كليتي ... لايك و شير في الخير !!!

**د.اشرف هنداوى** · 08-05-2013 05:54 PM

ما ينفعش اكون عضو في منتدي قوي و واسع الانتشار زى (نايل موتورز) و ما احاولش افيد اخواني

اعضاء المنتدي و في نفس الوقت استفيد بدعمهم لي.

انا استشاري امراض كلي اشتغلت برة (فرنسا) 7 سنين و جوة في مصر تقريبا 7 سنين زيهم و لاحظت

انتشار الفشل الكلوي في مصر بنسبة كبيرة و عدم وجود وعي بأمراض الكلي و اسبابها و ان ده بيكون

سبب مهم في زيادة عدد المرضي عندنا علما بأن هم اسباب هذا المرض وهم : ضغط الد المرتفع +

السكر + حصوات الكلي منتشرين جدا في مصر وفيه اهمال في الكشف المبكر عن هذه الامراض و

علاجها.

لاحظت كمان ان اموال العلاج علي نفقة الدولة (2-3 مليار جنيه سنويا) رايحة تقريبا علي 3 امراض (او بلاوي):

1- التهاب الكبد الوبائي (سي)
2- الفشل الكلوي و الغسيل
3- الاورام

و للاسف الامراض دي يتم اكتشافها متأخرا و بالتالي نتائج العلاج سيئة و بنفقد (بني ادمين) و

فلوس. يبقي ما ينفعش غير الكشف المبكر عن هذه الامراض عن طريق التوعية بها .

علشان كدة عملت صفحة علي الفيس بوك بالعربي و بحاول عن طريقها اوصل معلومات بطريقة

مبسطة عن امراض الكلي.

https://www.facebook.com/DR.ashraf.hendawy

كليتي

و زي ما بيقولوا : اعمل لايك و شير في الخير

عسي ان تكون هذه المعلومات (علم بنتفع به ) اذا انقطع عملنا في الارض و يستفيد به اكبر عدد

ممكن من الناس وتكونوا انتم معايا سبب في ده.

و شكرا مقدما لحسن تعاونكم

**drmsadek1979** · 08-05-2013 08:03 PM

ياريت تليفونك يا دكتور عندي استفسار ضروري

**د.اشرف هنداوى** · 08-05-2013 08:31 PM

المشاركة الأصلية كتبت بواسطة drmsadek1979

ياريت تليفونك يا دكتور عندي استفسار ضروري

انا خارج مصر حاليا لغاية اخر الشهر

ابعتلي تليفونك و انا اكلمك

**د.اشرف هنداوى** · 08-05-2013 08:46 PM

انا خارج مصر حاليا لغاية اخر الشهر

ابعتلي تليفونك و انا اكلمك

**speed_magnum** · 08-05-2013 09:03 PM

ربنا يكرمك وينفع بيك يا دكتر

**د.اشرف هنداوى** · 08-05-2013 09:50 PM

المشاركة الأصلية كتبت بواسطة dedi

الف شكر ليك و كتر خيرك ماعلش استفسار من حضرتك
هو صحيح الزيتون الاسرائيلى ينفع ينزل او يفتت الحصوة فى الكلى و هل لة مضار انا سمعت من ناس كتير انهم جربوة و عمل نتائج هايلة
عند حصوتين تقريبا 8 ملى فى جيب فى الكلى موش عاملين مشاكل يفضل تفتيتهم علشان مايكبروش و لا اسيبهم افضل اية راى سيادتكم
تحياتى

الف سلامة
لو دخلت علي الصفحة حتلاقي معلومات كتير عن الحصوات

عموما فيه اغذية كتير مفيدة زي البقدونس المغلي و شرب المياه بكثرة 3-4 لتر يوميا + الاقلال من الملح و البروتين و الاغذية الغنية بالاوكسالات (شاي - سبانخ- شيكولاتة- مانجو - فراولة - كوكاكولا)
بصراحة ما عنديش فكرة عن الزيتون الاسرائيلي و ان كان اسمه ما يشجعش !!

