدان روكسى وواحد فى شارع بطرس غالى
موديلاتهم ممتازة و اسعارهم معقولة و عندهم الترزى محترف يظبطلك البدلة زى ما انت عاوز و يسلمهالك بعد وقت قصير عقبال ما تروح تاكل ساندويتش عند كوك دور :)
و 1000 مبروك للعريس أخو الزعيم :)
الف مبروك
ربنا يتمم بخير
الف مبروك مقدما ...
انا اخر بدله اشتريتها كانت من حوالى سنتين لمناسبه فرح من عند zara و كانت ب 2500.
خامات ممتازه و تصميمات حديثه جدا و كانت made in idia - zara
تحياتى ...
والله من ردودكم هاسيب الواد ينزل لوحدة
ايه كمية الاقتراحات دي
:-(
طيب ينفع اروح انا اتجوز:-)
اتجوز مين يا عم معتز
انا امبارح عيد جوازي العاشر
فاكر بيدو يا محمد يا طه في عيد ميلاد المنتدي الاول في اميجو وهو لسه عندة شهور وكنتو بتلعبو بيه فولي :-)
طيب انا هابص بصة عند سارار وزارا
هو موريس حنا فين
الله يكرمك يا باشا
بيدور خلص اولي ابتدائي حضرتكر:-)
ومن ساعتها لسه ماشوفناكش
سارار ب 3200 :-(
ولابيدوس معقول شوية
لورينزو عادية
لسه في لفة تانية عند الباقيين
بس انا شخصيا عاجباني سارار :-)
جرب uturn يا كريم في عمارات العبور ... حاجاته ممتازة
بعد أذنكم حعتبر الاقتراح اللي انا حقوله ده خلاصه الخلاصه
ليه
عشان ده نتاج خبرتي في مجال الملابس من وانا عندي 16 سنه الي تقريبا الان
احسن وبقول احسن وبيجي بعديهم بفرق كبييييييييييير ناس في مصر بيعملوا قماش هم شركه جولدن تكس .
ليه ابتديت بلقماش
عشان المكون الاساسي اللي قايم عليه الصناعه نفسها هوه ده واللي بيحدد بنسبه كبيره سعر القطعه
الناس ديه عندها مصانع تشغيل بدله وقميص وبنطلون
وعندها منافذ بيع ليها وموزعين
وكله تحت اسم عرفه جروب
خدوا عندكم كونكريت وتيد لابيدوس وجي لاروش ديه محلات بماركنها بتاعتهم
البدله الماريو باروتي والتيد والجي لاروش دول احسن بدل في مصر
سعرا وقيمه وتلبيسا تاني سعرا --- وقيمه ------ وتلبيسا -
تلاقيهم فين
محلات مانتيروا وتيد لابيدوس وسنيور وسير وبلليني وموريس حنا واحمد عيد
سعرهم واحد في كل الفروع سواء بتاعتهم او الموزعين ليهم
مبينزلش عليهم خصم في الاوكازيون
بدله فرح
يفضل فعلا انك تجيب بدله سودا بس سواد ملوكي وتركب عليها ستان وتكبس الزراير ستان ولو عايز تزود ممكن تركب شريط ستان علي البنطلون
الفست والفولار بيعملوا شغل خصوصا في التصوير
وربنا يوفقك للخير
الف مبروك يا زعيمنا وعبال ما تفرح باولادك انا عن نفسي اشتريت بدلتي من المركز الايطالي عنده تشكيله تحفه هو مكانه قبل ما توصل لمحطة مترو المطرية علي اليمين قبل مركز اشرفكوا للاطارات عنده تشكيله بدل ايطاليه تحفه انا جبتها من عنده ب 500 جنيه بكل مشتمالاتها
جاى لاروش ممتاز فى عمارات العبور صلاح سالم
واسعارهم كويسه
اللفة التانية بكرة
يا مسهل
شكرا لاقتراحاتكم جدا