- الحصوات لو مش مسببة الام - او التهابات بالبول - او انسداد في مجري البول (تعرفها عن طريق اشعة تليفزيونية او مقطعية) ---- تتابعها بس كل 3- 6 شهور : تحليل بول + اشعة عادية او تليفزيونية. و خاصة لو فيه حد في العائلة عنده موضوع الحصوات ده لأن الوراثة لها دور .

و اي استفسار انا في الخدمة

**dedi** · 08-05-2013 10:17 PM

المشاركة الأصلية كتبت بواسطة د.اشرف هنداوى

الف سلامة
لو دخلت علي الصفحة حتلاقي معلومات كتير عن الحصوات

عموما فيه اغذية كتير مفيدة زي البقدونس المغلي و شرب المياه بكثرة 3-4 لتر يوميا + الاقلال من الملح و البروتين و الاغذية الغنية بالاوكسالات (شاي - سبانخ- شيكولاتة- مانجو - فراولة - كوكاكولا)
بصراحة ما عنديش فكرة عن الزيتون الاسرائيلي و ان كان اسمه ما يشجعش !!

- الحصوات لو مش مسببة الام - او التهابات بالبول - او انسداد في مجري البول (تعرفها عن طريق اشعة تليفزيونية او مقطعية) ---- تتابعها بس كل 3- 6 شهور : تحليل بول + اشعة عادية او تليفزيونية. و خاصة لو فيه حد في العائلة عنده موضوع الحصوات ده لأن الوراثة لها دور .

و اي استفسار انا في الخدمة

الف شكر لزوقك و سرعة ردك
هو الحصو و الدى اللة يرحمة توفى بها كان بيعمل عملية حراحية و توفى و هى موجودة عند اختى حصوات بس تقريبا رملية و انا اكتشفت انة عندى حصوتين فى جيب بالكلى و انا عندى ضغط عالى و نقرص
بس من اسبوع الدكتور طلب منى اشاعة صبغة طيب اية فايدتها و لماذا
اذا كانت الحصوات فى جيب و صعب تنزل بسبب حجمها هل البقدونس و الرواتنكس و غيرهم لة افادة و لا لا ماعلش و جعت دماغك و الف شكر

**د.اشرف هنداوى** · 08-05-2013 11:48 PM

- الوراثة زي ما قلتلك لها دور في تكوين الحصوات يعني ممكن تكون تاني حصوات.
- تعمل ايه ؟
الوقاية علي قد ما تقدر بالمياه الكتير و تجنب الاطعمة اللي قلتلك عليها
- نوع الحصوه : مهم علشان فيه انواع اهمهم : حصوات حمض البوليك (و بما ان عندك نقرس ممكن تكونها لأنه نفس الحمض يتاع النقرس) و اوكسالات الكالسيوم
---- تعمل اشعة عادية و تليفزيونية لو ظهرت في العادية بس تبقي اوكسالات و لو في التليفزيونية بس تبقي حمض بوليك - لو في الاتنين تبقي اوكسالات
علاج حصوات حمض البوليك هو نفس علاج النقرس : زيلوريك + الاقلال من اللحوم الحمراء + البقوليات

علاج حصوات الاوكسالات : مادة (هيدروكلوروثيازيد) ده مدر للبول و يستخدم في انواع كتيره من ادوية الضغط فتخلي الدكتور بتاعك يغيرلك علاج الضغط بنوع فيه الماده دي

- المياه الكثيرة او البقدونس و غيره ممكن يدوب جزء من الحصوة او كلها

و طالما الموضوع وراثي يبقي لازم تتابع بانتظام

الاشعة بالصبغة ما بقناش بنعملها بنعما اشعة مقطعية بدون صبغة و ده لتحديد مكان الحصوه علشان نشوف لو عاملة انسداد في مجري البول او قبل التفتيت لتحديد مكانها بالضبط

شفاك الله و عافاك